བཀོད་པ། 5
5
ལེའུ་ལྔ༌པ།
ཨ་དམ་ནས་ནོ་ཨའི་བར་གྱི་རིགས༌རྒྱུད།
1འདིའི་མན་ནི་ཨ་དམ་#ཨ་དམ་ཞེས་པ་ནི་དཀོན་མཆོག་གིས་བསྐྲུན་པའི་མིའི་རིགས་ཀྱི་ཐོག་མ་ཡིན༌ལ། མིའི་རིགས་ནི་ཨ་དམ་ནས་མཆེད་པ་ཡིན༌པས། དམ་པའི་གསུང་རབ་ཀྱི་ཞལ་ཆད་གསར་རྙིང་གཉིས་ལས་གསུངས་པ་གཅིག་མཐུན༌ཡིན། སྐྱབས་མགོན་ཡེ་ཤུའི་གདུང་རབས་ནི་ཞལ་ཆད་གསར་པའི་ལོ་ཀུའི་འཕྲིན་བཟང་གི་ལེའུ་གསུམ་པའི་ཚིག་རྐང་ཉེར་གསུམ་ནས་སོ་བརྒྱད་བར་དུ༌གསལ།གྱི་རིགས་རྒྱུད་ཀྱི་མིང་ཐོ་ཡིན༌ནོ། །དེ་ཡང་དཀོན་མཆོག་གིས་མིའི་རིགས་བསྐྲུན་པའི་ཉིན༌ལ། ཁོང་གིས་རང་ཉིད་ཀྱི་སྣང་བརྙན་ལྟར་མི་བསྐྲུན་པ༌དང༌། 2ཕོ་མོ་གཉིས་སུ་མཛད་ཅིང་བྱིན་གྱིས་བརླབས་ཏེ་མིང་ལ་མི་ཞེས་བཏགས༌སོ།།
3དེ་ནས་ཨ་དམ་དགུང་ལོ་བརྒྱ་དང་སུམ་ཅུ་ཡིན་པའི་དུས༌སུ། བྱད་གཟུགས་དང་སྣང་བརྙན་རང་ཉིད་དང་མཚུངས་པའི་བུ་ཞིག་སྐྱེས་པ་ལ་སེད་ཐུ་ཞེས་མིང་བཏགས༌སོ།། 4ཨ་དམ་ལ་བུ་སེད་ཐུ་སྐྱེས༌རྗེས། ཡང་ལོ་བརྒྱད་བརྒྱ་ལ་བཞུགས་ཤིང་བུ་དང་བུ་མོ་གཞན་དག་ཀྱང་བསྐྱངས༌སོ།། 5དེ་ལྟར་ཨ་དམ་བསྡོམས་པས་ལོ་དགུ་བརྒྱ་སུམ་ཅུར་བཞུགས་རྗེས་ཚེ་ལས་འདས༌སོ།།
6དེ་ནས་སེད་ཐུ་ལོ་བརྒྱ་དང་ལྔ་ལོན་པའི་དུས་སུ་བུ་ཨེ་ནོ་ཤཱ༌སྐྱེས། 7ཨེ་ནོ་ཤཱ་སྐྱེས་པའི་རྗེས་སུ་སེད་ཐུ་ཡང་ལོ་བརྒྱད་བརྒྱ་དང་བདུན་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 8དེ་ལྟར་སེད་ཐུ་བསྡོམས་པས་ལོ་དགུ་བརྒྱ་དང་བཅུ་གཉིས་ལ་བཞུགས་རྗེས་ཚེ་ལས་འདས༌སོ།།
9དེ་ཡང་ཨེ་ནོ་ཤཱ་ལོ་དགུ་བཅུ་ལོན་པའི་དུས་སུ་བུ་ཀེ་ནན༌སྐྱེས། 10ཀེ་ནན་སྐྱེས་རྗེས་ཨེ་ནོ་ཤཱ་ཡང་ལོ་བརྒྱད་བརྒྱ་དང་བཅོ་ལྔར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 11ཨེ་ནོ་ཤཱ་བསྡོམས་པས་ལོ་དགུ་བརྒྱ་དང་ལྔ་ལ་བཞུགས་རྗེས་ཚེ་ལས་འདས༌སོ།།
12དེ་ནས་ཀེ་ནན་ལོ་བདུན་ཅུ་ལོན་པའི་དུས་སུ་བུ་མཱ་ཧ་ལ་ཨེལ་ཞེས་པ༌སྐྱེས། 13དེའི་རྗེས་སུ་ཀེ་ནན་ཡང་ལོ་བརྒྱད་བརྒྱ་དང་བཞི་བཅུར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 14དེ་ལྟར་ཀེ་ནན་བསྡོམས་པས་ལོ་དགུ་བརྒྱ་དང་བཅུ་ལ་བཞུགས་རྗེས་ཚེ་ལས་འདས༌སོ།།
15དེ་ནས་མཱ་ཧ་ལ་ཨེལ་ལོ་དྲུག་ཅུ་རེ་ལྔ་ལོན་པའི་དུས་སུ་བུ་ཡཱ་རཱད༌སྐྱེས། 16དེའི་རྗེས་སུ་མཱ་ཧ་ལ་ཨེལ་ཡང་ལོ་བརྒྱད་བརྒྱ་དང་སུམ་ཅུར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 17དེ་ལྟར་མཱ་ཧ་ལ་ཨེལ་བསྡོམས་པས་ལོ་བརྒྱད་བརྒྱ་དང་གོ་ལྔར་བཞུགས་རྗེས་ཚེ་ལས་འདས༌སོ།།
