غُرْتَاکِ 9
9
مَسِيبٛووٛلْ جٛوَࢡٛلْ: مَسِيبٛ ݠٜتُّ#9:0 مَسِيبٛ ݠٜتُّ مَلَّ مَسِيبٛ مبٛوطٜىٰوُ؞
1جَوْمِرَاوٛ وِعِ مُوسَى: «يَحْ حَا ڢِرْعَوْنَ، وِعْ مٛ: ندَا نِي جَوْمِرَاوٛ، اَللَّه عِبْرَنِنغْکٜعٜنْ وِعِ: عَشُّ يِمْࢡٜ عُمَّاتٛورٜ عَمْ نجَحَ نجَغَّنٛ يَمْ؞ 2تٛ عَسَلَکٜ يٛوڢْتُغٛ ࢡٜ، تٛ عَجٛغِتَکٜ ࢡٜ، 3جُنغٛ عَمْ وَرَنْ دٛوْ دَبَّاجِ مَ ندٜرْ لَدّٜ، دٛوْ ݠُشِّ عٜ بَمْطٜ عٜ غٜىٰلٛوطِ عٜ نَعِ عٜ دَمّٛوجِ، مِعُکَّنَ طِ ݠٜتُّ شَاتُنغُ مَسِنْ! 4عَمَّا جَوْمِرَاوٛ سٜنْدَنْ حَکُّندٜ دَبَّاجِ إِسْرَاءِيلَعٜنْ عٜ دَبَّاجِ مِصْرَعٜنْ؞ ندٜرْ کٛ يِمْࢡٜ إِسْرَاءِيلَ مَرِ ڢُو، وَلَا کٛ وَاتَتَ؞ 5جَوْمِرَاوٛ تَعِ وَکَّتِ مَنْ، وِعِ: جَنغٛ مبَطَنْمِ طُمْ ندٜرْ لٜسْدِ مِصْرَ؞» 6جَنغٛ مَنْ جَوْمِرَاوٛ وَطِ کٛ عٛوِعْنٛ؞ دَبَّاجِ مِصْرَعٜنْ ڢُو مبَاتِ، عَمَّا حَا دَبَّاجِ إِسْرَاءِيلَعٜنْ وَلَا کٛو نغٛوتَ وَاتِ؞ 7ڢِرْعَوْنَ نٜلِ ࢡٜندَارَ دَبَّاجِ إِسْرَاءِيلَعٜنْ، ࢡٜتَوِ وَلَا کٛو نغٛوتَ وَاتِ؞ عَمَّا ڢَحِنْ حٛورٜ ڢِرْعَوْنَ سَاتِ، عٛعَشَّايْ إِسْرَاءِيلَعٜنْ ندِلَّ؞
مَسِيبٛووٛلْ جٛوٜىٰغٛوٛلْ: مَسِيبٛ ࢡُولٜ
8جَوْمِرَاوٛ وِعِ مُوسَى عٜ هَـٰرُونَ: «کٜبِّنٜ جُوطٜ مٛوطٛنْ بٜى دٛطّٜ ࢡٛلِنِرْطٜ؞ مُوسَى عُکَّ طٜ حَا دٛوْ يٜىٰسٛ ڢِرْعَوْنَ؞ 9طٜ لَاتٛتٛ بَنَ سٛلَّارٜ دٛوْ لٜسْدِ مِصْرَ ڢُو، طٜ مبَطَنْ ࢡُولٜ لَاتٛتٛوطٜ کُودُوجٜ حَا يِمْࢡٜ عٜ دَبَّاجِ؞» 10مُوسَى عٜ هَـٰرُونَ کٛوعِ دٛطّٜ ࢡٛلِنِرْطٜ، ࢡٜنجٜحِ ࢡٜندَرِ يٜىٰسٛ ڢِرْعَوْنَ، مُوسَى عُکِّ طٜ حَا دٛوْ، طٜ مبَطِ ࢡُولٜ لَاتٛتٛوطٜ کُودُوجٜ حَا يِمْࢡٜ عٜ دَبَّاجِ#وَحَيُ يُحَنَّ 16:2؞؞ 11حِيلَعٜنْ لٜسْدِ مِصْرَ مبَاوَايْ ࢡَدِتَاغٛ مُوسَى دَلِيلَ ࢡُولٜ، نغَمْ ࢡَلِّ مَࢡّٜ ڢُو مبَطِ ࢡُولٜ کَلْ-کَلْ بٜى مِصْرَعٜنْ وٛطْࢡٜ ڢُو؞ 12عَمَّا جَوْمِرَاوٛ سَاتِنِ حٛورٜ ڢِرْعَوْنَ، عٛنَنَنَايْ ࢡٜ، بَنَ جَوْمِرَاوٛ وِعْنٛ مُوسَى؞
