Popular Bible Verses from Lulkavq 17

Share

Yeiqsul gaoq ge nail: “Thul khi kovq-ail yaoq. Naol ngaq bhai neema thaq tsaol nail ngel-i mail, meeq lai-a nail ngaol” dai, Yeiqsul al gaq bhai ge bhiq-a nail ngaol.

Aivq teevq n nail lavqkhoel bhai taivq-ail sivq pov kev dai, naoq bhai nl laiq lavq khi, ‘Ngal oeqbal noeq pov naol’ dai, naoq bhai sivq pov kev daiq ge lal haq neq, naol aivq nail oeqbal ya phaiq bhiq nail ngaol” dai, ge bhiq-a nail ngaol.

Aqyu juq nail lavqkhoel khe teevq gaq, aivq meeq lal-a nail bhai heeq nia-u phao, kovq lal khi, Miqyail bhai tsiq eeq dee dee-a nail ngaol. Yeiqsul nail aqkhil daoqthaoq bhai miltsaq bhai gaol beiv-ai thaq khi, Yeiqsul bhai tsiq eeq-a nail ngaol. Tsaol-aq al gaq neq, Saq maqliv tsaol-aq ngaol.

Nul juq aqmeeq-ai yaol phaol yaoq. Naoq nail aqivq jaqbheq naoq bhai nl laiq lavq haq neq, aivq bhai mail ma-ail cavq bhiq cov bhiq yaoq. Aivq oeqbal noeq pov haq neq, aivq nail oeqbal phaiq bhiq yaoq.

Aq-u phao Yeiqsul ge nail: “Meeq lai-a nail tsaol-aq neq, tsel gaq maq ngel ail laiq. Goiq gaq neq, khaq bha ail-a nail-aiq.

Yeiqsul ge bhiq nail: “Nul juq ngaq bhai neema thaq tsaol nail phaq gaoqpavq nail aq neev dai, eeq haq neq, heeq laoq gaoq maiq aqbhaol niil bhaol bhai, ‘Naol naoq nail daoqtsail gaol khi, iqyaq iqma bhai doevq ail yaoq’ dai, ge bhiq-u phao, aqbhaol al bhaol nul juq nail daoq nal daiq nail ngaol” dai, ge kovq bhiq-a nail ngaol.

Khaq sil gaq maqkhaiq, yovqgavq nail doevq nail phaq yovqgavq bhi jel-ail dai, lai jai haq neq, yovqgavq nail doevq nail phaq sunq ail nail ngaol. Khaq sil gaq maqkhaiq, yovqgavq nail doevq nail phaq bhi sunq ail haq neq, nqmaq maqluv halyeel doevq nail phaq ya nail ngaol.

Yeiqsul aivq nail yaq laol juq bhai ge bhiq-a nail: “Yu bhai bhi nl laiq nail phaq jiav lal nail ngaol. Thail hai ngaol-aoq, yu bhai bhi nl laiq nail gaq neq, geeqlaoq aqdoil ya nail ngaol. Tsaol-aq al gaq, yaqnoil niil juq nail lavqkhoel khe teevq gaq ga nav bhai bhi nl laiq nail nee maq tsil, aivq nail leelkhaol bhai lovmav heeq ma pheethaiq khi iqyaq iqma bhai bavqpuvq ail haq neq, aivq nail haqbhoil meeq jaiq nail ngaol.

Nol-avq nail yeel bhai kev lee thel lee-a nail khe-ai, tsaol-aq nail Yaqyov nail yeel bhai iqsanl, kev lee thel lee nail ngaol. Nol-avq laovq laovq ma nail lavqkhoel bhai aol lai-u n-gaol kev dai, aqyu juq jaq nail daol nail nee ovqtavq, hevq pheel maol pheel jaq-ai haq nail ngaol. Nol-avq laovq bhai aol lai gaq-u phao, ulcuvq deq bhee lal khi, tsaol-aq iqsanl mail luq ail seil ail gil-a nail ngaol.