غُرْتَاکِ 3
3
اَللَّه عٜوْنِ مُوسَى
1مُوسَى طٛنّٛ دُرَ دَمّٛوجِ عٜسُمْ يٜتِرٛ، لِمَنْجٛ حَا مٜدِيَنْ؞ ࢩَنْدٜ ڢٜىٰرٜ عٛسٛغِّ دَمّٛوجِ غَطَ لَدّٜ، عٛيٛتِّ حَا حٛوسٜىٰرٜ اَللَّه وِعٜتٜىٰندٜ حٛرٜبْ؞ 2تٛنْ مَلَاعِکَاجٛ جَوْمِرَاوٛ وَنغَنِمٛ ندٜرْ جَمْرٜ يِيتٜ حَا شَکَ وُمْرٜ؞ مُوسَى لَارِ وُمْرٜ مَنْ طٛنْ جَࢡَ يِيتٜ، عَمَّا يِيتٜ ࢩَامَايْ ندٜ؞ 3عٛنُمِ: «سٜيْ مِسٜلَ حَا مِلَارَ کَايٜىٰڢِوٛلْ نغٛعٛلْ، نغَمْ طُمٜ وُمْرٜ وُلَايْ؞» 4ندٜ جَوْمِرَاوٛ اَللَّه يِعِ مُوسَى سٜلِ حَا عٛلَارَ، عٛعٜوْنِمٛ شَکَ وُمْرٜ: «مُوسَى! مُوسَى!» عٛجَابِ: «نَعَمْ؞» 5اَللَّه وِعِمٛ: «تَا ࢡَدِتَ حَا طٛ! ڢَطِّتَ نغَمْ نٛکُّورٜ حَا عَطٛنْ دَرِ ندٜ سٜنِيندٜ؞» 6عٛتٛکِّ وِعُغٛ: «مِنْ وٛنِ اَللَّه بَابَ مَ، اَللَّه إِبْرَاهِيمَ عٜ اَللَّه إِسْحَاقَ عٜ اَللَّه يَعْقُوبُ؞» مُوسَى سُدِّ يٜىٰسٛ مُمْ، نغَمْ عٛحُلِ لَارُغٛ اَللَّه؞
7ندٜنْ جَوْمِرَاوٛ وِعِ: «ڢَکَتْ مِيِعِ بٛنٜ عُمَّاتٛورٜ عَمْ ندٜرْ لٜسْدِ مِصْرَ؞ مِنَنِ غٛوکَالِ مَࢡّٜ دَلِيلَ کُوغَلْ نَاوْنغَلْ نغَلْ عَرْدِيࢡٜ مَࢡّٜ ندٛولِ ࢡٜ حُووُغٛ، مِعَنْدِ تٛرَّاجِ مَࢡّٜ؞ 8مِجِݠِّ نغَمْ مِحِسْنَ ࢡٜ دِغَ جُوطٜ مِصْرَعٜنْ، مِوُرْتِنَ ࢡٜ دِغَ لٜسْدِ مَنْ، مِيَحْرَ ࢡٜ حَا لٜسْدِ مبٛوندِ، نجَاسْندِ، لٜسْدِ کٜىٰوْندِ کٛسَمْ عٜ نجُمْرِ، حَا لٜسْدِ ندِ کَنَانِعٜنْ عٜ حٜتِعٜنْ عٜ عَمٛورِعٜنْ عٜ ݠٜرٜزِّعٜنْ عٜ حٜوِعٜنْ عٜ يٜبُسِعٜنْ نجٛوطِ؞ 9جٛنْتَ غٛوکَالِ إِسْرَاءِيلَعٜنْ نجٛتَّکٜ يٜىٰسٛ عَمْ، مِيِعِ بٛو ࢡِلَّارٜ ندٜ مِصْرَعٜنْ ࢡِلَّتَ ࢡٜ؞ 10جٛنْتَ يَحْ، مِنٜلِ مَ حَا ڢِرْعَوْنَ، نغَمْ عَوُرْتِنَ عُمَّاتٛورٜ عَمْ إِسْرَاءِيلَ دِغَ مِصْرَ!#کُوطٜ نٜلَاࢡٜ 7:30-34؞» 11مُوسَى وِعِ اَللَّه: «مِ مٛيْ حَا مِيَحَ حَا ڢِرْعَوْنَ، مِوُرْتِنَ إِسْرَاءِيلَعٜنْ دِغَ مِصْرَ؟» 12اَللَّه وِعِمٛ: «مِوٛنْدَنْ بٜى مَ؞ ندَا نِي نغٛونغْطِنِرْتَ مِنْ نٜلِ مَ: تٛ عَوُرْتِنِ عُمَّاتٛورٜ ندٜعٜ دِغَ مِصْرَ، عٛنْ نجَغَّنٛ يَمْ دٛوْ حٛوسٜىٰرٜ ندٜعٜ؞»
