لَاتَانٛوجِ 46
46
يَعْقُوبُ دِلِّ حَا مِصْرَ بٜى سَارٜ مُمْ
1إِسْرَاءِيلَ عُمِّ بٜى کٛ عٛمَرِ ڢُو، عٛوَرِ وُرٛ بِيرْسَبَ؞ عٛلِيعَنِ اَللَّه مٛ بَابَ مَاکٛ إِسْحَاقَ کِرْسَاطِ؞ 2اَللَّه وٛلْوَنِ إِسْرَاءِيلَ بٜى وَحَيُ جٜمَّ، وِعِمٛ: «يَعْقُوبُ! يَعْقُوبُ!» عٛجَابِ: «نَعَمْ، مِطٛنْ حٜطِتٛ مَ؞» 3عٛوِعِ: «مِنْ اَللَّه، اَللَّه مٛ بَابَ مَاطَ؞ تَا حُلْ يَحُغٛ مِصْرَ، نغَمْ حَا تٛنْ لَاتِنَنْمَامِ عُمَّاتٛورٜ مَوْندٜ#غُرْتَاکِ 32:10؛ لِمْلٜ 14:12؞؞ 4مِيَحْدَنْ بٜى مَاطَ حَا مِصْرَ، کَدِبٛو مِنْ وَرْتِرْتٜ حَا طٛ؞ سَاعِ مَايَتَ، يُوسُڢُ مَࢡَّتَ مَ غِتٜ؞»
5يَعْقُوبُ عُمِّ دِغَ بِيرْسَبَ؞ ࢡِࢡّٜ مُوطُمْ مبَعِّنِ طُمْ عٜ ࢡِکّٛيْ مَࢡّٜ عٜ رٜوْࢡٜ مَࢡّٜ دٛوْ مٛوتَاجِ ݠُشِّ طِ ڢِرْعَوْنَ نٜلْدُنٛ نغَمْ يَحْرُغٛ ࢡٜ؞ 6ࢡٜکٛوعِ دَبَّاجِ مَࢡّٜ عٜ مَرْدِ ندِ ࢡٜکٜࢡْنٛ ندٜرْ لٜسْدِ کَنَانَ؞ بَنَ نٛنْ يَعْقُوبُ عٜ دَࢩْغٛلْ مُمْ ڢُو وَرْدِ حَا مِصْرَ#کُوطٜ نٜلَاࢡٜ 7:15؞؞ 7عٛيَحْدِ بٜى ࢡِࢡّٜ مَاکٛ وٛرْࢡٜ عٜ تَانِرَاࢡٜ مَاکٛ وٛرْࢡٜ، نٛنْ بٛو ࢡِࢡّٜ مَاکٛ رٜوْࢡٜ عٜ تَانِرَاࢡٜ رٜوْࢡٜ؞ عٛوَرْدِ بٜى دَࢩْغٛلْ مَاکٛ ڢُو حَا مِصْرَ؞
8ندَا عِنْطٜ ࢡِࢡّٜ إِسْرَاءِيلَ وَرْࢡٜ حَا مِصْرَ: يَعْقُوبُ عٜ ࢡِࢡّٜ مُمْ: عَڢٛ يَعْقُوبُ، رُبٜنْ؞ 9ࢡِࢡّٜ رُبٜنْ نغٛنِ: حَنٛکْ عٜ ݠَلُّ عٜ حٜسْرُونُ عٜ کَرْمِ؞ 10ࢡِࢡّٜ سِمٜيٛنْ نغٛنِ: يٜمُوٜلْ عٜ يَمِنْ عٜ عٛحَدَ عٜ يَکِنْ عٜ شٛحَرْ عٜ سَوُلُ، ࢡِي دٜبّٛ کَنَانِيجٛ؞ 11ࢡِࢡّٜ لٜوِ نغٛنِ: غٜرْسٛنْ عٜ کَحَتْ عٜ مٜرَارِ؞ 12ࢡِࢡّٜ يَحُودَ نغٛنِ: عٜىٰرْ عٜ عٛونَنْ عٜ سٜلَ عٜ ݠٜرٜسْ عٜ زٜرَحَ؞ عَمَّا عٜىٰرْ عٜ عٛونَنْ مَايِ ندٜرْ لٜسْدِ کَنَانَ؞ ࢡِࢡّٜ ݠٜرٜسْ نغٛنِ: حٜسْرُونُ عٜ حَمُلْ؞ 13ࢡِࢡّٜ عِسَّکَرْ نغٛنِ: تٛلَ عٜ ݠُوَ عٜ يٛبَ عٜ سِمْرٛنْ؞ 14ࢡِࢡّٜ زَبُلٛنْ نغٛنِ: سٜرٜتْ عٜ عٜلٛنْ عٜ يَحَلٜيٜلْ؞ 15کَمْࢡٜ نغٛنِ ࢡِࢡّٜ لٜيَ ࢡٜ عٛ دَࢩَنِ يَعْقُوبُ حَا ݠَدَّنْ-عَرَمْ، نٛنْ بٛو دِنَ، ࢡِيِيکٛ دٜبّٛ؞ ࢡِࢡّٜ مَاکٛ وٛرْࢡٜ عٜ رٜوْࢡٜ ࢡٜ عٛ دَࢩْدِ بٜى لٜيَ نٛنْ بٛو تَانِکٛعٜنْ نغَطِ ڢُو شَݠَّنْطٜ تَتٛ عٜ تَتٛ (33)؞
16ࢡِࢡّٜ غَدَ نغٛنِ: شِڢِيٛنْ عٜ حَغِّ عٜ سُنِ عٜ عٜسْبٛنْ عٜ عٜرِ عٜ عَرٛودِ عٜ عَرٜىٰلِ؞ 17ࢡِࢡّٜ عَسٜرْ نغٛنِ: يِمْنَ عٜ يِسُوَ عٜ يِسُوِ عٜ بٜرِعَ عٜ دٜىٰرْطِرَاوٛ مَࢡّٜ دٜبّٛ: سٜرَ؞ ࢡِࢡّٜ بٜرِعَ نغٛنِ: حٜبٜرْ عٜ مَلْکِيٜلْ؞ 18کَمْࢡٜ نغٛنِ دَࢩْغٛلْ زِلْݠَ مٛ لَبَنْ حٛکُّنٛ ࢡِيُمْ لٜيَ؞ ࢡِکّٛيْ عٜ تَانِرَاࢡٜ ڢُو نغَطِ سَݠّٛ عٜ نجٛوٜىٰغٛ (16)؞
19ࢡِࢡّٜ رَحِيلُ، دٜبّٛ يَعْقُوبُ، نغٛنِ: يُوسُڢُ عٜ بٜنْيَمِنْ؞ 20يُوسُڢُ دَࢩَنَامَ مَنَسَّ عٜ عٜڢْرَيِمْ ندٜرْ لٜسْدِ مِصْرَ؞ عَسْنَتْ ࢡِي ݠٛتِ-ڢٜرَ، لِمَنْجٛ حَا عٛونْ، دَࢩَنِمٛ ࢡٜ#لَاتَانٛوجِ 41:50-52؞؞ 21ࢡِࢡّٜ بٜنْيَمِنْ: بٜلَ عٜ بٜکٜرْ عٜ عَسْبٜىٰلْ عٜ غٜىٰرَ عٜ نَعَمَنْ عٜ عٜحِ عٜ رٛوسْ عٜ مُݠِّمْ عٜ حُݠِّمْ عٜ عَرْدَ؞ 22کَمْࢡٜ نغٛنِ دَࢩْغٛلْ رَحِيلُ، دَࢩَنَاࢡٜ يَعْقُوبُ؞ ࢡِکّٛيْ عٜ تَانِرَاࢡٜ ڢُو نغَطِ ࢡٜ سَݠّٛ عٜ نَيٛ (14)؞
23ࢡِطّٛ دَنْ: حُسِمْ؞ 24ࢡِࢡّٜ نٜڢْتَلِ نغٛنِ: يَحَشِيٜلْ عٜ غُنِ عٜ يٜشٜرْ عٜ سِلّٜمْ؞ 25کَمْࢡٜ نغٛنِ ࢡِکّٛيْ عٜ تَانِرَاࢡٜ يَعْقُوبُ ࢡٜ دَࢩْغٛلْ بِلْحَ مٛ لَبَنْ حٛکُّنٛ ࢡِيُمْ رَحِيلُ؞ ࢡٜنغَطِ ࢡٜ نجٛوٜىٰطِطٛ (7)؞
