لَاتَانٛوجِ 42
42
يَعْقُوبُ نٜلِ ࢡِࢡّٜ مُمْ حَا مِصْرَ
1يَعْقُوبُ نَنِ عَلْکَمَارِ طٛنْ حَا مِصْرَ؞ عٛوِعِ ࢡِيِيکٛعٜنْ: «کٛنِ ندَارْندَارْتِرْتٛنْ؟ 2مِنَنِ عَلْکَمَارِ طٛنْ حَا مِصْرَ؞ نجٜحٜ، شٛودَنٜ عٜنْ عَلْکَمَارِ حَا تٛنْ، حَا عٜنْ نغُورَ، تَا عٜنْ مَايَ؞#کُوطٜ نٜلَاࢡٜ 7:12؞» 3دٜىٰرْطِرَاࢡٜ يُوسُڢُ سَݠّٛ ندِلِّ سٛودٛيْغٛ عَلْکَمَارِ حَا مِصْرَ؞ 4يَعْقُوبُ عَشَّايْ بٜنْيَمِنْ، دٜىٰرْطِرَاوٛ يُوسُڢُ يَحْدَ بٜى دٜىٰرْطُمْعٜنْ؞ نغَمْ عٛوِعِ: «تَاتَ سَرُّ حٜࢡَ مٛ؞» 5بَنَ نٛنْ ࢡِࢡّٜ إِسْرَاءِيلَ نغَرْدِ بٜى يِمْࢡٜ وٛطْࢡٜ سٛودُغٛ عَلْکَمَارِ، نغَمْ وٜىٰلٛ وَطِ ندٜرْ لٜسْدِ کَنَانَ؞
6يُوسُڢُ وٛنّٛ نغٛمْنَ لٜسْدِ، کَنغْکٛ سٛورَّنْتَ يِمْࢡٜ لٜسْدِ ڢُو عَلْکَمَارِ؞ دٜىٰرْطِرَاࢡٜ مَاکٛ نغَرِ، شُجِدَنِمٛ، غٜىٰسٜ حَا لٜسْدِ؞ 7ندٜ عٛيِعِ ࢡٜ، عٛعَنْدِتِ ࢡٜ؞ عَمَّا عٛعَنْدِتِنَايْ ࢡٜ حٛورٜ مَاکٛ؞ عٛوٛلْوَنِ ࢡٜ بٜى شَاتَلْ، عٛࢨَمِ: «دِغَ تٛيْ عِوْطٛنْ؟» ࢡٜنجَابِ: «دِغَ لٜسْدِ کَنَانَ، حَا مِنْ شٛودَ ࢩَامْدُ؞»
8يُوسُڢُ عَنْدِتِ دٜىٰرْطُمْعٜنْ، عَمَّا کَمْࢡٜ، ࢡٜعَنْدِتَايْ مٛ؞ 9عٛسِڢْتٛرِ کٛيْطِ طِ عٛحٛيْطُنٛ نغَمْ مَࢡّٜ؞ عٛوِعِ ࢡٜ: «عٛنٛنْ، عٛنْ حٛرٛوࢡٜ لٜسْدِ! لَارُغٛ نٛکُّوجٜ تَمْݠُطٜ لٜسْدِ وَدِّ عٛنْ؞#لَاتَانٛوجِ 37:5-10؞» 10ࢡٜنجَابِمٛ: «نَا نٛنْ، بَرْکَامَ، مِنْ نغَرِ سٛودُغٛ ࢩَامْدُ تَنْ؞ 11مِنْ ڢُو مِنْ ࢡِࢡّٜ غٛرْکٛ غٛوتٛ، مِنْ حٛولَاࢡٜ؞ مَشُّࢡٜ مَ لَاتَاکِ حٛرٛوࢡٜ؞» 12عٛوِعِ ࢡٜ: «عَاعَ، لَارُغٛ نٛکُّوجٜ لٜسْدِ تَمْݠُطٜ وَدِّ عٛنْ؞» 13ࢡٜمبِعِ: «مِنِنْ مَشُّࢡٜ مَ مِنْ طٛنّٛ سَݠّٛ عٜ طِطٛ، ࢡِࢡّٜ غٛطّٛ غٛوتٛ ندٜرْ لٜسْدِ کَنَانَ؞ غَاجِيجٛ طٛنْ وٛنْدِ بٜى بَابَ عَمِنْ حَنْدٜ، غٛوتٛ بٛو مَجِّ؞» 14يُوسُڢُ وِعِ ࢡٜ: «ڢَکَتْ کَنْجُمْ مِوِعْنٛ عٛنْ، عٛنْ حٛرٛوࢡٜ! 