A’NPHUTNA 10
10
Noah Sapahei Sōn leh Pâr
(1 Th 1.5–23)
1Hihei hi Noah sapahei sōn leh pârhei kae: Shem, Hem, khana Japheth. Hihei hin tuishâng lensōa sapa anleinei hei.
2Japheth sapahei: Gomer, Magog, Madai, Javan, Tubal, Meshech leh Tiras – hihei hi anrahming karôn mipuihei pusōnhei kae. 3Gomer sōn leh pârhei kha Ashkenaz, Riphath leh Togarma mihei kha kae. 4Javan sōn leh pârhei kha Elisha, Spain, Cyprus, leh Rhod mipuihei kae; 5anmani hei hi tuipanga leh tuikekhuma aleika-om mipuihei pusōnhei kae. Hihei hi phung leh ram khana ṭong hlop-hlop kajôm Japheth sōn leh pârhei kha kae.
6Hem sapahei kha: Cush, Egypt, Libya leh Canaan – hihei hi an-rahming karôn mipuihei anpu sōnhei kha kae. 7Cush sōn leh pârhei kha Seba, Havilah, Sabtah, Raamah, leh Sabteca mipuihei kha kae. Raamah sōn leh pârhei kha Sheba leh Dedan mipuihei kha kae. 8Cush hin Nimrod inti sapa inkhat aleinei, ama kha raleichunga ahma kakeipen re kahrânga ram kahlōtor leikachang. 9Rōngpu inthōpuina jâra shakahnong kahrattak leikachang. Ama chungchânga mihe’n ṭongchîk hing’hin, “Nimrod kapōa Rōngpu’n shakahnong kathemtak manchang che rasoh,” tina leika-om. 10Hmapena ama rengram kha Babylon, Erech khana Accad katlung kae; hiva 3 hei hi Babylon ramtlâk shunga hei kae. 11Khava ram a inphut ama’n Assyria ram a inthona Nineveh, Rehoboth Ir, Cala, 12leh Resen khōpui hi Nineveh leh Kala khōpui kalen kâra aleisyemsōt a kae.
13Egypt sōn leh pârhei kha Lidya, Anam, Lehab, Naphtu, 14Pathrus, Casluh leh Crete mipuihei hi kae. Hihei hinna inphut Philistihei kha ahong kasōk hei kae.
15Canaan sapahei: upapen Sidon leh Heth kae — anmani rahming karôn mipuihei pusōnhei kae. 16Canaan hi Jebush-hei, Amorhei, Girgash hei, 17Hivhei, Arki hei, Sini hei, 18Arvadi hei, Zemari hei, khana Hamathi hei pu leh pa kae. Phung hlop-hlop Canaan sōn leh pâr he’n ram kalentak a inthek chai hei, 19Sidon tlaitlâk a inphut Gaza hnenga Gerar ramri katlung khana nisōting Sodom, Gomorrah, Adma leh Lasha hnenga Zeboiim katlung kae. 20Anmani hi Hem sōn leh pârhei kae, ram hlop-hlop a ka-om heia jât hlop-hlop kachang jo hei, ama ama rup in anṭong et anjôm jo.
21Japheth upa Shem kha Hebrew rakip hei hong inthokna anpusōn kae. 22Shem sapahei: Elam, Asshur, Aprakhshad, Lud leh Aram–anrahming karôn mipuihei anpu sōnhei kae. 23Aram shahei Uz, Hul, Gether leh Meshek mipuihei kae. 24Aber pa kha Shelah, Shelah pa Aprakhshad kae. 25Eber in sapa 2 anei: inkhat kha Peleg anphō, ajârchu ama khanga raleichunga mihei hi insemṭhen hei; khana alak inkhat kha Joktan tia arahming anphō. 26Joktan sōn leh pârhei kha Almodad, Sheleph, Hazarmaveth, Jerah, 27Hadorama, Uzal, Diklah. 28Obal, Abimael, Sheba, 29Ophir, Hivila, leh Jobab mihei kha kae. Hihei hi Joktan sōnhei kae. 30Anmani khō leisyemna ram khachu Mesha inphut nisōtinga chingrama Sephar katlunga kae. 31Hihei hi Shem sōn leh pârhei, ram hlop-hlop a jât hlop-hlop kachang heia, ama ama rup ṭong et anjôm jo.
32Hiva mihei seng hi Noah sōn leh pârhei kae; jât inkha-khat a anpa anpusōn dungjuia a’npe kae. Raleichunga jât rakip hei hi tuishâng lensōa Noah sōn leh pâr heia inphut ajōng kakōn hei kae.
Currently Selected:
A’NPHUTNA 10: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.