غُرْتَاکِ 7
7
1جَوْمِرَاوٛ وِعِ مُوسَى: «ندَا، مِلَاتِنِ مَ يٜىٰسٛ ڢِرْعَوْنَ بَنَ اَللَّه؞ دٜىٰرْطِرَاوٛ مَ هَـٰرُونَ بٛو لَاتٛتٛ بَنَ اَلنَّبِيجٛ مَ؞ 2عَوٛلْوَنَ دٜىٰرْطِرَاوٛ مَ هَـٰرُونَ کٛ مِعُمْرٜتٜ ڢُو؞ کَنغْکٛ بٛو عٛوٛلْوَنَ ڢِرْعَوْنَ، حَا عٛيٛوڢْتَ إِسْرَاءِيلَعٜنْ نغُرْتٛ لٜسْدِ مَاکٛ؞ 3مِنْ، مِسَاتِنَنْ حٛورٜ ڢِرْعَوْنَ؞ مِطُطِّنَنْ عَلَامَاجِ عٜ کَايٜىٰڢِيجِ عَمْ ندٜرْ لٜسْدِ مِصْرَ#کُوطٜ نٜلَاࢡٜ 7:36؞؞ 4ڢِرْعَوْنَ نَنَنْتَا عٛنْ؞ ندٜنْ مِوَنغِنَنْ بَاوْطٜ عَمْ حَا مِصْرَ بٜى کِيتَاجِ نَاوْطِ، مِوُرْتِنَنْ مٛوࢡٜ حٛنٛوࢡٜ عَمْ، وَاتٛ عُمَّاتٛورٜ عَمْ إِسْرَاءِيلَعٜنْ دِغَ لٜسْدِ مِصْرَ؞ 5ندٜنْ مِصْرَعٜنْ عَنْدَنْ مِنْ وٛنِ جَوْمِرَاوٛ، وَکَّتِ ݠٛرْتَنْمِ جُنغٛ عَمْ دٛوْ مِصْرَ، حَا مِوُرْتِنَ إِسْرَاءِيلَعٜنْ دِغَ لٜسْدِ مَࢡّٜ؞» 6مُوسَى عٜ هَـٰرُونَ مبَطِ بَنَ جَوْمِرَاوٛ عُمْرِ ࢡٜ؞ 7مُوسَى طٛنّٛ مَرِ دُوࢡِ شَݠَّنْطٜ جٛوٜىٰتَتِ، هَـٰرُونَ بٛو دُوࢡِ شَݠَّنْطٜ جٛوٜىٰتَتِ عٜ تَتِ، سَاعِ ࢡٜمبٛلْوَنِ ڢِرْعَوْنَ؞
ڢِرْعَوْنَ سَلِ نَنَنْغٛ مُوسَى عٜ هَـٰرُونَ
8جَوْمِرَاوٛ وٛلْوَنِ مُوسَى عٜ هَـٰرُونَ، وِعِ: 9«تٛ ڢِرْعَوْنَ وِعِ عٛنْ: مبَطٜ کَايٜىٰڢِ، عَنْ مُوسَى عَوِعَ هَـٰرُونَ حٛوعَ سَوْرُ مُمْ، عٛسَکِّنَ ندُ يٜىٰسٛ ڢِرْعَوْنَ؞ ندُ لَاتٛتٛ مبٛودِ؞» 10مُوسَى عٜ هَـٰرُونَ نجٜحِ حَا ڢِرْعَوْنَ، ࢡٜمبَطِ بَنَ جَوْمِرَاوٛ عُمْرِ ࢡٜ؞ هَـٰرُونَ سَکِّنِ سَوْرُ مُوطُمْ يٜىٰسٛ ڢِرْعَوْنَ عٜ سَرَاکِعٜنْ مُمْ؞ ندُ لَاتِ مبٛودِ؞ 11ڢِرْعَوْنَ عٜوْنِ حِکْمَعٜنْ عٜ وَطٛوࢡٜ حِيلَ لٜسْدِ مِصْرَ، حِيلَعٜنْ ࢡٜعٜ مبَطِ بَنَ نٛنْ بٜى حِيلَاجِ مُوطُمْعٜنْ؞ 12کٛو مٛيْ مَࢡّٜ سَکِّنِ سَوْرُ مُوطُمْ حَا لٜسْدِ عٜ شَبِّ طِعِ لَاتِ بٛطّٜ؞ عَمَّا سَوْرُ هَـٰرُونَ مٛطِ شَبِّ مَࢡّٜ؞ 13بَنَ جَوْمِرَاوٛ وِعْنٛ، ڢِرْعَوْنَ سَاتِنِ حٛورٜ، عٛنَنَنَايْ مُوسَى عٜ هَـٰرُونَ؞
مَسِيبٛووٛلْ عَرَنٛلْ: ندِيَمْ لَاتِ ࢨِيࢨَمْ
14جَوْمِرَاوٛ وِعِ مُوسَى: «ڢِرْعَوْنَ سَاتِنِ حٛورٜ، عٛسَلِ عَشُّغٛ إِسْرَاءِيلَعٜنْ ندِلَّ؞ 15يَحْ حَا ڢِرْعَوْنَ ڢَجِرِ يَاکٜ عٛوُرْتٛتٛ يَحُغٛ مَايٛ نِيلْ؞ عَدَرٛ يٜىٰسٛ مَاکٛ حَا ڢٛمٛوندٜ مَايٛ نِيلْ نغَمْ ڢٛتُّغٛ بٜى مَاکٛ؞ عَجٛغٛ سَوْرُ لَاتِنٛوندُ مبٛودِ غٛ؞ 16عَوِعَ لَامِيطٛ: جَوْمِرَاوٛ، اَللَّه عِبْرَنِنغْکٜعٜنْ، نٜلِ يَمْ حَا مَاطَ؞ عٛوِعِ مَ: عَشُّ عُمَّاتٛورٜ عَمْ دِلَّ، جَغَّنٛ يَمْ ندٜرْ لَدّٜ؞ عَمَّا عَسَلِ حَا جٛنْتَ؞ 17نغَمْ مَاجُمْ جَوْمِرَاوٛ وِعِ: دٛوْ طُعُمْ، عَعَنْدَنْ مِنْ وٛنِ جَوْمِرَاوٛ؞ ندَا، مِڢِيَنْ ندِيَمْ ندٜرْ مَايٛ نِيلْ بٜى سَوْرُ وٛنْدُ حَا جُنغٛ عَمْ ندُعُ، طَمْ لَاتٛتٛ ࢨِيࢨَمْ#وَحَيُ يُحَنَّ 16:4؞؞ 18لِطِّ ندٜرْ مَايٛ نِيلْ مبَاتَنْ، مَايٛ نِيلْ بٛو حَشَّنْ؞ مِصْرَعٜنْ نغَࢩَنْ ندِيَمْ مَايٛ نِيلْ، نجَرَتَا طَمْ ڢَحِنْ؞»
19ندٜنْ جَوْمِرَاوٛ وِعِ مُوسَى: «عُمْرُ هَـٰرُونَ حٛوعَ سَوْرُ مُوطُمْ، عٛڢٛرْتَ جُنغٛ مَاکٛ دٛوْ عِلْدُطٜ ندِيَمْجِ مِصْرَ، دٛوْ مَاجٜ عٜ عِلْدُطٜ عٜ بٜىٰلِ عٜ حَا ندِيَمْ وٛنِ ڢُو، طُمْ لَاتٛ ࢨِيࢨَمْ؞ ࢨِيࢨَمْ لَاتٛتٛ کٛو تٛيْ ندٜرْ لٜسْدِ مِصْرَ، ندٜرْ جَرْنِرْطٜ طٜ لٜطّٜ عٜ کَاعٜ ڢُو؞» 20مُوسَى عٜ هَـٰرُونَ مبَطِ بَنَ جَوْمِرَاوٛ عُمْرِ ࢡٜ؞ هَـٰرُونَ ࢡَنغْتِ سَوْرُ مُوطُمْ، ڢِيِ ندِيَمْ مَايٛ نِيلْ يٜىٰسٛ ڢِرْعَوْنَ عٜ سَرَاکِعٜنْ مُمْ؞ ندِيَمْ مَايٛ نِيلْ ڢُو لَاتِ ࢨِيࢨَمْ؞ 21لِطِّ ندٜرْ مَايٛ مبَاتِ، مَايٛ نِيلْ حَشِّ؞ مِصْرَعٜنْ مبَاوَايْ يَرُغٛ ندِيَمْ مَايٛ نِيلْ ڢَحِنْ؞ ࢨِيࢨَمْ طٛنْ کٛو تٛيْ ندٜرْ لٜسْدِ مِصْرَ ڢُو؞ 22حِيلَعٜنْ لٜسْدِ مِصْرَ بٛو مبَطِ بَنَ نٛنْ بٜى حِيلَاجِ مُوطُمْعٜنْ؞ عَمَّا بَنَ جَوْمِرَاوٛ وِعْنٛ، ڢِرْعَوْنَ سَاتِنِ حٛورٜ، عٛنَنَنَايْ مُوسَى عٜ هَـٰرُونَ؞ 23ڢِرْعَوْنَ وَيْلِتِ، حٛوتِ سَارٜ، عٛڢَالَايْ کَايٜىٰڢِ مَنْ؞ 24مِصْرَعٜنْ ڢُو نغَسِ غَاوِ کٛمْبِ مَايٛ نِيلْ حَا ࢡٜکٜࢡَ ندِيَمْ نجَرٜتٜىٰطَمْ، نغَمْ ࢡٜمبَاوَايْ يَرُغٛ ندِيَمْ مَايٛ نِيلْ؞
25ࢩَلْطٜ جٛوٜىٰطِطِ تِمِّ ࢡَاوٛ جَوْمِرَاوٛ ڢِيِ مَايٛ نِيلْ بٜى مَسِيبٛووٛلْ نغٛعٛلْ؞
مَسِيبٛووٛلْ طِطَࢡٛلْ: مَسِيبٛ ݠَاࢡِ
26ندٜنْ جَوْمِرَاوٛ وِعِ مُوسَى: «يَحْ حَا ڢِرْعَوْنَ، وِعْ مٛ: ندَا نِي جَوْمِرَاوٛ وِعِ: عَشُّ يِمْࢡٜ عُمَّاتٛورٜ عَمْ نجَحَ نجَغَّنٛ يَمْ؞ 27تٛ عَسَلَکٜ يٛوڢْتُغٛ ࢡٜ، مِعُکَّنْ ݠَاࢡِ حَا لٜسْدِ مَ ڢُو؞ 28مَايٛ نِيلْ حٜىٰوَنْ ݠَاࢡِ، طِ مبَعّٛتٛ، طِ نَسْتَ سَارٜ مَ عٜ سُودُ مَ وَالٜتٜىٰندُ؞ طِ نغَرَنْ دٛوْ بٜعِّتّٜ مَ عٜ ندٜرْ شُوطِ سَرَاکِعٜنْ مَ عٜ شَکَ يِمْࢡٜ مَ عٜ ندٜرْ کَاتَنٜىٰجِ مَ عٜ ندٜرْ جِيࢡْرُطٜ کُرٛورِ مَ؞ 29ݠَاࢡِ ندِوَنْ دٛوْ مَاطَ عٜ دٛوْ يِمْࢡٜ مَ عٜ دٛوْ سَرَاکِعٜنْ مَ ڢُو؞»
Currently Selected:
غُرْتَاکِ 7: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.