Башланув 35
35
Рабби Якъупны Бет-Эль шеэринде багъышлай
1 #
Баш 28.10-22
Алла Якъупкъа бойле деди:
– Барып, Бет-Эльге кет ве анда ерлеш. Анда агъанъ Исавдан къачкъанынъда санъа корюнген Аллагъа къурбан ери яп.
2Якъуп озь эвиндекилерине ве онен олгъан эписи адамларына бойле деди:
– Сизде олгъан эписи башкъа аллаларны ташлап кетинъиз, элялланынъыз ве урбаларынъызны денъиштиринъиз. 3Биз Бет-Эльге кетермиз. Анда башым белягъа къалгъанда манъа джевап берген ве мен юрген ёлларда янымда олгъан Аллагъа къурбан ери япаджагъым.
4 #
Ехо 24.26; Къад 9.6 Олар Якъупкъа эписи башкъа аллаларыны бердилер, къулакъларындаки купелерни де чыкъарып онъа бердилер. Якъуп оларны эписини Шекем шеэри янында олгъан эмен тереги тюбюнде комип къойды.
5Сонъ олар ёлгъа чыкътылар. Этрафтаки шеэрлернинъ сакинлери Алладан къоркъкъанлары ичюн, Якъупнынъ огъулларыны къуваламадылар. 6Якъуп эписи адамларынен Ханаан топрагъындаки Луз шеэрине, я да Бет-Эль шеэрине кельди ве 7#Баш 28.19анда къурбан ери къурды. О, бу ернинъ адыны Эль-Бет-Эль#35.7 Эль-Бет-Эль – къ. еуд. «Бет-Эльнинъ Алласы» демектир. деп къойды. Якъуп агъасындан къачкъанда, Алла онъа мында пейда олгъан эди.
8 #
Баш 24.59
Сонъ Рефикъанынъ даясы Девора кечинди. Оны Бет-Эльнинъ янында эмен тереги тюбюнде дефн эттилер. Якъуп бу эменнинъ адыны Агълав Тереги#35.8 Агълав Тереги – къ. еуд. «Аллон-Бакъут» демектир. деп къойды.
9Якъуп Паддан-Арамдан къайткъан сонъ, онъа Алла корюнди ве оны багъышлады. 10#Баш 32.28Алла:
– Сенинъ адынъ Якъуп. Лякин илериде адынъ Якъуп олмайджакъ, адынъ «Исраиль» оладжакътыр, – деди.
Бойле этип, Алла Якъупнынъ адыны Исраиль къойды. 11#Баш 17.6Сонъ даа бойле деди:
– Мен – Къудретли Алладырым! Догъып арт ве чокъ сайылы ол! Сенден халкъ, пек чокъ халкълар асыл оладжакъ, падишалар да сенден асыл оладжакълар! 12Ибраимге ве Исхакъкъа берген топракъларны Мен санъа берерим, сенден сонъ оладжакъ эвлятларынъа да берерим.
13Якъупкъа шуны айтып, Алла о ерден кетти. 14#Баш 28.18; 31.45Якъуп анда бир ташны абиде этип тиклеп къойды ве устюне шарапнен зейтюн ягъы тёкти. 15#Баш 28.19Бу ернинъ, онен Алла лакъырды эткен ернинъ адыны Якъуп Бет-Эль деп къойды.
Рахельнинъ олюми
16Бет-Эльден чыкъып кетип, Эфрат шеэри янына кельгенлеринде, Рахель бала тапты. Онынъ догъувы агъыр эди. 17#1 Пад 4.20Рахель догъып къыйналгъанда, эбанай онъа:
– Къоркъма, – деди. – Сенинъ даа бир огълунъ олды.
18Рахель кечинеяткъанда, сонъки нефесинен огълунынъ адыны Бен-Они къойды, лякин бабасы онъа Биньямин#35.18 Бен-Они – къ. еуд. «белямнынъ огълу» демектир. Биньямин – къ. еуд. «онъ къолумнынъ огълу» демектир. деген ад берди.
19 #
Рут 1.2; Микъа 5.2 Рахель кечинди. Оны Эфрат шеэрине, я да Вифлеем шеэрине кеткен ёлнынъ боюнда дефн эттилер. 20Якъуп онынъ къабрининъ устюне баш таш къойды. Рахельнинъ баш ташы шу куньгедже тура.
21Исраиль ёлуны девам этти ве чадырларыны Мигдал-Эдер артында ерлештирди.
Якъупнынъ огъуллары
22 #
Баш 49.4; Лев 20.11 Исраиль о топракъта олгъанда, Рубен бабасынынъ джариеси Билханен ятты, ве бабасы бу акъкъында эшитти.
Якъупнынъ он эки огълу бар эди.
23Леанынъ огъуллары: Якъупнынъ биринджи огълу Рубен, ондан сонъ Шимеон, Левий, Ехуда, Йиссакъар ве Зевулун.
24Рахельнинъ огъуллары: Юсуф ве Биньямин.
25Рахельнинъ хызметчиси Билханынъ огъуллары: Дан ве Нафталий.
26Леанынъ хызметчиси Зилпанынъ огъуллары: Гъад ве Ашер.
Бу – Якъупнынъ Паддан-Арамда догъгъан огъуллары.
Исхакънынъ олюми
27 #
Баш 13.18; 23.2; Ехо 14.15; Къад 1.10 Якъуп Мамреде, Кирьят-Арбада, яни Хевронда яшагъан бабасы Исхакъкъа кельди. Мында бир заманда Ибраим ве Исхакъ вакътынджа яшай эдилер.
28Исхакъ 180 йыл яшады. 29#Баш 25.8О, баягъы къарт олып, яшайышкъа бутюнлей тойып кечинди ве баба-деделерине къошулды. Огъуллары Исав ве Якъуп оны дефн эттилер.
Currently Selected:
Башланув 35: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016