15ندَا نِي مِڢٛونْدِرْتَ عٛنْ: مِطٛنْ حُنٛرٛ بٜى نغٜىٰندَمْ ڢِرْعَوْنَ، عٛنْ نغُرْتَتَاکٛ حَا طٛ، سٛنَا مِࢩِرَاوٛ مٛوطٛنْ وَرَ طٛ؞ 16نٜلٜ غٛوتٛ مٛوطٛنْ طَࢡِّتٛيْغٛ دٜىٰرْطِرَاوٛ مٛوطٛنْ؞ عَمَّا عٛنٛنْ عٛنْ نجٛوطٛتٛ عٛنْ حَࢡَّاࢡٜ؞ بَنَ نٛنْ عَنْدِرَنْمِ تٛ عٛنْ مبِعِ غٛونغَ مَلَّ عٛنْ مبِعَايْ؞ تٛ نَا نٛنْ، بَنَ ڢِرْعَوْنَ عٛ غٜىٰتٛ، عٛنْ حٛرٛوࢡٜ!» 17عٛنَسْتِنِ ࢡٜ ڢُو ندٜرْ ڢُرْسِنَ ࢩَلْطٜ تَتِ؞
18ࢩَلَادٜ تَتَࢡْرٜ، يُوسُڢُ وِعِ ࢡٜ: «مِنْ بٛو مِ کُلْطٛ اَللَّه؞ تٛ عٛنْ نغِطِ يٜىٰطُغٛ، مبَطٜ نِعِ: 19تٛ عٛنْ حٛولَاࢡٜ، غٛوتٛ مٛوطٛنْ لُتَّ ندٜرْ ڢُرْسِنَ؞ عَمَّا عٛنٛنْ لُتُّࢡٜ بٛو، ندِلّٜ نجَحْرَنٜ شِعٜ مٛوطٛنْ عَلْکَمَارِ، نغَمْ وٜىٰلٛ؞ 20ندٜنْ عٛنْ نغَدَّنَمِّ مِࢩِرَاوٛ مٛوطٛنْ، نغَمْ حَا بٛلّٜ مٛوطٛنْ نغٛونغْطِنٜ، عٛنْ مَايَتَا؞» ࢡٜمبَطِ نٛنْ؞ 21ࢡٜمبِعْمبِعْتِرِ: «ڢَکَتْ، عٜنْ مبَطِ عَيْبٜ دٛوْ دٜىٰرْطِرَاوٛ مٜىٰطٜنْ؞ عٜنْ نغِعِ ࢡِلَّارٜ مَاکٛ، ندٜ عٛتٛرِ عٜنْ عٜنْطَمْ، عَمَّا عٜنْ نَنَنَايْ مٛ؞ نغَمْ مَاجُمْ ࢡِلَّارٜ ندٜعٜ وَرَنِ عٜنْ#لِمْلٜ 32:23؛ بَلْندِ 12:14؞؞» 22رُبٜنْ وِعِ ࢡٜ: «مِ بِعْنٛوطٛ عٛنْ تَا عٛنْ مبَطَ کٛو طُمٜ حَا ࢡِنغٜلْ نغٜعٜلْ؞ عَمَّا عٛنْ نَنَنَايْ يَمْ؞ جٛنْتَ ࢨِيࢨَمْ مَاکٛ طٛنْ ࢨَمْتٜ؞#لَاتَانٛوجِ 37:21-22؞» 23ࢡٜعَنْدَانٛ يُوسُڢُ طٛنْ ڢَامَ، نغَمْ تُرْجُمَنْجٛ طٛنّٛ حَکُّندٜ مَࢡّٜ؞ 24ندٜنْ يُوسُڢُ دَايْتِرِ بٜى مَࢡّٜ، وٛيِ؞ عٛلٛرِ وٛلْوَنْغٛ ࢡٜ؞ عٛنَنغِ سِمٜيٛنْ، عٛحَࢡِّمٛ يٜىٰسٛ مَࢡّٜ؞
ࢡِࢡّٜ يَعْقُوبُ لٛرْتِ حَا مِصْرَ
25ندٜنْ عٛعُمْرِ ࢡٜکٜبِّنَنَ ࢡٜ بٛورٛوجِ مَࢡّٜ، ࢡٜمبَاتَنَ کٛو مٛيْ شٜىٰدٜ مُمْ ندٜرْ بٛورٛ، ࢡٜندٛکَّ ࢡٜنجٛوࢡَارِ لَاوٛلْ؞ عٛوَطَنِ ࢡٜ بَنَ نٛنْ؞ 26دٜىٰرْطِرَاࢡٜ يُوسُڢُ ندِمْدِ عَلْکَمَارِ دٛوْ بَمْطٜ مَࢡّٜ، ندِلِّ؞