18དེ་ནས་ཡཱ་རཱད་ལོ་བརྒྱ་དང་རེ་གཉིས་ཡིན་པའི་དུས་སུ་བུ་ཧ་ནོག་ཅེས་པ༌སྐྱེས། 19དེའི་རྗེས་སུ་ཡཱ་རཱད་ཡང་ལོ་བརྒྱད་བརྒྱར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 20དེ་ལྟར་ཡཱ་རཱད་བསྡོམས་པས་ལོ་དགུ་བརྒྱ་དང་རེ་གཉིས་ལ་བཞུགས་རྗེས་ཚེ་ལས་འདས༌སོ།།
21དེ་ནས་ཧ་ནོག་ལོ་དྲུག་ཅུ་རེ་ལྔ་ལོན་རྗེས་བུ་མཱ་ཐུ་ཤ་ལཱ༌སྐྱེས། 22དེའི་རྗེས་སུ་ཧ་ནོག་ནི་ལོ་སུམ་བརྒྱར་དཀོན་མཆོག་དང་ལྷན་དུ་བསྐྱོད་དེ་བུ་དང་བུ་མོ་གཞན་དག་ཀྱང་བསྐྱངས༌སོ།། 23དེ་ལྟར་ཧ་ནོག་བསྡོམས་པས་ལོ་སུམ་བརྒྱ་དང་རེ་ལྔ་ལ་བཞུགས༌སོ།། 24ཧ་ནོག་ནི་དཀོན་མཆོག་དང་མཉམ་དུ་འགྲོགས་པ༌དང༌། དཀོན་མཆོག་གིས་ཁོ་རང་འཇིག་རྟེན་ལས་དྲངས་པས་#འཇིག་རྟེན་ལས་དྲངས་པ་ཞེས་པ་ནི་དཀོན་མཆོག་གིས་ཧ་ནོག་ནམ་མཁའི་ཞིང་ཁམས་སུ་དྲངས་པའི་དོན་དེ་བསྟན་པ༌ཡིན།མི་མཐོང་བར་གྱུར༌ཏོ།།
25དེ་ནས་མཱ་ཐུ་ཤ་ལཱ་ལོ་བརྒྱ་དང་གྱ་བདུན་ལོན་རྗེས་བུ་ལཱ་མེག༌སྐྱེས། 26དེའི་རྗེས་སུ་མཱ་ཐུ་ཤ་ལཱ་ཡང་ལོ་བདུན་བརྒྱ་དང་གྱ་གཉིས་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།། 27དེ་ལྟར་མཱ་ཐུ་ཤ་ལཱ་བསྡོམས་པས་ལོ་དགུ་བརྒྱ་དང་རེ་དགུ་ལ་བཞུགས་རྗེས་ཚེ་ལས་འདས༌སོ།།
28དེ་ནས་ལཱ་མེག་ལོ་བརྒྱ་དང་གྱ་གཉིས་ལོན་ནས་བུ་ཞིག་སྐྱེས༌ཤིང༌། 29ཁོང་གིས་བུའི་མིང་ལ་ནོ་ཨ་ཞེས་བཏགས༌ཏེ། བུ་འདིས་རང་ཅག་གི་ངལ་རྩོལ་དང་དཀའ་ཚེགས་ལ་སེམས་གསོ་བྱེད་པར་འགྱུར༌རོ། །རྒྱུ་མཚན་ནི་དཀོན་མཆོག་ཡ་ཝཱེས་ས་ལ་དམོད་པ་མཛད་པའི་ཕྱིར་ཡིན་ཞེས་སྨྲས༌སོ།། 30དེ་ནས་ལཱ་མེག་ལ་བུ་ནོ་ཨ་སྐྱེས༌རྗེས། ཡང་ལོ་ལྔ་བརྒྱ་དང་གོ་ལྔར་བཞུགས་ཏེ་བུ་དང་བུ་མོ་གཞན་དག་ཀྱང་བསྐྱངས༌སོ།། 31དེ་ལྟར་ལཱ་མེག་བསྡོམས་པས་ལོ་བདུན་བརྒྱ་དང་དོན་བདུན་ལ་བཞུགས་རྗེས་ཚེ་ལས་འདས༌སོ།། 32དེ་ནས་ནོ་ཨ་ལོ་ལྔ་བརྒྱ་ལོན་པའི་དུས་སུ་ཤེམ་དང་ཧཱམ་དང་ཡ་ཕེད་ཅེས་བྱ་བའི་བུ་གསུམ་སྐྱེས༌སོ།།
Currently Selected:
བཀོད་པ། 5: NTB
Highlight
Share
Copy
Want to have your highlights saved across all your devices? Sign up or sign in
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.