غُرْتَاکِ 20
20
عُمْرٛوجٜ اَللَّه سَݠّٛ
1ندَا بٛلّٜ طٜ اَللَّه وٛلْوَنِ إِسْرَاءِيلَ: 2«مِنْ وٛنِ جَوْمِرَاوٛ اَللَّه مَاطَ، غُرْتِنْطٛ مَ نجٜيَانغُ حَا لٜسْدِ مِصْرَ؞ 3تَا طٛوَنْتٜىٰࢡٜ وٛطْࢡٜ تَوٜ حَا مَاطَ، سٜيْ مِنْ ڢٜىٰرٜ عَمْ؞
4«تَا وَطَنْ حٛورٜ مَ لَوْرُ کٛو ندُيٜ، کٛو سُورَ تَغْدِ کٛو ندِيٜ حَا عَسَمَ مَلَّ دٛوْ لٜسْدِ مَلَّ ندٜرْ ندِيَمْ لٜسْ لٜسْدِ؞ 5تَا سُجِدَنْ سُورَاجِ طِعِ، تَا رٜوُ طِ! نغَمْ مِنْ جَوْمِرَاوٛ اَللَّه مَ، مِيِطَا عَتٛکّٛ طٛوَنْتٜىٰطٛ ڢٜىٰرٜ سَمْ#20:5 مِيِطَا عَتٛکّٛ طٛوَنْتٜىٰطٛ ڢٜىٰرٜ سَمْ مَلَّ مِ کَاجُطٛ؞؞ مِحِيتٛتٛ عَيْبٜ وَࢩْࢡٜ يَمْ حَا ࢡِࢡّٜ مَࢡّٜ، کٛو حَا تَانِرَاࢡٜ مَࢡّٜ عٜ جَاتِرَاࢡٜ مَࢡّٜ بٛو#غُرْتَاکِ 34:17؛ ڢَرِلَّاجِ لٜوِعٜنْ 19:4؛ 26:1؛ تٛوکْتَاکِ تَوْرٜىٰتَ 4:15-18؛ 27:15؞؞ 6عَمَّا مِوَطَنَنْ يِطْࢡٜ يَمْ، طٛوْتَنِيࢡٜ عُمْرٛوجٜ عَمْ مبٛوطٜىٰنغَ حَا غِدٜ عُجِنٜىٰجٜ#غُرْتَاکِ 34:6-7؛ لِمْلٜ 14:18؛ تٛوکْتَاکِ تَوْرٜىٰتَ 7:9-10؞؞
7«تَا عٜوْنُ عِنْدٜ جَوْمِرَاوٛ اَللَّه مَاطَ مٜىٰرٜ؞ نغَمْ ڢَکَتْ جَوْمِرَاوٛ حِيتٛتٛ کٛو مٛيْ عٜوْنِيطٛ عِنْدٜ مُمْ مٜىٰرٜ#ڢَرِلَّاجِ لٜوِعٜنْ 19:12؞؞
8«سِڢْتٛرْ ࢩَلَادٜ سِوْتٛرْدٜ، عَسٜنَ ندٜ#غُرْتَاکِ 16:23-30؛ 31:12-14؞؞ 9ندٜرْ ࢩَلْطٜ جٛوٜىٰغٛ کُووَتَ کُوغَلْ مَ ڢُو؞ 10عَمَّا ࢩَلَادٜ جٛوٜىٰطِطَوْرٜ وٛنِ سِوْتٛرْدٜ نغَمْ جَوْمِرَاوٛ اَللَّه مَاطَ؞ ندٜرْ مَارٜ تَا حُووْ کُوغَلْ کٛو نغَلٜ، کٛو عَنْ، کٛو ࢡِيَ غٛرْکٛ، کٛو ࢡِيَ دٜبّٛ، کٛو مَشُّطٛ مَ، کٛو کٛرْطٛ مَ، کٛو دَبَّاجِ مَ، کٛو کٛطٛ غٛنْطٛ ندٜرْ غُرٜ مَ#غُرْتَاکِ 23:12؛ 31:15؛ 34:21؛ 35:2؛ ڢَرِلَّاجِ لٜوِعٜنْ 23:3؞؞ 11نغَمْ ندٜرْ ࢩَلْطٜ جٛوٜىٰغٛ جَوْمِرَاوٛ تَغِ عَسَمَ عٜ لٜسْدِ عٜ مبٜىٰلَ عٜ کٛ وٛنِ ندٜرْ مَاجُمْ ڢُو؞ عٛسِوْتِ ࢩَلَادٜ جٛوٜىٰطِطَوْرٜ؞ نغَمْ مَاجُمْ جَوْمِرَاوٛ بَرْکِطِنِ ࢩَلَادٜ سِوْتٛرْدٜ، عٛسٜنِ ندٜ#لَاتَانٛوجِ 2:1-3؛ غُرْتَاکِ 31:17؞؞
12«تٜدِّنْ بَابَ مَ عٜ دَادَ مَ، نغَمْ حَا بَلْطٜ مَ نجُوتَ ندٜرْ لٜسْدِ ندِ جَوْمِرَاوٛ اَللَّه مَاطَ حٛکِّ مَ#تٛوکْتَاکِ تَوْرٜىٰتَ 27:16؛ مَتَّ 15:4؛ 19:19؛ مَرْکُسْ 7:10؛ 10:19؛ لُکَ 18:20؛ 6:2؞ #عٜڢٜسُعٜنْ 6:3؞؞