27ندٜ ࢡٜنجِݠِّ جٜمَّ، غٛوتٛ مَࢡّٜ مَࢡِّتِ بٛورٛ مُمْ نغَمْ حٛکُّغٛ حُطٛ حَا وَمْندٜ؞ عٛلَارِ شٜىٰدٜ مَاکٛ طٛنْ مبَالِ حَا حُنْدُکٛ بٛورٛ؞ 28عٛوِعِ دٜىٰرْطِيکٛعٜنْ: «ࢡٜلٛرْنَنِ يَمْ شٜىٰدٜ عَمْ! ندَا، طٜ طٛنْ حَا حُنْدُکٛ بٛورٛ عَمْ؞» ࢡٜرْطٜ مَࢡّٜ تَعِ، ࢡٜندَارْندَارْتِرِ بٜى دِوْنغٛلْ، ࢡٜمبِعِ: «طُمٜ اَللَّه وَطِ عٜنْ طٛ؟» 29ࢡٜنغَرْتِ ندٜرْ لٜسْدِ کَنَانَ حَا بَابَ مَࢡّٜ يَعْقُوبُ؞ ࢡٜنغٜشِّمٛ کٛ حٜࢡِ ࢡٜ ڢُو؞ 30ࢡٜمبِعِ: «غٛطّٛ نغٛمْنَاجٛ لٜسْدِ عٛو، وٛلْوَنِ مِنْ بٜى شَاتَلْ، عٛحٛوشِرِ مِنْ بَنَ حٛرٛوࢡٜ لٜسْدِ؞ 31مِنْ مبِعِمٛ: مِنِنْ، مِنْ حٛولَاࢡٜ، نَا مِنْ حٛرٛوࢡٜ؞ 32مِنْ طٛنّٛ دٜىٰرْطِرَاࢡٜ سَݠّٛ عٜ طِطٛ، ࢡِࢡّٜ غٛطّٛ غٛوتٛ؞ غٛوتٛ مَجِّ، غَاجِيجٛ بٛو طٛنْ وٛنْدِ بٜى بَابَ عَمِنْ ندٜرْ لٜسْدِ کَنَانَ؞ 33غٛطّٛ عٛو، نغٛمْنَ لٜسْدِ، وِعِ مِنْ: بَنَ نِي عَنْدِرَنْمِ عٛنْ حٛولَاࢡٜ: عَشّٜ غٛوتٛ مٛنْ حَا عَمْ؞ کٛوعٜ عَلْکَمَارِ ندِ يِمْࢡٜ شِعٜ مٛوطٛنْ مَرِ حَاجٜ، نجَحْرَنٜ ࢡٜ؞ 34عَمَّا نغَدَّنٜىٰطَمْ مِࢩِرَاوٛ مٛوطٛنْ؞ نٛنْ عَنْدِرَنْمِ نَا عٛنْ حٛرٛوࢡٜ، عَمَّا عٛنْ حٛولَاࢡٜ؞ ندٜنْ لٛرْنَنَنْمِ عٛنْ دٜىٰرْطِرَاوٛ مٛوطٛنْ، عٛنْ ݠِلَ ندٜرْ لٜسْدِ؞»
35ندٜ ࢡٜنجُݠِّ بٛورٛوجِ مَࢡّٜ، ندَا، کٛو مٛيْ شٜىٰدٜ مُمْ طٛنْ ندٜرْ بٛورٛ مُمْ؞ ࢡٜنغِعِ شٜىٰدٜ مَࢡّٜ، کَمْࢡٜ عٜ بَابَ مَࢡّٜ، ࢡٜکُلِ؞ 36يَعْقُوبُ وِعِ ࢡٜ: «عٛنْ طٛنْ شٛويْنَمِّ ࢡِکّٛيْ عَمْ؞ يُوسُڢُ مَجِّ، سِمٜيٛنْ بٛو مَجِّ، عٛنْ طٛنْ کٛوشَ بٜنْيَمِنْ؞ طُمْ ڢُو طُمْ طٛنْ يٛوٛ دٛوْ عَمْ؞» 37رُبٜنْ وِعِ بَابَ مُوطُمْ: «سٜيْ عَمبَرَ ࢡِکّٛيْ عَمْ طِطٛيْ، تٛ مِوَرْتِرَايْ مٛ حَا مَاطَ؞ حَلْڢِتِنَمْ نغٜلْ، مِوَرْتِرَنْتٜ نغٜلْ؞» 38عَمَّا يَعْقُوبُ وِعِ: «ࢡِنغٜلْ عَمْ يَحْدَتَا بٜى مٛوطٛنْ، نغَمْ دٜىٰرْطِيکٛ مَايِ، کَنغْکٛ عٛلُتِّ ڢٜىٰرٜ مَاکٛ؞ تٛ سَرُّ حٜࢡِمٛ دٛوْ لَاوٛلْ نغٛلْ نجَحٛتٛنْ، مٜتَّمْࢡٜرَمْ مبَرَتَمْ، نغَمْ مِ ندٛتِّيجٛ، مَرْطٛ دَندَنْدِ؞»
Currently Selected:
لَاتَانٛوجِ 42: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.