LOCCEIHTU Byalaanmaw
Byalaanmaw
Locceihtu hae Ryalawnaw hynh Thehoypaw Luka te po piakuhpaw nynh thua. Hynh-e ccauh nynh a paccyn huapaw tuh Thyaa Muisaw nynh a cciakhae hae paw zuitu hae nynh amaw kong Thehoypaw a pazaekunaw Jerusalem, Judea, Samaria ram balyn te laephi vaw khyzawvawkaw balyn kya pawcitemou a ho hae cinawpaw nynh athua (1.8). Judah hae laku kya Khriccaaw hae cyisahnaw nynh laephi vaw khyzawvawkaw kya zynnaw lang yn tangnawpaw phungpaw nynh thua. Ccawzeitu nynh a ccawriatu hae kya a ccaesahpya ry hae paw tuh Khriccaaw hae hynh ukkunaw lante Rom Accozah a rohtu thua leite Judah beiknaw a ccingsahtu nynh athua, ci nynh athua.
Locceihtu ccauh hynh phu thum lang a phia hae: tuhcite a phianaw hae nynh Jesu kong Thehoypaw a phynaw hae te Khriccaawbuu a raenaw hae kha a langsaku: (1) Jesu vaawlang a kae koute Jerusalem kya Khriccaaw ryalaw thonaw. (2) Palestin ram lungkhu hmin ccanglang a pazaekunaw. (3) Mediterranean Rili kyacia pazaekuh zah Rom khua cia a phyanawpaw kong nynh thua.
Abyapihua lante Locceihtu ccauh nynh a langsahkupaw tuh Jerusalem kya Pentekos nin ze zyntu hae tungvaw Thyaa Muisaw huhan thungnaw a ccawnawpaw te khriccaawbuu te piccan hae kyacia tuh-e nynh a cciakhaenaw hae te thawzung a pyanaw hae paw zeinawpaw ccauh nynh thua. Masaty Khriccaaw hae phungho hae paw kha adynnawte zei hae zah khriccaawbuu vaeccawkunaw te zyntu hae hiinnaw kya tuh-e phunghopaw huhan hae kha Locceihtu ccauh nynh langsakuh zah a ccakhung.
Alungkhu Umpaw
Ccaekia tangnaw hanlan paccynkunaw — 1.1-26
a. Nyathyakou Jesu kawpyanaw te byakinnaw — 1.1-14
b. Judas ccelang ponaw — 1.15-26
Jerusalem kya ccaekia tangnaw — 2.1—8.3
Samaria te Judea kya ccaekia tangnaw — 8.4—12.25
Paul ryalawnaw — 13.1—28.31
a. Vaekheitnaw Paul khuaccongnaw — 13.1—14.28
b. Jerusalem kya bya hokukheihnaw — 15.1-35
c. Vaeningnaw Paul khuaccongnaw — 15.36—18.22
d. Vaethumnaw Paul khuaccongnaw — 18.23—21.16
e. Jerusalem, Sisaria te Rom kya Paul thongccawnaw — 21.17—28.31
Currently Selected:
LOCCEIHTU Byalaanmaw: ZB16
Highlight
Share
Copy
Want to have your highlights saved across all your devices? Sign up or sign in
Zotung Bible © Bible Society of Myanmar, 2016.