لَاتَانٛوجِ 34
34
تٛسْکَارٜ دِنَ عٜ بَاتٛلْ سِمٛنْ بٜى لٜوِ
1ࢩَنْدٜ ڢٜىٰرٜ، دِنَ ࢡِطّٛ دٜبّٛ مٛ لٜيَ دَࢩَنِ يَعْقُوبُ، وُرْتِ نغَمْ يِلَّاغٛ ࢡِࢡّٜ رٜوْࢡٜ لٜسْدِ مَنْ؞ 2سِکٜمْ ࢡِي حَمٛرْ حٜوِيجٛ، لَامِيطٛ لٜسْدِ، يِعِمٛ؞ عٛحٛوعِمٛ، عٛوَالْدِ بٜى مَاکٛ، عٛتٛسْکِنِمٛ؞ 3ࢡٜرْندٜ سِکٜمْ طَکّٛتِرِ بٜى دِنَ#لَاتَانٛوجِ 2:24؛ رُوتْ 2:13؛ حٛسٜعَ 2:16؞، ࢡِي يَعْقُوبُ؞ عٛيِطِ ݠَاࢩٛ دٜبّٛ عٛو مَسِنْ، عٛطَࢡِّ دٜعِّتِنغٛ مٛ؞ 4عٛوِعِ بَابَ مَاکٛ حَمٛرْ: «ࢨَمَنَمْ ࢡِطّٛ دٜبّٛ عٛو، تٜعَنَمْ مٛ؞» 5يَعْقُوبُ نَنِ ࢡِيُمْ دِنَ تٛسْکَامَ، عَمَّا ندٜ ࢡِࢡّٜ مَاکٛ وٛرْࢡٜ طٛنّٛ بٜى دَبَّاجِ حَا غٜسٜ، عٛجٜىٰطِ حَا ࢡٜنغَرْتِ؞ 6حَمٛرْ، بَابَ سِکٜمْ وَرِ حَا يَعْقُوبُ نغَمْ وٛلْوَنْغٛ مٛ؞ 7سَاعِ ندٜ ࢡِࢡّٜ يَعْقُوبُ نغَرْتِ دِغَ نغٜسَ، ࢡٜنَنِ حَالَ کَعَ؞ طُمْ مٜتِّنِ ࢡٜ، ࢡٜکٜىٰوِ تِکّٜرٜ مَسِنْ، نغَمْ سِکٜمْ وَطِ ࢩِدُّطُمْ ندٜرْ إِسْرَاءِيلَ، ندٜ عٛوَالْدِ بٜى ࢡِي يَعْقُوبُ دٜبّٛ، کٛ وَطَتَاکٜ؞ 8عَمَّا حَمٛرْ وِعِ ࢡٜ: «سِکٜمْ ࢡِيَمْ يِطِ ࢡِنغٜلْ نغٜعٜلْ مَسِنْ، عُسٜنِ تٜعْنٜ مٛ نغٜلْ؞ 9عٜسِرٜ بٜى عَمِنْ، ندٛکّٜ مِنْ ࢡِࢡّٜ مٛوطٛنْ رٜوْࢡٜ، کٛوعٜ ࢡٜعَمِنْ بٛو نغَمْ ࢡِکّٛيْ مٛوطٛنْ وٛرْࢡٜ؞ 10نجٛوطِدٜ بٜى عَمِنْ، لٜسْدِ طٛنْ نغَمْ مٛوطٛنْ، نجٛوطٜ، مبَطٜ ڢِلُ، عٛنْ کٜࢡَ مَرْدِ؞» 11سِکٜمْ وِعِ بَابَ عٜ دٜىٰرْطِرَاࢡٜ دِنَ: «عَشّٜ مِحٜࢡَ مٛعّٜرٜ يٜىٰسٛ مٛوطٛنْ؞ کٛ عٛنْ ࢨَمَتَ ڢُو، مِحٛکَّنْ؞ 12نجٛوَنٜىٰطَمْ سَدَاکِ عٜ دٛکَّلْ طُوطُّمْ مَسِنْ، مِحٛکَّنْ کٛ ࢨَمٛتٛنْ ڢُو#غُرْتَاکِ 22:11؞، عَمَّا تٜعَنٜىٰطَمْ ࢡِطّٛ دٜبّٛ عٛو؞» 13ࢡِࢡّٜ يَعْقُوبُ ࢨٛيْرِ سِکٜمْ عٜ بَابَ مُوطُمْ حَمٛرْ، نغَمْ عٛتٛسْکِنِ دٜىٰرْطِرَاوٛ مَࢡّٜ دِنَ؞ 14ࢡٜمبِعِ: «مِنْ مبَاوَتَا تٜعَنْغٛ غٛرْکٛ سَادٛونِيجٛ دٜىٰرْطِرَاوٛ عَمِنْ، طُمْ لَاتَنْتٛ مِنْ مبُسْتُ؞ 15مِنْ نجَࢡَنَنْ عٛنْ تٛ عٛنٛنْ بٛو عٛنْ نجَࢡِ لَاتَاغٛ بَنَ عَمِنْ، بٜى جُولْنُغٛ وٛرْࢡٜ مٛوطٛنْ ڢُو؞ 16ندٜنْ مِنْ ندٛکَّنْ عٛنْ ࢡِࢡّٜ عَمِنْ رٜوْࢡٜ، مِنْ کٛوعَ ࢡٜمٛوطٛنْ، مِنْ نجٛوطٛدٛتّٛ بٜى مٛوطٛنْ، عٜنْ لَاتٛتٛ عُمَّاتٛورٜ وٛورٜ؞ 17عَمَّا تٛ عٛنْ نَنَنَايْ مِنْ نغَمْ حَا نجُولْنٛنْ کَمْ، مِنْ کٛوعَنْ ࢡِنغٜلْ عَمِنْ، مِنْ ندِلَّنْ؞»
