Popular Bible Verses from Lúkási 6

Share

Gap ajū mīi o wɛ̄ɛ, á mbū epuɔ, Ndém a epiŋ ŋgyá ajú. A nɔɔ̄ŋ ŋgyáa azō á mbū ŋiŋ, ńnéŋ á ntē apa, ńtsɛ̄t tɛ á ló tɛ ŋgwhʉ̄te á esī. Efʉʼ zīi pɛ lɔkɔ efʉ̄ʼɛ azō tɛ́ ŋgyáa á mbū ŋiŋ, Ndém a a shʉʼ elɔk efʉʼ mɛ́t, tɛ́ lɔk efʉʼ azɛ́. »

Pɛ gē ezhɛ́ á leghʉ lɛ, ŋiŋ mbɔŋ a wuɔ, ńjʉ́ɔ menu mbɔŋ mīi, é fhó á ntē yí, ńtó á nchu yí. Ḿbiŋ gē ezhɛ́ á légɛ, ŋiŋ tepɔŋ a wuɔ, ńjʉ́ɔ menu tepɔŋ mīi, é fhó á ntē yí, ńtó á nchu yí. Anu zīi á toó á nchu ŋiŋ, mé tswiī ajū mīi, ŋgaŋ a á aziɛ́. »

Á gɔ́ áa lɛ, pɛ ekɔ̄ŋ megaŋ mbo pɛ́, ŋ́ghʉ̄ anu mbɔŋ á mbū pɔ́p, ḿbiŋ ŋgē efu azō á mbū ŋiŋ, pɛ é le nzwíʼtɛ ŋ́gɛ, a eshʉʼ ntsɔ́ʼ ɔ́. Pɛ ghʉɛ épúp, mbɔ Ndém a a shʉʼ eyá á mía mía ntaŋá á mbū pɛ, pɛ epiŋ eswhí á yí méŋwɛ̄t Ndém Mɔʼɔ́ wɛ yīi, á athʉ́ lephū, melaʼ mīi pɛ é ghʉ azɛ́ ndeŋ ndeŋ páʼ, a gɛ ŋghʉ̄ɛ épúp. A ghʉʉ̄ á mbɔŋɔ́ á mbū epuɔ tepɔŋ páʼā, a te zóko nzwíʼtɛ ŋ́gɛ, pɔ́ esyákne á yí í

Pɛ etsá mezeŋɛ epuɔ, ńdeŋ ndeŋ páʼ Mɔʼɔ́ wɛ Ndém, a gɛ ntsáa mezeŋɛ mɛ́ épúp.

«Ndɛ́ʼ ŋiŋ á thú alɔ́ʼ ŋiŋ tɛ mbā á yí, tɛ́ Ndém a eláʼ le azí thú. Ndɛ́ʼ pɛ elé ŋ́gɛ, ŋiŋ a á ŋgaŋ mefa, tɛ́ Ndém a eláʼ le lé ŋ́gɛ, pɛ é azɛ́ megaŋ mefa á. Pɛ elēkne mefa epuɔ, Ndém á epiŋ ndēkne emɛ́.

«Tɛ́ meŋ ké eshúŋɔ á wɛ́, pɛ pīi pɛ júʼɔ ntekné zá. Pɛ ekɔ̄ŋ megaŋ mbo pɛ́, ŋ́ghʉ̄ anu mbɔŋ á mbū epuɔ pīi, pɔ́ é si efāʼa á lewhʉ̄ wɛ. Pɛ elɔ́ ŋ́gɛ, Ndém a enéŋ mbwɛ́né á athū epuɔ pīi, pɔ́ é si nnéŋɛ ndɔ á athū pɛ. Ḿbiŋ eswíŋte ŋ́gɛ, Ndém a etsá mezeŋɛ epuɔ pīi, pɔ́ yáa á wɛ́ ŋgʉɔ̄ʼ.

Pɛ nɔŋ ŋghʉ̄ɛ azō á mbū epuɔ, á gɔ́ azi mɛ́ ghʉɛ á mbū pɛ, á pɔŋ á wɛ́.

Ŋiŋ a témɛ apū á letuúŋ wu, o ezéŋ mbēkne mmɔ̄ʼ ŋkɔʼɔ́, ŋ́gyá á mbū yí ŋ́gɛ, a epú mmakne ntém. Ŋiŋ a gɔɔ á wú, ŋ́kú nzhó efwɔ̄k ju, o epú ncʉ́ʼ, á zéŋ mmākne ezi ntē éwú, ńtswí. Mbɔɔ awɔ́ lɛ́, a lɔ́ɔ á ŋiŋ azō, ŋgaŋ á yá á yí. Ŋiŋ a piŋɛ ndɔ̄k ete tɛ́ ŋgɔ̄ ajūɔ ŋiŋ ŋkú, ŋgaŋ á tshi nnéŋ á mbū yí.

«Athʉ́ zīi mɛ́ gɛ njhʉ́ɛ, á gɔ le zém ntá zīi mɛ́ gɔ le jhʉ́ ɛ́. Ndeŋ ndeŋ épúp, athʉ́ zīi mɛ́ gɛ te njhʉ́ɛ ɛ́, á gɔ le zém ntá zīi, mɛ́ gɔ ejhʉ́ ɛ́.

Mɛ́ zhɛɛ́ athʉ́ áa ánɛ ntá zí. Mɛ́ gɛ te ŋkápa á shʉ́shhʉ́ ánɛ athʉ́ menzɔ̄ŋ ɔ́. Ḿbiŋɛ te ŋkápa levho ánɛ athʉ́ mɛfúʼ ɔ́.