غُرْتَاکِ 1
1
بٛنٜ إِسْرَاءِيلَعٜنْ حَا مِصْرَ
1ندَا عِنْطٜ ࢡِࢡّٜ يَعْقُوبُ، وَاتٛ إِسْرَاءِيلَعٜنْ يَحْدُࢡٜ حَا مِصْرَ بٜى بَابَ مُوطُمْعٜنْ، کٛو مٛيْ ڢُو بٜى سَارٜ مُوطُمْ: 2رُبٜنْ، سِمٜيٛنْ، لٜوِ عٜ يَحُودَ، 3عِسَّکَرْ، زَبُلٛنْ عٜ بٜنْيَمِنْ، 4دَنْ عٜ نٜڢْتَلِ، غَدَ عٜ عَسٜرْ#لَاتَانٛوجِ 46:8-27؞؞ 5لِمْغَلْ دَࢩْغٛلْ يَعْقُوبُ ڢُو، وَطِ يِمْࢡٜ شَݠَّنْطٜ نجٛوٜىٰطِطٛ (70)؞ يُوسُڢُ کَمْ طٛنّٛ حَا مِصْرَ تٛنْ؞ 6يُوسُڢُ عٜ دٜىٰرْطِرَاࢡٜ مُوطُمْ ڢُو مَايِ، نٛنْ بٛو مٛوࢡْغَلْ يِدٜرٜ مَࢡّٜ ڢُو؞ 7إِسْرَاءِيلَعٜنْ ندَࢩْندَࢩْتِرِ، ࢡٜطٛنْ ࢡٜسْدٛ، ࢡٜطٛنْ طُوطَ، بَاوْطٜ مَࢡّٜ بٛو ࢡٜسْدِ مَسِنْ؞ ࢡٜکٜبِّنِ لٜسْدِ مِصْرَ#کُوطٜ نٜلَاࢡٜ 7:17؞؞
8ندٜنْ لَامِيطٛ کٜسٛ لَامِ دٛوْ لٜسْدِ مِصْرَ؞ کَنغْکٛ عٛعَنْدَا يُوسُڢُ#کُوطٜ نٜلَاࢡٜ 7:18؞؞ 9عٛوِعِ عُمَّاتٛورٜ مَاکٛ: «ندَارٜ، عُمَّاتٛورٜ إِسْرَاءِيلَ ࢡُرْدِ عٜنْ طُوطُغٛ عٜ سٜمْبٜ؞ 10سٜيْ عٜنْ کٜࢡَ دَبَرٜ نغَمْ حَطُغٛ ندٜ طُوطُغٛ؞ نغَمْ تٛ ندٜ طُوطِ، تٛ کٛنُ وَطِ، ندٜ حَوْتَنْ بٜى کٛنّٜعٜنْ مٜىٰطٜنْ، ندٜ حَࢡَنْ بٜى مٜىٰطٜنْ، ندٜ وُرْتٛتٛ لٜسْدِ؞#کُوطٜ نٜلَاࢡٜ 7:19؞» 11مِصْرَعٜنْ لَاتِنِ إِسْرَاءِيلَعٜنْ مَشُّࢡٜ، ندَرْنِ کَلِيڢَعٜنْ دٛوْ مَࢡّٜ نغَمْ تٛرُّغٛ ࢡٜ بٜى کُوغَلْ شَاتُنغَلْ؞ إِسْرَاءِيلَعٜنْ ࢩِࢡَنِ ڢِرْعَوْنَ بٜرْنِيجِ شِغٛرْطِ طِعِ: ݠِتٛمْ عٜ رَعْمٜسٜسْ؞ 12بَنَ نِي کٛو ندٜ مِصْرَعٜنْ طُطِّنِ تٛوࢩَانغٜ دٛوْ مَࢡّٜ، کَمْࢡٜ ࢡٜࢡُرْتِ ࢡٜسْدَاغٛ، ࢡٜطُوطِ حَا مِصْرَعٜنْ کُلِ ࢡٜ؞ 13مِصْرَعٜنْ کُووْنِ إِسْرَاءِيلَعٜنْ بٜى شَاتَلْ؞ 14ࢡٜلَسْکِنِ جٛوندٜ مَࢡّٜ بٜى کُوطٜ شَاتُطٜ طٜعٜ: جِيࢡُغٛ لٛوݠٜ، تَݠُّغٛ بِرِکْجٜ عٜ حُووُغٛ کُوطٜ غٜسٜ؞ ࢡٜندٛولِ ࢡٜ حُووُغٛ کُوطٜ شَاتُطٜ کٛو طٜيٜ ڢُو؞
15لَامِيطٛ مِصْرَ حٛکِّ عُمْرٛورٜ ندٜعٜ حَا سِڢِرَ عٜ ݠُعَ، رٜوْࢡٜ ࢡٜسْنِنٛوࢡٜ حَا عِبْرَنِنغْکٜعٜنْ، 16عٛوِعِ ࢡٜ: «تٛ عٛنْ طٛنْ ࢡٜسْنِنَ رٜوْࢡٜ عِبْرَنِنغْکٜعٜنْ، ندَارٜ بٛوطُّمْ، تٛ طُمْ ࢡِنغٜلْ غٛرْغٜلْ، مبَرٜ نغٜلْ، تٛ طُمْ دٜيٜلْ بٛو، عَشّٜ نغٜلْ يٜىٰطَ؞» 17عَمَّا ࢡٜسْنِنٛوࢡٜ غٛ کُلِ اَللَّه، ࢡٜطٛوْتَنَاکِ عُمْرٛورٜ لَامِيطٛ مِصْرَ؞ ࢡٜعَشِّ ࢡِکّٛيْ نغٛرْکٛيْ نغٜىٰطَ؞ 18ندٜنْ لَامِيطٛ مِصْرَ عٜوْنِ ࢡٜ، ࢨَمِ: «کٛنِ کُووْطٛنْ بَنَ نِي؟ کٛنِ عٛنْ عَشِّ ࢡِکّٛيْ نغٛرْکٛيْ نغٜىٰطَ؟» 19ࢡٜنجَابِ ڢِرْعَوْنَ: «رٜوْࢡٜ عِبْرَنِنغْکٜعٜنْ لَاتَاکِ بَنَ رٜوْࢡٜ مِصْرَعٜنْ، ࢡٜ سٜمْبِطْࢡٜ؞ حِدّٜکٛ ࢡٜسْنِنٛووٛ وَرَ حَا مَࢡّٜ، ࢡٜندَࢩِ؞» 20بَنَ نِي اَللَّه وٛونَنِ رٜوْࢡٜ ࢡٜسْنِنٛوࢡٜ ࢡٜعٜ، إِسْرَاءِيلَعٜنْ ࢡٜسْدِ طُوطُغٛ، بَاوْطٜ مَࢡّٜ بٛو ࢡٜسْدِ مَسِنْ؞ 21اَللَّه حٛکِّ رٜوْࢡٜ غٛ دَࢩْغٛلْ، نغَمْ ࢡٜکُلِ اَللَّه؞ 22ندٜنْ ڢِرْعَوْنَ عُمْرِ عُمَّاتٛورٜ مُوطُمْ ڢُو، عٛوِعِ: «غٛرْغٜلْ دَࢩَانغٜلْ ندٜرْ سَارٜ يَحُودُوجٛ ڢُو، شَکِّنٜ نغٜلْ ندٜرْ مَايٛ نِيلْ؞ ندٜحٛيْ کَمْ، عَشّٜ کٛيْ نغٜىٰطَ؞#کُوطٜ نٜلَاࢡٜ 7:19؞»
Currently Selected:
غُرْتَاکِ 1: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.