Popular Bible Verses from Salmos 46

Share

Tiiˊ goˉta̱a̱hˊ hnähꜘ mahꜗ läˉñehˊ hnähꜘ jnäꜘ heꜘ la̱a̱nꜗ Dio. Jnäꜘ heꜘ la̱a̱nꜗ jø̱ø̱hˈ kihꜗ läꜙka̱a̱ˉ läꜙjʉhꜗ jmɨˉgyʉʉꜙ.

Ja̱a̱ˉ Dio baˊ hi̱ˉ chehꜗ nëˊ hi̱ˉ kwaꜙ beꜘ jnänˋ. Cha̱hꜘ baˊ jë̱ë̱y˜ jneˊ maˊ jëëˉ jneˊ wɨɨꜘ. Heˉja̱ˉ saꜙ chaˉ heˉ kihꜗ läꜙga̱hꜗ jneˊ maꜙkeꜙ jeh˜ hwaꜗ, maꜙkeꜙ gaꜙhmäähꜗ mohꜘ taꜙ nehꜙ jmɨɨꜙ

Chaˉ ko̱o̱ˉ jmɨˉjʉʉhˉ heˉ jmeeꜙ jë̱ë̱ˉ dsëꜗ jeeˊ jwɨɨˉ kihꜗ Dio, ja̱ˉbaˊ jeeˊ jwɨɨˉ heˉ naˉjngɨɨˈ jeeˊ gyaˈ hi̱ˉ jø̱ø̱hˈ kihꜗ jeeˊ läꜙjë̱ë̱ꜙ. Dio gyaꜗ jeeˊ jwɨɨˉ ja̱ˉ, niꜙ miihˉ saꜙ chaˉ heˉ leꜘ kihꜗ. Dio løø˜ kwaꜙ beꜘ kihꜗ taꜙlaꜙ tiih˜, läꜙja̱ˉ jmeeyꜗ läꜙjëꜙ jmɨɨˊ baˊ.

Miˉlla̱a̱yꜙ hniiˉ läꜙka̱a̱ˉ jmɨˉgyʉʉꜙ. Chʉˉjøøy˜ flecha kihꜗ dsaꜙ, jmeeyꜙ jwɨˊdsuhꜗ ñeˈchʉ̱ʉ̱hˉ hiꜙ jë̱yˉ goˉte˜ carro kihꜗ hniiˉ.