لَاتَانٛوجِ 49
49
عَنَّبَاکُ يَعْقُوبُ دٛوْ ࢡِࢡّٜ مُوطُمْ
1يَعْقُوبُ عٜوْنِ ࢡِࢡّٜ مُوطُمْ، وِعِ: «مٛوࢡٜ حَا عَمْ حَا مِعَنْدِنَ عٛنْ کٛ لَاتَنْتَ عٛنْ ندٜرْ ࢩَلْطٜ غَرَنْطٜ؞ 2کَوْتٜ، نَنٜ، عٛنٛنْ ࢡِࢡّٜ يَعْقُوبُ، نَنٜ کٛ بَابَ مٛوطٛنْ إِسْرَاءِيلَ وِعَتَ عٛنْ!
3«رُبٜنْ، عَنْ وٛنِ عَڢٛ عَمْ، عَ بَاوْطٜ عَمْ عٜ عَرَنُمْ سٜمْبٜ عَمْ، عَ ࢡُرْدُطٛ مَنغُ عٜ بَاوْطٜ شَکَ ࢡِيَمْعٜنْ؞ 4عَࢨُوڢِ بَنَ ࢨُوغٜ ندِيَمْ شٜمْبِطّٜ، عَمَّا عَحٜࢡَتَا ࢡُرَلْ؞ نغَمْ عَوَعِّ دٛوْ بٜعِّتّٜ بَابَ مَاطَ، عَسٛࢡْنِ بٜعِّتّٜ عَمْ بٜى وَعَّاغٛ مَ؞
5«سِمٜيٛنْ عٜ لٜوِ ࢡٜ دٜىٰرْطِرَاࢡٜ؞ ࢡٜنَرِّ نغَمْ تٛوࢩَاغٛ يِمْࢡٜ؞ 6تَا يٛنغْکِ عَمْ نَسْتَ دَوْرَلْ مَࢡّٜ؞ تَا ࢡٜرْندٜ عَمْ حَوْتَنَ مٛوࢡْتٛرْدٜ مَࢡّٜ؞ نغَمْ ندٜرْ تِکّٜرٜ مَࢡّٜ ࢡٜمبَرِ وٛرْࢡٜ، ندٜرْ وٜلْوٜلٛ مَࢡّٜ ࢡٜشٛݠِّ کٛرْلٜ غَعِ کَلْحَلِ؞ 7نَالٛورٜ لَاتَنٛ تِکّٜرٜ مَࢡّٜ، نغَمْ ندٜ حٜىٰوِ تٛوࢩَانغٜ، نٛنْ بٛو ࢡٜرْنُکِ مَࢡّٜ بٛو، نغَمْ کِ وَلَا عٜنْطَمْ؞ مِسٜنْدَنْ ࢡٜ ندٜرْ لٜسْدِ يَعْقُوبُ، مِسَنغْکِتَنْ ࢡٜ شَکَ إِسْرَاءِيلَعٜنْ؞
8«عَنْ، يَحُودَ، دٜىٰرْطِرَاࢡٜ مَاطَ مَنغْتٜتٜ؞ جُنغٛ مَ وٛنَنْ دٛوْ کٛࢡُّلِ کٛنّٜعٜنْ مَاطَ؞ ࢡِࢡّٜ بَابَ مَ شُجِدَنْتٜ؞ 9يَحُودَ، ࢡِطّٛ عَمْ؞ عَنَنْدِ بَنَ ࢡِي مبَرٛوغَ، ݠَطُّنغَ کُسٜلْ، طَݠِّنِ؞ عَرٛنغِنِ بَنَ مبَرٛوغَ، بَنَ مبَرٛوغَ ندٜوَ، مٛيْ وَاوَتَ حَڢْتِنْغٛ مٛ؟#لِمْلٜ 24:9؛ وَحَيُ يُحَنَّ 5:5؞ 10سَوْرُ لَامُ دَايَتَاکٛ يَحُودَ؞ ندُ وٛنٛتٛ تُمْ شَکَ دَࢩْغٛلْ مَاکٛ؞ عٛمَرَنْ بَاوْطٜ حَا يٛتّٛ مٛ سَوْرُ مَنْ لَاتَنْتٛ طُمْ وَرَ#49:10 … حَا يٛتّٛ مٛ سَوْرُ مَنْ لَاتَنْتٛ طُمْ وَرَ مَلَّ … حَا تٛ سِلٛ يٛتَّکٜ؞، مٛ عُمَّاتٛوجٜ طٛوْتَنْتٛ طُمْ؞ 11عٛحَࢡَّنْ وَمْندٜ مَاکٛ حَا عِنَبٛحِ، مٛلْدٜ بٛو حَا لِسَلْ ࢡُرْنغَلْ وٛوطُغٛ؞ عٛلٛوتَنْ لِمْشٜ مَاکٛ بٜى عِنَبٛوجَمْ، نغَݠَلٜىٰوٛلْ مَاکٛ بٛو بٜى ندِيَمْ عِنَبٛوجٜ؞ 12غِتٜ مَاکٛ مبٛوجِ دَلِيلَ عِنَبٛوجَمْ، ࢩِيعٜ مَاکٛ ندَنْوِ ࢡُرِ کٛسَمْ؞
13«زَبُلٛنْ جٛوطٛتٛ حَا ڢٛمٛوندٜ مبٜىٰلَ، حَا جِݠّٛرْدٜ کٛومْبٛوجٜ#49:13 کٛومْبٛوجٜ مَلَّ لَانَاجٜ؞؞ کٜىٰرِ مَاکٛ نجٛتّٛتٛ بٜرْنِوٛلْ سِدٛنْ؞
14«عِسَّکَرْ وٛنِ وَمْندٜ سٜمْبِطْندٜ، وَالٛتٛوندٜ شَکَ کٛوَاطٜ تٜکُّطٜ#49:14 وَالٛتٛوندٜ شَکَ کٛوَاطٜ تٜکُّطٜ؞ يٜࢡْرٜ عَايَارٜ ندٜعٜ وٛودِ ڢَسَّرُويٜىٰجِ غٛطِّ طُوطِّ؞؞ 15ندٜ عٛيِعِ سِوْتَارٜ وٜلِ، لٜسْدِ بٛو وٛوطِ، عٛتُرِ بَلَوَلْ مَاکٛ نغَمْ رٛونْدَاغٛ، عٛنَسْتِنِ حٛورٜ مَاکٛ حَا کُوغَلْ مَشُّطٛ؞
16«دَنْ حِيتٛتٛ لٜࢩٛلْ مُمْ بَنَ لٜعِ إِسْرَاءِيلَ غٛطِّ؞ 17دَنْ لَاتٛتٛ بَنَ مبٛودِ دٛوْ بُووٛلْ، ڢٛوسٛکْرٜ دٛوْ لَاوٛلْ؞ عٛنغَتَنْ تٜݠّٜ ݠُشُّ، ندٜنْ بَعِّيطٛ نغُ دٛعّٛتٛ حَا لٜسْدِ؞
18«مِطٛنْ تَمّٛرٛ کِسْندَمْ مَ، يَا جَوْمِرَاوٛ!
19«غَدَ، مٛوࢡْرٜ عُکَّنْتٛ مٛ، عَمَّا عٛدَرْتَنْتٛ ندٜ، عٛڢَرْتَنْ ندٜ؞
20«عَسٜرْ، ࢩَامْدُ مُمْ طُوطْندُ، عٛوَطَنْ ࢩَامْدُوجِ بٜلْطِ، طِ لَامِيࢡٜ؞
21«نٜڢْتَلِ وٛنِ لٜلْوَ نجٛوڢْتَانغَ، ندِمَنْنغَ ࢡِکّٛيْ مبٛوطْکٛيْ؞
22«يُوسُڢُ وٛنِ وِلِرّٜ لٜکِّ دِمٛوحِ، وِلِرّٜ لٜکِّ دِمٛوحِ کٛمْبِ سٜىٰࢡٛورٜ ندِيَمْ، کِ لِشٜ مُمْ تٛوْتِ دٛوْ مَحٛلْ؞ 23ڢِطٛوࢡٜ کُرِ تِکِّنِمٛ، ݠِطِمٛ، کٛنِمٛ؞ 24عَمَّا لَغَاوَلْ مَاکٛ تَبِتِ، جُوطٜ مَاکٛ شَاتِ نغَمْ بَلَّلْ اَللَّه بَاوْطٛ مٛ يَعْقُوبُ، نغَمْ مَنْ عٛلَاتِ غَيْنَاکٛ عٜ تَݠَارٜ إِسْرَاءِيلَ#49:24 … نغَمْ مَنْ عٛلَاتِ غَيْنَاکٛ عٜ تَݠَارٜ إِسْرَاءِيلَ مَلَّ بٛو … حَا تٛنْ غَيْنَاکٛ، تَݠَارٜ إِسْرَاءِيلَ عِوَتَ؞؞ 25اَللَّه مٛ بَابَ مَاطَ وَلّٜتٜ؞ اَللَّه بَاوْطٛ بَرْکِطِنْتٜ بٜى بَرْکَاجِ عِيٜىٰلٜ دِغَ دٛوْ، بٜى بَرْکَاجِ عِلَمْجِ بَالِيطِ لٜسْ لٜسْدِ، بٜى بَرْکَاجِ عٜنْطِ عٜ دَࢩْرُغٛلْ؞ 26بَرْکَاجِ بَابَ مَاطَ ࢡُرِ مَوْنُغٛ دٛوْ نَڢُودَ کٛوسٜىٰجٜ ࢡٛويْمَاجٜ عٜ رِسْکُ تٛوْندِيجٜ دُومِيطٜ؞ طِ نغَرَ دٛوْ حٛورٜ يُوسُڢُ، دٛوْ حٛورٜ شُࢡَاطٛ شَکَ دٜىٰرْطِيکٛعٜنْ؞
27«بٜنْيَمِنْ وٛنِ سَاڢَاندُ ڢَطّٛورُ؞ ڢَجِرِ عٛࢩَامَنْ ݠَطَّاطُمْ، کِيکِيطٜ عٛسٜنْدَنْ کٜࢡَلْ؞»
28کَمْࢡٜ نغٛنِ لٜعِ إِسْرَاءِيلَ سَݠّٛ عٜ طِطِ؞ بَنَ نٛنْ بَابَ مَࢡّٜ وٛلْوَنِ ࢡٜ؞ عٛبَرْکِطِنِ ࢡٜ؞ کٛو مٛيْ حٜࢡِ بَرْکَ نٛ حَانْدَنِ طُمْ؞
مَايْدٜ يَعْقُوبُ
29ندٜنْ يَعْقُوبُ عُمْرِ ࢡِکّٛيْ مُمْ: «مِحَوْتٛيَنْ بٜى کَاکِرَاࢡٜ عَمْ؞ عُوٜىٰطَمْ حَا کٛمْبِ مَࢡّٜ، ندٜرْ لٛوٛلْ نغٜسَ عٜڢْرُونَ حٜتِيجٛ، 30حَا لٛوٛلْ مَکْݠٜلَ، تِيتٛتِرِ بٜى مَمْرٜ؞ طُمْ نغٜسَ کَ إِبْرَاهِيمَ سٛودِ حَا عٜڢْرُونَ، حٜتِيجٛ، نغَمْ نٛکُّورٜ يٜنَاندٜ#لَاتَانٛوجِ 23:3-20؞ ؞ 31تٛنْ ࢡٜعُوِ إِبْرَاهِيمَ عٜ دٜبّٛ مَاکٛ سَارَةُ؞ تٛنْ ࢡٜعُوِ إِسْحَاقَ عٜ دٜبّٛ مَاکٛ رٜبٜکَّ؞ تٛنْ مِعُوِ لٜيَ بٛو#لَاتَانٛوجِ 25:9-10؛ 35:29؞؞ 32نغٜسَ عٜ لٛوٛلْ ندٜرْ مَاکَ شٛودَامَ حَا حٜتِعٜنْ؞» 33ندٜ يَعْقُوبُ تِمِّنِ عُمْرُغٛ ࢡِࢡّٜ مُوطُمْ، عٛحَوْتِ کٛسْطٜ مَاکٛ دٛوْ بٜعِّتّٜ، عٛيٛوڢْتِ يٛنغْکِ، عٛحَوْتٛيِ بٜى کَاکِرَاࢡٜ مَاکٛ#کُوطٜ نٜلَاࢡٜ 7:15؞؞
Currently Selected:
لَاتَانٛوجِ 49: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.