13مُوسَى وِعِ اَللَّه: «تٛ مِيٜحِ حَا إِسْرَاءِيلَعٜنْ، مِوِعِ ࢡٜ: اَللَّه کَاکِرَاࢡٜ مٛوطٛنْ نٜلِ يَمْ حَا مٛوطٛنْ، ࢡٜࢨَمَتَمْ: نٛيْ عِنْدٜ مَاکٛ؟ طُمٜ مبِعَنْمِ ࢡٜ؟#غُرْتَاکِ 6:2-3؛ لَاتَانٛوجِ 4:26؛ يُحَنَّ 17:6،26؞» 14اَللَّه جَابِ مُوسَى: «مِنْ وٛنِ مٛ نغٛنْمِ؞» عٛوِعِ: «ندَا نِي مبِعَتَ يِمْࢡٜ إِسْرَاءِيلَ: مِنْ وٛنِ#3:14 مِنْ وٛنِ بٜى عِبْرَنِنغْکٜىٰرٜ نَنْدِ بٜى عِنْدٜ جَوْمِرَاوٛ؞ لَارْ عٜسَايَ 52:6؛ عٜزٜکِيٜلْ 12:25؛ يُحَنَّ 8:24؞ نٜلِ يَمْ حَا مٛوطٛنْ؞#وَحَيُ يُحَنَّ 1:4،8؞» 15ڢَحِنْ اَللَّه وِعِ مُوسَى: «ندَا نِي مبِعَتَ إِسْرَاءِيلَعٜنْ: جَوْمِرَاوٛ، اَللَّه کَاکِرَاࢡٜ مٛوطٛنْ، اَللَّه إِبْرَاهِيمَ عٜ اَللَّه إِسْحَاقَ عٜ اَللَّه يَعْقُوبُ نٜلِ يَمْ حَا مٛوطٛنْ؞ کَنْجُمْ وٛنِ عِنْدٜ عَمْ حَا ڢٛرٛيْ، بَنَ نٛنْ يِمْࢡٜ عٜوْنٛرْتٛ يَمْ دِغَ يِدٜرٜ حَا يِدٜرٜ؞ 16يَحْ، مٛوࢡْتُ ندٛتِّعٜنْ إِسْرَاءِيلَ، يٜشُّ ࢡٜ: جَوْمِرَاوٛ، اَللَّه کَاکِرَاࢡٜ مٛوطٛنْ وَنغَنِ يَمْ، عٛ اَللَّه إِبْرَاهِيمَ عٜ اَللَّه إِسْحَاقَ عٜ اَللَّه يَعْقُوبُ؞ عٛوِعِ: ڢَکَتْ مِحَکِّلَنِ عٛنْ، مِعَنْدِ کٛ ࢡٜمبَطِ عٛنْ حَا مِصْرَ؞ 17عٛوِعِ: مِوُرْتِنَنْ عٛنْ دِغَ تٛسْکَارٜ لٜسْدِ مِصْرَ، مِيَحْرَ عٛنْ حَا لٜسْدِ کَنَانِعٜنْ عٜ حٜتِعٜنْ عٜ عَمٛورِعٜنْ عٜ ݠٜرٜزِّعٜنْ عٜ حٜوِعٜنْ عٜ يٜبُسِعٜنْ، ندٜرْ لٜسْدِ کٜىٰوْندِ کٛسَمْ عٜ نجُمْرِ؞ 18إِسْرَاءِيلَعٜنْ نَنٜتٜ؞ ندٜنْ عَيَحَ حَا لَامِيطٛ مِصْرَ، عَنْ بٜى ندٛتِّعٜنْ إِسْرَاءِيلَ، عٛنْ مبِعَ مٛ: جَوْمِرَاوٛ، اَللَّه عِبْرَنِنغْکٜعٜنْ ڢٛتِّ بٜى عَمِنْ؞ نغَمْ مَنْ، عَشُّ مِنْ نجَحَ ندٜرْ لَدّٜ جَحَانغَلْ ࢩَلْطٜ تَتِ، حَا مِنْ لِيعَنٛ جَوْمِرَاوٛ اَللَّه عَمِنْ کِرْسٜتٜىٰطِ؞ 19مِعَنْدِ لَاࢡْطُمْ، لَامِيطٛ مِصْرَ يٛوڢْتَتَا عٛنْ، سٛنَا تٛ غٛطّٛ شٜمْبِطّٛ دٛولِمٛ؞ 20مِڢٛرْتَنْ جُنغٛ عَمْ، مِوَطَنْ کَايٜىٰڢِيجِ عَمْ ڢٜىٰرٜ ڢٜىٰرٜ ڢُو ندٜرْ لٜسْدِ مِصْرَ؞ ࢡَاوٛ مَنْ عٛيٛوڢْتَنْ عٛنْ عٛنْ ندِلَّ؞ 21مِوَطَنْ مِصْرَعٜنْ نغٜرْدٛ عُمَّاتٛورٜ ندٜعٜ؞ تٛ عٛنْ نغُرْتَکٜ، عٛنْ نجَحَتَا جُوطٜ شٛوکٜ؞ 22دٜبّٛ عِسْرَعِيلَاجٛ ڢُو ࢨَمَنْ کٜىٰدِّطُّمْ مِصْرَاجٛ دٜبّٛ عٜ حَا کٛطٛ غٛنْدُطٛ بٜى مُوطُمْ، کُوجٜ بَنَ شَرْدِ عٜ کَنغّٜىٰرِ، نٛنْ بٛو لِمْشٜ؞ ࢡِࢡّٜ مٛوطٛنْ وٛرْࢡٜ عٜ رٜوْࢡٜ ندٛونْدٛتٛ طُمْ، بَنَ نِي عٛنْ ࢡٛرْتِرْتَ مِصْرَعٜنْ؞#غُرْتَاکِ 12:35-36؞»
Currently Selected:
غُرْتَاکِ 3: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.