13«تَا مبَرْ-حٛورٜ#لَاتَانٛوجِ 9:6؛ ڢَرِلَّاجِ لٜوِعٜنْ 24:17؛ مَتَّ 5:21؛ 19:18؛ مَرْکُسْ 10:19؛ لُکَ 18:20؛ رٛمَعٜنْ 13:9؛ يَاکُبَ 2:11؞؞
14«تَا وَطْ نجٜىٰنُ#ڢَرِلَّاجِ لٜوِعٜنْ 20:10؛ مَتَّ 5:27؛ 19:18؛ مَرْکُسْ 10:19؛ لُکَ 18:20؛ رٛمَعٜنْ 13:9؛ يَاکُبَ 2:11؞؞
15«تَا وُجُّ#ڢَرِلَّاجِ لٜوِعٜنْ 19:11؛ مَتَّ 19:18؛ مَرْکُسْ 10:19؛ لُکَ 18:20؛ رٛمَعٜنْ 13:9؞؞
16«تَا سٜىٰدَ ڢٜوْرٜ دٛوْ کٜىٰدِّطِّرَاوٛ مَ#غُرْتَاکِ 23:1؛ مَتَّ 18:19؛ مَرْکُسْ 10:19؛ لُکَ 18:20؞؞
17«تَا سُونُ سَارٜ کٜىٰدِّطَّ؞ تَا سُونُ دٜبّٛ کٜىٰدِّطَّ، کٛو مَشُّطٛ مَاکٛ، کٛو کٛرْطٛ مَاکٛ، کٛو نَغّٜ مَاکٛ، کٛو وَمْندٜ مَاکٛ، کٛو طُمٜ کٛ کٜىٰدِّطَّ مَرِ ڢُو#رٛمَعٜنْ 7:7؛ 13:9؞؞»
کُلٛلْ عُمَّاتٛورٜ إِسْرَاءِيلَ
18يِمْࢡٜ ڢُو نَنِ ڢٜلْمَانغٛ عٜ سَوْتُ لُوَلْ، ࢡٜنغِعِ مَعّٜ عٜ حٛوسٜىٰرٜ سُورَنْدٜ شُورْطٜ؞ ندٜ ࢡٜنغِعِ طُمْ، ࢡٜندِوْنِ، ࢡٜندَرِ دَايِيطُمْ؞ 19ࢡٜمبِعِ مُوسَى: «عَنْ، وٛلْوَنْ مِنْ، مِنْ نَنَنْتٜ؞ عَمَّا تَا اَللَّه وٛلْوَنَ مِنْ، نغَمْ تَا مِنْ مَايَ#عِبْرَنِنغْکٜعٜنْ 12:18-19؞؞» 20مُوسَى وِعِ ࢡٜ: «تَا کُلٜ! اَللَّه وَرِ نغَمْ ڢٛونْدُغٛ عٛنْ، نغَمْ حَا عٛنْ کُلَ مٛ عٜ تَا عٛنْ مبَطَ حَکّٜ؞» 21عُمَّاتٛورٜ تٛکِّ دَرَاغٛ دَايِيطُمْ، مُوسَى ڢٜىٰرٜ مُمْ ࢡَدِتِ ࢩِࢡْرٜ ࢡَلٜىٰرٜ حَا اَللَّه وٛنِ؞
عُمْرٛوجٜ دٛوْ کِرْسِرْطٜ
22جَوْمِرَاوٛ وِعِ مُوسَى: «ندَا نِي مبِعَتَ إِسْرَاءِيلَعٜنْ: عٛنٛنْ عٛنْ نغِعِ مِوٛلْوَنِ عٛنْ دِغَ عَسَمَ؞ 23تَا مبَطَنٜ کٛعٜ مٛنْ لَبِّ طِ شَرْدِ مَلَّ کَنغّٜىٰرِ، تَا کَوْتٜ طِ بٜى عَمْ؞ 24مَحَنٜىٰطَمْ حِرْسِرْدٜ ندٜ لٜسْدِ؞ لِيعٜ دٛوْ مَارٜ کِرْسٜتٜىٰطِ بَالِ عٜ بٜعِ عٜ نَعِ مٛوطٛنْ نغَمْ غُلٜتٜىٰطِ مَلَّ کَوْتَلْ مٛنْ بٜى عَمْ؞ حَا نٛکُّورٜ کٛو ندٜيٜ ندٜ عَنْدِنَنْمِ عٛنْ نغَمْ عٜوْنَاغٛ عِنْدٜ عَمْ، مِوَرَنْ حَا مٛوطٛنْ، مِبَرْکِطِنَنْ عٛنْ؞ 25تٛ عٛنْ طٛنْ ࢩِࢡَنَ يَمْ حِرْسِرْدٜ ندٜ کَاعٜ، تَا ࢩِࢡٜ ندٜ بٜى کَاعٜ شٜحَاطٜ؞ نغَمْ تٛ عٛنْ شٜحِ طٜ، عٛنْ شٛࢡْنَنْ طٜ#تٛوکْتَاکِ تَوْرٜىٰتَ 27:5-7؛ يٛسُوَ 8:31؞؞ 26تَا مبَعّٜ حٜىٰدِ حِرْسِرْدٜ عَمْ دٛوْ بَعّٛرْطٜ نغَمْ تَا عٛنْ شُدِّتٛ لٜسْ مٛوطٛنْ دٛوْ مَارٜ؞»
Currently Selected:
غُرْتَاکِ 20: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.