Popular Bible Verses from JOŊRE 20

Share

Də joŋre bə minti ten juunu a koŋa keɗeŋ, ten gaanaŋ dərəŋ haa minti, bə kole bə keye kaa kə caacaŋaŋ, aŋ kir ji joŋre də səɓaki bədoona gəm. Kel gə minti Barkaŋ Yeesu wəətənəy jəə la cəərəŋa ɗəkə gəm minti: ‹Tam ayaŋ karman ne a hulum, tam də waale dəŋaŋ bə minti yə ayam karman ayeŋ.›»

Katən ha'aŋ, ten jəŋ ne caw, ten jəŋ nuutu caw ba, ɗamnan ba. Kel gə ɗəman, haa gə minti ten jəə la bə əsə-isi ŋəŋ a ɗe katəna hãã a me dəna, joŋre bə minti Barkaŋ aynan dən kaasəna, ten ɗe duuru hãã bə ɗe a məlu wəra a kuɗuŋa gəm. Joŋre toŋ haa waate bə *Kel pəsaŋ kəmarwaŋ wəra cəərə pisi bə minti Pepeŋ bə jəwa sar kaŋaŋ.

Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.

Yaakaŋ máŋ hebkəna haa minti ten ayaŋ kasi Pepeŋa. Kel gə minti bə waate sam pisi bə minti wə bə jəwa sar kaŋa, yə gə nakə-neke bə amaŋ. Wə bə nakə-neke bə suŋ dər de nəətiŋa, daana bə ayaŋ kar pəsaŋ gə minti wə bə ɗukuy na a nəənəŋ, a kaayaŋ gə minti nuutu keɗeŋ.