18بٛلّٜ مَࢡّٜ ݠٛتَّنِ حَمٛرْ عٜ ࢡِيُمْ سِکٜمْ؞ 19سُکَ عٛو نٜىٰࢡَايْ وَطُغٛ طُمْ، نغَمْ عٛيِطِ ࢡِي يَعْقُوبُ مَسِنْ؞ عٛ تٜدُّطٛ يٜىٰسٛ يِمْࢡٜ سَارٜ بَابَ مَاکٛ ڢُو؞ 20حَمٛرْ عٜ ࢡِيُمْ سِکٜمْ نغَرِ حَا دَمُّغَلْ وُرٛ؞ ࢡٜمبٛلْوَنِ وٛرْࢡٜ وُرٛ مَࢡّٜ، ࢡٜمبِعِ: 21«وٛرْࢡٜ ࢡٜعٜ ࢡٜ کَࢡّٛتِرْࢡٜ بٜى مٜىٰطٜنْ؞ ࢡٜنجٛوطٛدٛ بٜى مٜىٰطٜنْ ندٜرْ لٜسْدِ، ࢡٜمبَطَ ڢِلُ؞ لٜسْدِ طٛنْ يَاجِ نغَمْ مَࢡّٜ؞ عٜنْ تٜعَ ࢡِࢡّٜ مَࢡّٜ رٜوْࢡٜ، عٜنْ ندٛکَّ ࢡٜ ࢡٜ مٜىٰطٜنْ بٛو؞ 22عَمَّا حَا يِمْࢡٜ ࢡٜعٜ نجَࢡَ جٛوطٛدَاغٛ بٜى مٜىٰطٜنْ نغَمْ لَاتٛوطٜنْ عُمَّاتٛورٜ وٛورٜ کَمْ، سٜيْ تٛ وٛرْࢡٜ مٜىٰطٜنْ ڢُو نجُولْنَکٜ بَنَ ࢡٜ مَࢡّٜ؞ 23تٛکّٜ مَࢡّٜ عٜ مَرْدِ مَࢡّٜ عٜ دَبَّاجِ مَࢡّٜ ڢُو لَاتَنْتٛ عٜنْ؞ سٜيْ عٜنْ نجَࢡَنَ ࢡٜ، حَا ࢡٜنجٛوطٛدٛ بٜى مٜىٰطٜنْ؞» 24تَوَاࢡٜ حَا دَمُّغَلْ وُرٛ مَنْ ڢُو نَنَنِ حَمٛرْ عٜ ࢡِيُمْ سِکٜمْ؞ وٛرْࢡٜ وُرٛ مَنْ ڢُو نجُولْنِ؞
25ࢩَلَادٜ تَتَࢡْرٜ ندٜ وٛرْࢡٜ ࢡٜعٜ طٛنْ بٜى نَاوْرٜىٰنغَ، ࢡِࢡّٜ يَعْقُوبُ طِطٛ، سِمٜيٛنْ عٜ لٜوِ، دٜىٰرْطِرَاࢡٜ دِنَ کٛوعِ کَاڢَاجٜ مُوطُمْعٜنْ؞ ࢡٜنغَرِ ندٜرْ وُرٛ حٛولْطِنِينغٛ، ࢡٜمبَرِ وٛرْࢡٜ ڢُو، وَلَا کٛ دَرْتَنِ ࢡٜ سَمْ؞ 26حَمٛرْ عٜ ࢡِيُمْ سِکٜمْ مبَرَامَ بٜى کَاڢَحِ؞ ࢡٜکٛوشِتِ دِنَ دِغَ سَارٜ سِکٜمْ، ࢡٜنغُرْتِ؞ 27ࢡِࢡّٜ يَعْقُوبُ وٛطْࢡٜ عُکَّنِ سَرَّاࢡٜ، ࢡٜࢡٛڢْتِ مَرْلٜ وُرٛ مَنْ ڢُو، نغَمْ ࢡٜتٛسْکِنّٛ دٜىٰرْطِرَاوٛ مَࢡّٜ؞ 28ࢡٜکٛوعِ دَمّٛوجِ عٜ نَعِ عٜ بَمْطٜ، کٛ وٛنّٛ ندٜرْ وُرٛ عٜ حَا نغٜسَ ڢُو؞ 29ࢡٜندِلِّرِ کٜࢡَلْ مَرْدِ ڢُو، ࢡٜنجَࢡْتِ ࢡِکّٛيْ عٜ رٜوْࢡٜ عٜ کٛ وٛنِ ندٜرْ شُوطِ ڢُو؞
30يَعْقُوبُ وِعِ سِمٜيٛنْ عٜ لٜوِ: «عٛنْ نَسْتِنِ يَمْ ندٜرْ سَکْلٜرٜ! جٛنْتَ جٛوطِيࢡٜ لٜسْدِ ندِعِ، کَنَانِعٜنْ عٜ ݠٜرٜزِّعٜنْ ڢُو نغَࢩَتَمْ! مِطٛنْ بٜى جَمَعَارٜ ڢَمَرْدٜ؞ ࢡٜکَوْتَنْتٛ يَمْ، مِنَتِّدَنْ بٜى سَارٜ عَمْ ڢُو!» 31سِمٜيٛنْ عٜ لٜوِ نجَابِ: «غٛطّٛ وَطَنْ دٜىٰرْطِرَاوٛ عَمِنْ بَنَ دٜبّٛ دَاکَارٜىٰجٛ نَ؟»
Currently Selected:
لَاتَانٛوجِ 34: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.