مَسِيبٛووٛلْ جٛوٜىٰطِطَࢡٛلْ: مَسِيبٛ مَلِّمَلّٛوجٜ
13جَوْمِرَاوٛ وِعِ مُوسَى: «جَنغٛ، دَوُ ڢَجِرِ شُبْ، دَرَ يٜىٰسٛ ڢِرْعَوْنَ، وِعْ مٛ: ندَا نِي جَوْمِرَاوٛ، اَللَّه عِبْرَنِنغْکٜعٜنْ وِعِ: عَشُّ عُمَّاتٛورٜ عَمْ يَحَ جَغَّنٛ يَمْ؞ 14نغَمْ جٛنْتَ کَمْ مِعُکَّنْتٜ مَسِيبٛوجِ عَمْ ڢُو، عَنْ عٜ سَرَاکِعٜنْ مَ عٜ عُمَّاتٛورٜ مَ؞ ندٜنْ کَمْ عَعَنْدَنْ وَلَا نَنْدُطٛ بٜى عَمْ ندٜرْ دُنِيَارُ ڢُو؞ 15حَرٛنٛ عٛنْ کَلْکِ تٛ مِڢٛرْتِنٛ جُنغٛ عَمْ حَا مِحَلْکٜ، عَنْ عٜ عُمَّاتٛورٜ مَ ڢُو بٜى ࢩَوُ کَلُّنغُ ندَاࢡٛووُ! 16عَمَّا مِعَشِّ مَ عَيٜىٰطَ نغَمْ مِوَنغِنَنٜ بَاوْطٜ عَمْ، نغَمْ وٛويْنُغٛ عِنْدٜ عَمْ ندٜرْ دُنِيَارُ ڢُو#رٛمَعٜنْ 9:17؞؞ 17بٜى مَنْ ڢُو عَطٛنْ تٛکّٛ مَوْنِتَاغٛ دٛوْ عُمَّاتٛورٜ عَمْ، عَيٛوڢْتَايْ ندٜ؞ 18نغَمْ مَاجُمْ، جَنغٛ بَنَ سَاعِيرٜ ندٜعٜ، مِتٛࢡْنَنْ مَلِّمَلّٛوجٜ مَوْطٜ مَسِنْ؞ بَنَ مَاجٜ مٜىٰطَايْ لَاتَاغٛ دِغَ لٜسْدِ مِصْرَ جٛوطِ حَا وَرْغٛ حَنْدٜ؞ 19جٛنْتَ کَمْ، وَطْ عُمْرٛورٜ نغَمْ حِسْنُغٛ دَبَّاجِ مَ عٜ طُمْ کٛ مَرْطَ حَا يَاسِ؞ يِمْࢡٜ عٜ دَبَّاجِ، وَاتٛ کٛ وٛنِ يَاسِ ڢُو، کٛ نَسْتَايْ شُوطِ، مَلِّمَلّٛوجٜ تٛࢡَنْ دٛوْ مَاجُمْ، طُمْ حَلْکَنْ؞» 20مٛ حُلِ وٛلْدٜ جَوْمِرَاوٛ شَکَ سَرَاکِعٜنْ ڢِرْعَوْنَ، دٛغِّنِ مَشُّࢡٜ مُمْ عٜ دَبَّاجِ مُمْ حَا شُوطِ؞ 21عَمَّا وٛطْࢡٜ بٛو ݠَالَايْ وٛلْدٜ جَوْمِرَاوٛ ندٜعٜ، ࢡٜعَشِّ مَشُّࢡٜ مَࢡّٜ عٜ دَبَّاجِ مَࢡّٜ حَا لَدّٜ؞
22جَوْمِرَاوٛ وِعِ مُوسَى: «ࢡَنغْتُ جُنغٛ مَ غَلْ عَسَمَ، حَا مَلِّمَلّٛوجٜ تٛࢡَ ندٜرْ لٜسْدِ مِصْرَ ڢُو دٛوْ يِمْࢡٜ عٜ دَبَّاجِ عٜ ڢُطْنغٛوجِ غٜسٜ ندٜرْ لٜسْدِ مِصْرَ ڢُو؞» 23مُوسَى ࢡَنغْتِ سَوْرُ مُوطُمْ غَلْ عَسَمَ؞ جَوْمِرَاوٛ نٜلِ دِغَّالِ عٜ مَلِّمَلّٛوجٜ، ݠٜلْمَالِ ݠَطِّ لٜسْدِ؞ جَوْمِرَاوٛ تٛࢡْنِ مَلِّمَلّٛوجٜ دٛوْ لٜسْدِ مِصْرَ؞ 24مَلِّمَلّٛوجٜ تٛࢡِ، مَعّٜ نجِلِّنْدِرِ بٜى مَلِّمَلّٛوجٜ لٛورْطٜ مَسِنْ، عِرِنْ مَاجٜ مٜىٰطَايْ لَاتَاغٛ ندٜرْ لٜسْدِ مِصْرَ دِغَ لٜسْدِ مِصْرَ جٛوطِ حَا وَرْغٛ حَنْدٜ#وَحَيُ يُحَنَّ 8:7؛ 16:21؞؞ 25مَلِّمَلّٛوجٜ ݠِيِ ندٜرْ لٜسْدِ مِصْرَ کٛ وٛنِ يَاسِ ڢُو، وَاتٛ يِمْࢡٜ عٜ دَبَّاجِ؞ مَلِّمَلّٛوجٜ ݠِيِ ڢُطْنغٛوجِ غٜسٜ ڢُو، طٜ نغٜوِ لٜطّٜ لَدّٜ ڢُو؞ 26سٜيْ ندٜرْ لٜسْدِ غٛوسَنْ ندِ إِسْرَاءِيلَعٜنْ نغٛنِ، مَلِّمَلّٛوجٜ نغَلَا؞
27ڢِرْعَوْنَ نٜلِ، عٜوْنِ مُوسَى عٜ هَـٰرُونَ، وِعِ ࢡٜ: «جٛنْتَ مِوَطِ حَکّٜ، جَوْمِرَاوٛ عٛ عَدِلِيجٛ، عَمَّا مِنْ عٜ عُمَّاتٛورٜ عَمْ مِنْ عَيْبُࢡٜ؞ 28تٛرٜ جَوْمِرَاوٛ حَا عٛنَنغْتَ دِغَّالِ عٜ مَلِّمَلّٛوجٜ مَاکٛ؞ مِعَشَّنْ عٛنْ عٛنْ نجَحَ، عٛنْ نٜىٰࢡَتَا ڢَحِنْ؞» 29مُوسَى وِعِ: «تٛ مِوُرْتَکٜ بٜرْنِوٛلْ، مِوٜىٰطَنْ جُوطٜ عَمْ حٜىٰدِ جَوْمِرَاوٛ؞ ندٜنْ دِغَّالِ تِمَّنْ، مَلِّمَلّٛوجٜ بٛو نجِنَّنْ، حَا عَعَنْدَ جَوْمِرَاوٛ مَرِ دُنِيَارُ؞ 30عَمَّا مِعَنْدِ عَنْ عٜ سَرَاکِعٜنْ مَ، عٛنْ کُلَتَا جَوْمِرَاوٛ اَللَّه تَوٛنْ؞»
31سَاعِ مَنْ لٜنغْ#9:31 لٜنغْ طُمْ لٜغّٜلْ نغٜلْ يِمْࢡٜ طٛنْ نجٛورْنَ، تَݠَّ طُمْ نغَمْ وَطُغٛ غَارَاجِ شٜمْبِطِّ نغَمْ سَنْࢩُغٛ لِمْشٜ؞ عٜ سَعِيرُورِ نَتِّنَامَ، نغَمْ سَعِيرُورِ سَاوْتِ، لٜنغْ بٛو ڢِنِّ؞ 32عَمَّا عَلْکَمَارِ عٜ عِرِنْ عَلْکَمَارِ نغٛطْندِ نَتَّايْ، نغَمْ طِ ࢡٜنْدَايْ تَوٛنْ؞
33مُوسَى وُرْتِ سَارٜ ڢِرْعَوْنَ، عٛيٜحِ يَاسِ بٜرْنِوٛلْ؞ عٛوٜىٰطِ جُوطٜ مَاکٛ حٜىٰدِ جَوْمِرَاوٛ؞ دِغَّالِ عٜ مَلِّمَلّٛوجٜ نجِنِّ، عِيٜىٰندٜ عَشِّ تٛࢡُغٛ؞ 34ندٜ ڢِرْعَوْنَ يِعِ عِيٜىٰندٜ عٜ مَلِّمَلّٛوجٜ عٜ دِغَّالِ نجِنِّ، عٛتٛکِّ وَطُغٛ حَکّٜ، عٛسَاتِنِ حٛورٜ مَاکٛ ڢَحِنْ، کَنغْکٛ عٜ سَرَاکِعٜنْ مَاکٛ ڢُو؞ 35حٛورٜ ڢِرْعَوْنَ سَاتِ، عٛسَلِ يٛوڢْتُغٛ إِسْرَاءِيلَعٜنْ، بَنَ جَوْمِرَاوٛ وِعْنٛ بٜى حُنْدُکٛ مُوسَى؞
Currently Selected:
غُرْتَاکِ 9: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.