Popular Bible Verses from Marko 6

Share

ꞌDeerka abattitiis wihi us iyidah, “Kaaleya, intoo khaawwan a iranni, ꞌdee atin laka iꞌdaaru nasa.” Jeenteti ꞌdooꞌdi yamiit ichoow ki nokhti ibuuraatuu, Yeesso ichoow ergaano ba sag icho igolossataan mele.

Yeesso ꞌdeerka wihi us icho iyidah, “Eti Waákh íyeyyeedo goobicho ka ꞌdooꞌdi uuriise ichoow yaaftiis kalday on iinkaanyitin.”

Chirri beyti Gaalilaaya afiche ka Yeesso kooban kasooyage ka, urura buure arge. Weyti uur inugleeste, a mehe ꞌdooꞌdaas a iꞌdi iiyti ersim laa. ꞌDeerka wihi ittaawenye Waakh miinsan abinnaan sookhabte.

ꞌDooꞌdoo rucchule khakkhannane us dahan korche samaache on menye, wihi weeli enenyet yeelin iubaaꞌdan intaakka yeelin ma ubaaꞌdan. Ulla girmeeste icho ikakhuufinee. Yeesso ꞌdeerka goobassi intaas kamarsan marche, Yeedi Waakh abche.

Makaateyyohi chane ichoow bahaggi lammee khaate, serey yeye, Waakh kalaꞌd ilaabe, makaateyyo la jejjebche. ꞌDeerka abattitiis idiibe, ꞌdee enenyet a gisso. Bahaggi lammee laka jejjebche icho tuumman gise. Enenyet tuumman golossate, darge. Abatti la enjel tomon ichoow lamma makaate ichoow bahaggi laajjebche lasoowaache buuhaan soosuunte.