Popular Bible Verses from LUKA 5

Share

Yesu axweesanto iwa hhe'eés, Simon guri báy, «Miringamo surkuseek baraá tla/ángw tlawi, baratsufayhúng /aytisaak baraá ma'aay, siyó ku oohiindá'.»

Simon iri oó', «Aáko, gadiyér ur tina ló'wa slaaqatís xweeraawo, ala gár taa slawaán i káhh. Ala as adoosíng taa oi baratsufaay u /aytiís.» Naxés adoodá' kawa tleéhh, siyoó yaariír kuri sláy. Baratsufay'ín iri lak tsatimiít.

Ala inós siiwarkaaro in tlaatláy amór muu iwa kahhi, as iwa firór ay.

Aníng naa hardihiiká as múk hota ganaá' ateetiim, ala nina hardáh as tlakuuse iwa hhu'u'uun.»

Simon Petro adoodá' ngiwa ár, iri tumbarara'aát dír ya'aá Yesu, iri oó', «Aáko, dir'eene quútl, asma aníng a heé tlakusmo.»

Yesu giri báy, «Múk slaqoohhó' qwaslaarmo gu leelehhitiiká, ala aqo har múk tiíq.

Miringer'ín kawa dír afaá ma'áy duúx, umuúqo gaaro kay didií geexáy, inooín Yesu kway eehár.

Yesu iwa baraá gixsár wák i dirii'i baraá gixsaduudae, heé tiqtír tsatmit i deer baraadae. Inós Yesu nguwa ár, iri dirós i tumbarara'aát, guri firín iri oó', «Aáko, kuúng bar slá', i aleesleér iwa hheehhe'es.» Inós guri dakós i gan'aás, guri kwatiít iri oó', «Án a slaá', hhoohhoúw.» Hamtidár kilae tiqtirós tidár tsatmit iri hungú/.

Ala kangós iri ak tsiyaayaaxaát, boo/oó muu iri burumburiít as kuwa iiárií qamin, nee tiqtir'ín kawa hungu/uumisi.