لَاتَانٛوجِ 40
40
يُوسُڢُ ڢَسِّتِرِ کٛيْطِ حَࢡَّاࢡٜ طِطٛ
1ࢡَاوٛ کُوجٜ طٜعٜ، دٛکّٛووٛ لَامِيطٛ نجَرَمْجِ عٜ حٛورٜىٰجٛ تَمْسَنٛوࢡٜ طُمْ تَمْسٜىٰجٜ مبَطِ عَيْبٜ دٛوْ جَاغٛرْطٛ مُوطُمْعٜنْ؞ 2ڢِرْعَوْنَ تِکَّنِ سَرَاکِعٜنْ مُوطُمْ طِطٛ ࢡٜعٜ مَسِنْ: دٛکّٛووٛ لَامِيطٛ نجَرَمْجِ عٜ حٛورٜىٰجٛ تَمْسَنٛوࢡٜ طُمْ تَمْسٜىٰجٜ؞ 3عٛمَࢡِّ ࢡٜ ندٜرْ سُودُ مَوْطٛ عَيْنٛوࢡٜ، ندٜرْ ڢُرْسِنَ حَا يُوسُڢُ وٛنِ؞ 4مَوْطٛ عَيْنٛوࢡٜ حَلْڢِنِ ࢡٜ حَا جُنغٛ يُوسُڢُ حَا عٛحُووَنَ ࢡٜ؞ ࢡٜݠَࢡِّ ندٜرْ ڢُرْسِنَ بَلْطٜ سٜطَّ؞
5جٜمَّارٜ وٛطْندٜ، دٛکّٛووٛ لَامِيطٛ نجَرَمْجِ عٜ حٛورٜىٰجٛ تَمْسَنٛوࢡٜ تَمْسٜىٰجٜ لَامِيطٛ مِصْرَ، حَࢡَّاࢡٜنٛ ندٜرْ ڢُرْسِنَ، ࢡٜ طِطٛ ڢُو ࢡٜکٛيْطِ؞ کٛو مٛيْ مَࢡّٜ حٛيْطِ؞ کٛيْطِ طِعِ ݠٜىٰرٛتِرِ، نٛنْ مَانَ مَاجِ بٛو؞ 6ڢَجِرِ ندٜ يُوسُڢُ وَرِ حَا مَࢡّٜ، عٛلَارِ ࢡٜݠٜرْتَاکِ؞ 7عٛࢨَمِ سَرَاکِعٜنْ ڢِرْعَوْنَ، حَࢡِّدَاࢡٜ بٜى مَاکٛ ندٜرْ سَارٜ جَاغٛرْطٛ مَاکٛ: «نغَمْ طُمٜ عٛنْ طٛنْ مبٛنْتِ حَنْدٜ؟» 8ࢡٜنجَابِمٛ: «کٛو مٛيْ عَمِنْ حٛيْطِ، عَمَّا وَلَا غٛطّٛ حَا طٛ حَا ڢَسِّتِرَنَ مِنْ؞» يُوسُڢُ وِعِ ࢡٜ: «اَللَّه وَاوَنْ ڢَسِّتِرَنغٛ عٛنْ؞ نغٜشّٜىٰطَمْ#دَنِيٜلْ 2:11،18،28؛ مَتَّ 10:20؛ 2 کٛرِنْتُعٜنْ 3:5؞!» 9دٛکّٛووٛ لَامِيطٛ نجَرَمْجِ يٜشِّ يُوسُڢُ کٛيْطٛلْ مُمْ، وِعِ: «ندٜرْ کٛيْطٛلْ عَمْ، وٛودِنٛ عِنَبٛحِ يٜىٰسٛ عَمْ؞ 10کِ طٛنْ بٜى لِشٜ تَتِ؞ ندٜ کِ وِلِتِ، کِ وَطِ ݠِنْدِ، بُکِّ مَاکِ مبَطِ عِنَبٛوجٜ ࢡٜنْدُطٜ؞ 11جَرْدُغٜلْ ڢِرْعَوْنَ طٛنّٛ حَا جُنغٛ عَمْ؞ مِعِتِّ عِنَبٛوجٜ، مِࢡِطِّ طٜ ندٜرْ مَاغٜلْ، مِحٛکِّمٛ نغٜلْ حَا جُنغٛ»؞ 12يُوسُڢُ وِعِمٛ: «ندَا ڢَسَّرُويٜ مَاغٛلْ: لِشٜ تَتِ نغٛنِ ࢩَلْطٜ تَتِ؞ 13لُتِّ ࢩَلْطٜ تَتِ، ڢِرْعَوْنَ ࢡَنغْتٜتٜ، لٛرْنٜتٜ حَا جٛوندٜ مَاطَ؞ عَحٛکَّنْ ڢِرْعَوْنَ جَرْدُغٜلْ مُمْ حَا جُنغٛ، بَنَ کٛ وٛووَ، يَاکٜ عَطٛنّٛ دٛکّٛووٛ لَامِيطٛ نجَرَمْجِ؞ 14عَمَّا سِڢْتٛرَمْ تٛ عَحٜࢡْتِ حَيْرُ مَ؞ عُسٜنِ، وٛونَنَمْ! وٛلْوَنْ ڢِرْعَوْنَ حَالَ عَمْ، وُرْتِنَمْ دِغَ سُودُ ندُعُ! 15نغَمْ ࢡٜنَنغٛيِ يَمْ دِغَ لٜسْدِ عِبْرَنِنغْکٜعٜنْ؞ حَا طٛ بٛو مِوَطَايْ کٛو طُمٜ نغَمْ حَا ࢡٜنَسْتِنَمِّ ڢُرْسِنَ؞»
16حٛورٜىٰجٛ تَمْسَنٛوࢡٜ لَامِيطٛ تَمْسٜىٰجٜ يِعِ نٛ ڢَسَّرُويٜ يُوسُڢُ وَنغِنِ کٛ وٛوطِ، عٛوِعِمٛ: «مِنْ بٛو مِحٛيْطِ؞ مِ طٛنّٛ رٛونْدِ شِلَاجٜ تَتِ بٜى تَمْسٜىٰجٜ دَنٜىٰجٜ؞ 17ندٜرْ سِلَاوٛ وٛنْنغٛ دٛوْ، تَمْسٜىٰجٜ ڢٜىٰرٜ ڢٜىٰرٜ طٜ ڢِرْعَوْنَ ࢩَامَتَ ڢُو طٛنْ ندٜرْ مَاغٛ؞ شٛلِّ طٛنّٛ ࢩَامَ طُمْ دٛوْ حٛورٜ عَمْ؞» 18يُوسُڢُ جَابِ: «ندَا ڢَسَّرُويٜ مَاغٛلْ: شِلَاجٜ تَتِ نغٛنِ ࢩَلْطٜ تَتِ؞ 19لُتِّ ࢩَلْطٜ تَتِ، ڢِرْعَوْنَ تَعٜتٜ حٛورٜ، عٛࢡِلٜتٜ حَا لٜغَّلْ، شٛلِّ ࢩَامَنْ کُسٜلْ مَاطَ#تٛوکْتَاکِ تَوْرٜىٰتَ 21:22؛ 2 سَمُيِلَ 4:12؛ 21:9-14؞؞»
20ࢩَلَادٜ تَتَࢡْرٜ، ندٜ لَاتِ جُولْدٜ سِڢْتِنٛرْکِ دَࢩٜىٰکِ ڢِرْعَوْنَ، عٛوَطَنِ سَرَاکِعٜنْ مَاکٛ ڢُو ࢩَامْدُوجِ؞ عٛࢡَنغْتِ دٛکّٛووٛ لَامِيطٛ نجَرَمْجِ عٜ حٛورٜىٰجٛ تَمْسَنٛوࢡٜ مٛ تَمْسٜىٰجٜ يٜىٰسٛ سَرَاکِعٜنْ مَاکٛ؞ 21عٛلٛرْنِ دٛکّٛووٛ لَامِيطٛ نجَرَمْجِ ندٜرْ کُوغَلْ مُمْ، کَنغْکٛ بٛو عٛحٛکِّ ڢِرْعَوْنَ جَرْدُغٜلْ حَا جُنغٛ؞ 22عَمَّا عٛࢡِلِ حٛورٜىٰجٛ تَمْسَنٛوࢡٜ مٛ تَمْسٜىٰجٜ بَنَ نٛ يُوسُڢُ ڢَسِّتِرِ؞ 23عَمَّا دٛکّٛووٛ لَامِيطٛ نجَرَمْجِ سِڢْتٛرَايْ يُوسُڢُ، عٛيٜجِّتِمٛ؞
Currently Selected:
لَاتَانٛوجِ 40: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.