26دَࢩْغٛلْ يَعْقُوبُ ڢُو، وَرْࢡٜ حَا مِصْرَ، ࢡِکّٛيْ عٜ تَانِرَاࢡٜ مَاکٛ ڢُو نغَطِ شَݠَّنْطٜ نجٛوٜىٰغٛ عٜ نجٛوٜىٰغٛ (66)؞ رٜوْࢡٜ ࢡِکّٛيْ مَاکٛ لِمَاکَ؞ 27بٜى ࢡِࢡّٜ يُوسُڢُ، دَࢩَنَاࢡٜ مٛ ندٜرْ مِصْرَ، ࢡٜ طِطٛ؞ بَنَ نٛنْ لِمْغَلْ سَارٜ يَعْقُوبُ حَا مِصْرَ ڢُو وَطِ شَݠَّنْطٜ نجٛوٜىٰطِطٛ (70)#کُوطٜ نٜلَاࢡٜ 7:14؞؞
يَعْقُوبُ حَا مِصْرَ
28يَعْقُوبُ نٜلِ يَحُودَ يٜىٰسٛ مُوطُمْ حَا يُوسُڢُ، نغَمْ يُوسُڢُ وَنغَ يٜىٰسٛ مَاکٛ حَا غٛوسَنْ؞ ندٜ ࢡٜنغَرِ ندٜرْ لٜسْدِ غٛوسَنْ، 29يُوسُڢُ وَطِ ݠُشِّ حَا مٛوتَ مُوطُمْ؞ عٛدِلِّ ڢٛتّٛيْغٛ بٜى بَابَ مَاکٛ حَا غٛوسَنْ؞ ندٜ عٛيِعِمٛ، عٛحَرْلِمٛ دَاندٜ، عٛوٛيِ حَا نٜىٰࢡِ؞ 30ندٜنْ إِسْرَاءِيلَ وِعِ يُوسُڢُ: «جٛنْتَ کَمْ، ندٜ مِلَارِ يٜىٰسٛ مَ، کٛو مِمَايِ بٛو، جَمْ! نغَمْ عَ غٜىٰتٛ؞» 31يُوسُڢُ وِعِ دٜىٰرْطِرَاࢡٜ مُوطُمْ عٜ سَارٜ بَابَ مُوطُمْ: «مِيَحَنْ، مِمَاتِنَ ڢِرْعَوْنَ، مِوِعَنْ مٛ: دٜىٰرْطَمْعٜنْ عٜ سَارٜ بَابَ عَمْ، جٛوطِيࢡٜنٛ ندٜرْ لٜسْدِ کَنَانَ، نغَرِ حَا عَمْ؞ 32يِمْࢡٜ ࢡٜعٜ ࢡٜ وَيْنَاࢡٜ، ࢡٜطٛنْ کُووَ کُوغَلْ نغَيْنَاکَ؞ ࢡٜنغَرْدِدِ بٜى دَمّٛوجِ مَࢡّٜ عٜ نَعِ مَࢡّٜ عٜ کٛ ࢡٜمَرِ ڢُو؞ 33تٛ ڢِرْعَوْنَ عٜوْنِ عٛنْ، ࢨَمِ عٛنْ: طُمٜ وٛنِ کُوغَلْ مٛوطٛنْ؟ – 34مبِعٜ مٛ: مَشُّࢡٜ مَ ࢡٜ وَيْنَاࢡٜ دِغَ ندٜرْکَاکُ عَمِنْ حَا وَرْغٛ حَنْدٜ بَنَ کَاکِرَاࢡٜ عَمِنْ؞ ندٜنْ عٛنْ کٜࢡَنْ جٛوندٜ ندٜرْ لٜسْدِ غٛوسَنْ، نغَمْ مِصْرَعٜنْ نغٜرْدَاکِ وَيْنَاࢡٜ دَمّٛوجِ؞»
Currently Selected:
لَاتَانٛوجِ 46: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.