Popular Bible Verses from Lulkavq 18

Share

Aqyu juq neema maq cov mail khaq mao iqsanl geeqlaoq hal dai, Yeiqsul aivq nail yaq laol juq bhai daoqma uqhuq daoq niil daoq nee cavq bhiq cov bhiq-a nail ngaol

Miqyail-i mail tsel dov-ai thaq nail tsaol-aq, nqkiv n-gaol maqkhaiq, aivq bhai hal haq neq, Miqyail tsaq nail daol nail lavqkhoel nee, aqyu juq nail haqbhoil maq nl bhiq ail laiq. Aivq daonq daonq ail jaol naol laiq. Ngal nul juq bhai ge lavq bhel. Aivq aqyu juq nail haqbhoil tsaq nail daol nail phaq lavqtsail mail nl bhiq naol. Thail hai ngaol-aoq, tsaol-aq nail Yaqyov yavq kha lee-u phao, miltsaq bhai, aivq bhai neema thaq tsaol nail phaq jiav nail bhai, ya moel naol laiq” dai, ge bhiq-a nail ngaol.

“Tsaol-aq yaq maq nl nia nail phaq bhai, Miqyail nl nia nail ngaol” dai, Yeiqsul aqyu juq bhai ge bhiq-a nail ngaol.

Thail hai ngaol-aoq, yalkhaq dal bhiq nail al gaq maq dal bhiq dai, tsaq dai jaol-a nail ngaol. A bhai nee ngal-aq, aivq nail neema lavqkhoel bhai niail hai noeq nail ngaol: ‘Ngal neq, Miqyail bhai maq gee sil nail nee ovqtavq, tsaol-aq yaq bhai maq ev nail teevq gaq pevq khi ngaol-aoq, miqtsiq miqma niil gaq ngaq bhai lav suq saq lal nail ngel-i mail, ngal aivq bhai tsaq nail daol nail lavqkhoel nee dal ceiv bhiq naol. Al hai maq ngel haq neq, aivq lal lal ail lav suq saq lal nail bhai bov ail bov lal-aoq nial’ dai, noeq nail ngaol.”

Ngal nul juq bhai mal dil dai, ge lavq bhel. Yaq noil khe-ai Miqyail Milkhaoq bhai maq hav bhoel nail tsaol-aq khul gaq maqkhaiq, a bhai maq ya aol lai ail” dai, ge bhiq-a nail ngaol.

Thail hai ngaol-aoq, Yeiqsul yaq laol juq bhai khul khi ge nail: “Yaq noil juq ngal jaol nail bha bhi lal yaoq. Aqyu juq bhai thaq lav tsoiq. Khul khi mail dai ngal-aq neq, Miqyail Milkhaoq neq, aqyu juq kheel yaqnoil juq bhai ovq nail ngaol.

Yeiqsul ge nail: “Moel lal yaoq. Naol ngaq bhai neema thaq tsaol nail ngel-i mail, meeq lai-a nail ngaol” dai, aivq bhai ge bhiq-a nail ngaol.

Yeiqsul ge nail: “Khul khi mail, naol ngaq bhai, meeq nail saq laq dai, khul nail-aiq. Miqyail maq ngel nail neq, meeq nail teevq gaq ail maq jaol-ail.