Popular Bible Verses from Mefaʼ Meziŋ-ntō 9

Share

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Á tsɔ́ʼɔ ŋŋém á esī, ńjúʼ ŋghi ŋiŋ é lé á mbū yí ŋ́gɛ: «Sɔ́ɔl, Sɔ́ɔl, o lʉɔ́ʼɔ á gá ntswí akɔ̄?» Á pwɛt ŋ́gɛ: «O gɔ́ áa awɔ́ ŋkɔbé?» Ŋghi mɛ́t é pwɛt ŋ́gɛ: «Meŋ mé Yɛɛ́so yīi, o lʉɔ́ʼɔ á yí lā.

Ananias á lɛ ŋgʉ̄ɔ tɛ ŋkó á ŋgyā mɛ́t, ńzápa mbū mí á athū Sɔ́ɔl. Ńdé á mbū yí ŋ́gɛ: «Méŋ mɔ́ ga Sɔ́ɔl, Atsyapuɔ Yɛɛ́so mé tó á gá. Á Yɛɛ́so yīi, o ke jʉ́ɔ á yí á mɛnzhɛ, á afʉʼ zīi o ke nɔ̄ŋ eshʉʼɛ mé ega lā. A á tó á gá ŋ́gɛ, meŋ eshʉ̄ʼ ŋghʉ̄, o ezéŋ njʉ́ɔ ejʉʼ. Ŋ́gɛ Azwakne Ndém a ekó tɛ ndó ntē wú. » Afʉʼ mɛ́t afʉʼ mɛ́t, amɔ̄ʼ azō á lɛ efhó á menēk Sɔ́ɔl, ńzípɛ, ŋ́gɔ́ páʼ megáʼ esōh lā. Á zéŋ njʉ́ɔ ejʉʼ. Ńdū á esī, mɛ́ noʼ á yí á ntshi.