لَاتَانٛوجِ 48
48
يَعْقُوبُ بَرْکِطِنِ عٜڢْرَيِمْ عٜ مَنَسَّ
1ࢡَاوٛ کُوجٜ طٜعٜ، ࢡٜمبِعِ يُوسُڢُ: «ندَا، بَابَ مَ ࢩَوْطٛ؞» ندٜنْ عٛحٛوعِدِ بٜى مَاکٛ ࢡِيِيکٛعٜنْ طِطٛ، مَنَسَّ عٜ عٜڢْرَيِمْ؞ 2ࢡٜعَنْدِنِ يَعْقُوبُ، ࢡٜمبِعِ: «ندَا، ࢡِيَ يُوسُڢُ وَرِ حَا مَ؞» إِسْرَاءِيلَ حَࢡْدِ، جٛوطِ دٛوْ لٜىٰسٛ مُمْ؞ 3يَعْقُوبُ وِعِ يُوسُڢُ: «اَللَّه بَاوْطٛ وَنغَنِ يَمْ حَا لُوسْ ندٜرْ لٜسْدِ کَنَانَ، بَرْکِطِنِ يَمْ؞ 4عٛوِعِ يَمْ: مِلَاتِنْتٜ طُوطَ-عَسْنغٛلْجٛ، مِلَاتِنْتٜ مٛوࢡْرٜ عُمَّاتٛوجٜ، مِمَرْنَنْ دَࢩْغٛلْ مَ لٜسْدِ ندِعِ مَرَلْ دُومِينغَلْ ࢡَاوٛ مَاطَ#لَاتَانٛوجِ 28:13-14؞؞ 5جٛنْتَ ࢡِࢡّٜ مَ طِطٛ، دَࢩَنَاࢡٜ مَ ندٜرْ لٜسْدِ مِصْرَ حِدّٜکٛ مِوَرَ حَا مَاطَ حَا طٛ، ࢡٜلَاتَنْتٛ يَمْ؞ عٜڢْرَيِمْ عٜ مَنَسَّ لَاتَنٛ يَمْ بَنَ رُبٜنْ عٜ سِمٜيٛنْ؞ 6عَمَّا ࢡِࢡّٜ ࢡٜندَࢩَتَ ࢡَاوٛ مَࢡّٜ، لَاتَنٛ مَ؞ ندٜرْ مَرَلْ حَمِّرَاࢡٜ مَࢡّٜ ࢡٜکٜࢡَتَ غٜطَلْ مَࢡّٜ؞ 7نغَمْ سَاعِ مِوَرْتِ دِغَ ݠَدَّنْ-عَرَمْ، رَحِيلُ مَايِ حَا عَمْ دٛوْ لَاوٛلْ ندٜرْ لٜسْدِ کَنَانَ، دَايَاکِ بٜى عٜڢْرَتَ؞ مِعُوِمٛ تٛنْ، دٛوْ لَاوٛلْ عٜڢْرَتَ؞» کَنْجُمْ وٛنِ: بَيْتِلَامَ#لَاتَانٛوجِ 35:16-19؛ يٛسُوَ 13–19؞؞
8ندٜ إِسْرَاءِيلَ يِعِ ࢡِࢡّٜ يُوسُڢُ، عٛࢨَمِ: «طُمْ ࢡٜيٜ ࢡٜعٜ؟» 9يُوسُڢُ جَابِ بَابَ مُوطُمْ: «طُمْ ࢡِࢡّٜ عَمْ ࢡٜ اَللَّه حٛکِّ يَمْ حَا طٛ؞» إِسْرَاءِيلَ وِعِ: «ࢡَدِنْ ࢡٜ حَا عَمْ، حَا مِبَرْکِطِنَ ࢡٜ؞» 10غِتٜ إِسْرَاءِيلَ تَمْݠِ نغَمْ ندٛتَّاکُ، عٛوَاوَتَا يِعُغٛ؞ يُوسُڢُ ࢡَدِنِ ࢡٜ حَا مَاکٛ، عٛحٜبِّ ࢡٜ، عٛحَرْلِ ࢡٜ؞ 11إِسْرَاءِيلَ وِعِ يُوسُڢُ: «مِتَمَّاکِنٛ مِيِعٜتٜ ڢَحِنْ؞ ندَا، اَللَّه يِعْنِ يَمْ کٛو دَࢩْغٛلْ مَ بٛو؞» 12يُوسُڢُ سٛتِّنِ ࢡٜ کٛݠِّ بَابَ مَاکٛ، عٛسُجِدِ، يٜىٰسٛ حَا لٜسْدِ؞
