Popular Bible Verses from Genesis 11

Share

Nu MUHONA wa tja: “Nambano ovandu mba owo omuhoko umwe, navehe ve hungira eraka rimwe. Nu indji oyo ombutiro yovitjitwa vyawo; nambano ve ri pokuyenena okutjita atjihe tji mave vanga. Indjeye tu heruke nu tu pambauze eraka rawo kutja owo ave ha zuvasana.”

Nowo va tja: “Indjeye tu ritungire otjihuro tji ma tji kara notjiretundu tjohonga, ndji mai vaza keyuru, kokutja ena retu ririre enene nu ri tjiukwe akuhe, nokutja atu ha rimbara kombanda yehi arihe.”

Otjo opu tja rukirwa Babilon, orondu imbo MUHONA opa pambauzira eraka rovandu avehe kombanda yehi; nokuzambo MUHONA ope ve rimbira kombanda yehi arihe.

Oviwaṋa avihe kombanda yehi aavi hungire eraka rimwe nomambo yemwe.

MUHONA wa rauka pehi okutara ihi otjihuro notjiretundu ovandu mbo tji va tunga.

Nu MUHONA otje ve haṋa ne ve rimbi mehi arihe. Nowo otji va isa okutunga ihi otjihuro.