Popular Bible Verses from Luc 21

Share

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Takul korè tà njak le si á d’a kaje’n nganrankum ra si.

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Danran se nang à udi se nel’n karè, nè tàge le’m à udi ndan lé.

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ. Loo ke dooge à giri dè nyange ke à reei dè nang nè bere mbak ɓaa, ɓel à tɔl de singling tede tɔgmong le nyange ke danrán à yei ɓuk-ɓuk. D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Dooge malang à ɔri sei njêt tede ri’m man ke m’ee Ngonn doo nga.

Nang à yei ɓuk-ɓuk se looge ke nange gai-gai a, ɓo-bò se yo-kos à osoi se loo-loo a, nyange ke tooi ɓel ngain ke doo an ndɔ karé lé à undei loo teei kàde danran’t a tɔ.

Loo ke sei a kooi tà rɔ ke dooge à rɔi nan a, kin ke dooge à in-in se nan a tɔ nga, adi ndil si tee an-in soin-soin lé. Gar-gar nyange nè nga à teei kété ɓita, nè ke loon’t nè kuwe à è ngei ndɔ kade dè nang nè tuju’n bere mbak lé ɓai. Go’t gugu, Jésu tel ede de ede nè: – Girkoje dooge ke karé à in-in se girkoje dooge ke rang a, ngar ke kêm ɓeekon ke karé à in se ngar made’n ke kêm ɓeekon ke rang’t a tɔ.

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ. Loo ke dooge à giri dè nyange ke à reei dè nang nè bere mbak ɓaa, ɓel à tɔl de singling tede tɔgmong le nyange ke danrán à yei ɓuk-ɓuk.

Go’t gugu, Jésu tel ede de ede nè: – Girkoje dooge ke karé à in-in se girkoje dooge ke rang a, ngar ke kêm ɓeekon ke karé à in se ngar made’n ke kêm ɓeekon ke rang’t a tɔ.

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.