Popular Bible Verses from Matiusu 27

Share

De adonoka o takoro hange de duru ma oraha gea o Yesusu wopoaka de ai ilingi duru kohaamokiye wato, “Eli, Eli, lema sabatani!” Abe ai demo gea ma titi, “Ahi Jou, ahi Jou, adodoa ho ka nohinoaika dika Ngohi?”

De abe duru ma oraha o Yesusu ai ngomaha itoakoka de doka o kota ma goronaka abe Ma Jou ai Tau ma goronaka o ngoere ma biri-birini ikakihi daku ma barenoka de auku hiadono dau ma barenuku, ho gea ipelaka hinootoka. De o tonaka ihikelu-kelu, de nagali abe o hakaru ma ago-agomo ikokipelaka. De ma oraha gea o nyawa manga ngoe manga lungunu ifelengaka. De ona abe ma dihiraino de yodadioka Ma Jou ai nyawa, ona manga ngoe Una wahimomiki manga hone-honengino ma oraha gea.

De ahao o Yesusu ka wopoakohi de ai ilingi ma amokiye de gea ai ngomaha itoakoka.

De o Yesusu ai gotaka naga o Roma manga tentara manga baluhu abe ai kokawaaha yaratuhu moi de nagali ma tentara yamuruono naga utuoli. De ona yamake abe hokokia ma tonaka ihikelu-kelu de abe utu mata-mata idadioka ma oraha gea de duru yokokihawanoka de yotemo ato, “Duru igou-goungu Una gea to Ma Jou ai Ngofaka!”

De o wange ikorona abe o takoro ngimoi de hinooto de o tonaka gea mata-mataika duru ifufutu hiadono o wange ikumurukiha abe o takoro hangeino.

De o Pilatusu wotemo wato, “De nako o Barabasa tihiluasa nginika, gea ahao done sarakia todiai o Yesusika naa abe iwihiromanga ato ti ngini nia Koano abe nia Jou winihibehehongoka?” De ona mata-mata yopaluhu ato, “Nihohonenge dika o gota isosalioaka!” De o Pilatusu waleha onangika wato, “Adodoa ho hokogea nihihuloko Unangika todiai? Mode o pareta o kia de watilakuru?” Masara ngaro hokogea ai demo ma ona yowoe-woe ka yodogo-dogoli yopoa-poaka ato, “Niwihohonenge! Niwihidapakuika dika o gota isosalioaka!”