13ندٜنْ يُوسُڢُ حٛوعِ ࢡٜ طِطٛ ڢُو، عٜڢْرَيِمْ بٜى ࢩَامٛ مَاکٛ، نغَمْ عٛوٛنَ حَا نَنٛ إِسْرَاءِيلَ، مَنَسَّ بٛو بٜى نَنٛ مَاکٛ نغَمْ حَا عٛوٛنَ حَا ࢩَامٛ إِسْرَاءِيلَ؞ عٛࢡَدِنِ ࢡٜ حَا مَاکٛ؞ 14عَمَّا إِسْرَاءِيلَ وَاڢِنْدِرِ جُوطٜ مُمْ، يٛوِ ࢩَامٛ دٛوْ عٜڢْرَيِمْ – مِࢩِرَاوٛ – نَنٛ مَاکٛ بٛو دٛوْ مَنَسَّ – عَڢٛ؞ 15عٛبَرْکِطِنِ يُوسُڢُ، عٛوِعِ: «اَللَّه مٛ مَامَ عَمْ إِبْرَاهِيمَ عٜ بَابَ عَمْ إِسْحَاقَ نغٜىٰطِ يٜىٰسٛ مُمْ، اَللَّه مٛ عَيْنِ يَمْ بَنَ غَيْنَاکٛ دِغَ دَࢩٜىٰکِ عَمْ حَا وَرْغٛ حَنْدٜ، 16مَلَاعِکَاجٛ کِسْنُطٛ يَمْ سَرُّ ڢُو، بَرْکِطِنَ دٜرْکٜعٜنْ ࢡٜعٜ؞ دَلِيلَ مَࢡّٜ عِنْدٜ عَمْ تَبِتٛ بَنَ عِنْدٜ مَامَ عَمْ إِبْرَاهِيمَ عٜ بَابَ عَمْ إِسْحَاقَ؞ ࢡٜطُوطَ مَسِنْ حَا لٜسْدِ؞»
17ندٜ يُوسُڢُ يِعِ بَابَ مَاکٛ يٛوِ جُنغٛ مُمْ ࢩَامٛ دٛوْ حٛورٜ عٜڢْرَيِمْ، عٛيٜرْدَاکِ طُمْ؞ عٛنَنغِ جُنغٛ بَابَ مَاکٛ، نغَمْ عٛسٛتِّنَ نغٛ دٛوْ حٛورٜ عٜڢْرَيِمْ، عٛيٛوَ نغٛ دٛوْ حٛورٜ مَنَسَّ؞ 18عٛوِعِ بَابَ مَاکٛ: «نَا نٛنْ، بَابَ عَمْ! عٛو وٛنِ عَڢٛ، يٛوْ ࢩَامٛ مَ دٛوْ حٛورٜ مَاکٛ؞» 19عَمَّا بَابَ مَاکٛ سَلِ، وِعِ: «مِعَنْدِ، ࢡِنغٜلْ عَمْ! مِعَنْدِ کَنغْکٛ بٛو عٛلَاتٛتٛ عُمَّاتٛورٜ؞ کَنغْکٛ بٛو عٛلَاتٛتٛ مَوْطٛ؞ عَمَّا مِࢩِيکٛ ࢡُرْدَنْ مٛ مَنغُ، دَࢩْغٛلْ مِࢩِيکٛ لَاتٛتٛ مٛوࢡْرٜ عُمَّاتٛوجٜ؞» 20عٛبَرْکِطِنِ ࢡٜ ࢩَلَادٜ مَاجُمْ، عٛوِعِ: «إِسْرَاءِيلَعٜنْ ڢُو مبَرْکِطِنِرَنْ بٜى عِنْدٜ مَاطَ؞ ࢡٜمبِعَنْ: اَللَّه وَطٜ بَنَ عٜڢْرَيِمْ عٜ مَنَسَّ؞» بَنَ نٛنْ عٛعَرْدِنِرِ عٜڢْرَيِمْ يٜىٰسٛ مَنَسَّ#عِبْرَنِنغْکٜعٜنْ 11:21؞؞ 21إِسْرَاءِيلَ وِعِ يُوسُڢُ: «ندَا، مِطٛنْ مَايَ؞ عَمَّا اَللَّه وٛنْدَنْ بٜى مٛوطٛنْ، لٛرْتِنَنْ عٛنْ ندٜرْ لٜسْدِ کَاکِرَاࢡٜ مٛوطٛنْ؞ 22مِحٛکّٜتٜ سِکٜمْ، لٜسْدِ ࢡُرْندِ وٛوطُغٛ، دٜىٰرْطَعٜنْ کٜࢡَتَا ندِ؞ لٜسْدِ مَنْ، مِحٛوعِ ندِ حَا عَمٛورِعٜنْ بٜى کَاڢَحِ عَمْ عٜ لَغَاوَلْ عَمْ؞»
Currently Selected:
لَاتَانٛوجِ 48: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.