Popular Bible Verses from Mataio 2

Share

Uiaba barot abele meta, uiaba erdali abele uerem gako abara apu Maria, a uiaba esorgiru abim; uiaba detuerare a itiru uiaba lu, ege uiaba naisuerare abim nase lu, abele gold, gako sus lipano, gako abele sus muro.

Abele kerker ge Iesu esmelu muige Bethelema Iudaia ge, abele kerker ge Heroda opole, dasmer, makoi le tabakeuare naiger pekelam Ierusalemaem, Kega, Nade abele kimiar uerem esmelu Iudaia le la Opole? abelelam keriba erdali abara uer abele naiger peke, keriba tabakeuare abi esorgiru abim.

Uiaba erdali abele uer, uiaba au sererege.

Uiabim natomertare abele peim ge Adelam uiaba nole ko bakomet Herodaim, ui ge bakeuare uiaba gedim nerute gab ge. Ui bakeuare, dasmer, abele Opole ra angela E natomertare Iosefaim abele peim ge, kega, Tekue, ma ais abele sursur uerem, gako abara apu, ua derareteder Aigupitoem, uaba emeridare kari naokaideroa kara mer marim, abelelam abele Heroda E deraimerare abele sursur uerem ko ipitare eumilu.