KECHENG KEPACHINI
KEPACHINI
Kecheng amen kepudamke ‘atiri’. Laso aloh pirthe-sining, monit akhei keplang, pap kecheng lapen pirthe athak kesung kechechaknang alam lapen monit akhei aphan Arnam kelang alamsi thanlo. Kecheng aloh ingkung-hini thakme. 1. Angdengpi 1-11 pirthe kethip lapen kechengsi monit akhei aphurkimo. Ladak Adam lapen Iv alam, Kein lapen Abel, Noah lapen langthepi, lapen Bebilon ahemchardon alam heihei tok-lo.
2. Angdengpi 12-50 Israel kechengsi aphusar atum aphurkimo. Kechengsi ke Abraham, alangli akekroithip lapen Arnam aphan alangli kekroi alam anong chethang-o. Laso aphi alangli sopo Isaak atomo lapen asupo Jakob (Israel pu ta pu), lapen Jakob asopo bangkrehini Israel akhei keseng atum-lo. Jasemet ke asopomar atum angbong inut abang Joseph aphansi pudam muchot lo, lapen Jakob aphan lapen alangli kaprek asomar, halatum ahemtun heihei pen pen Ijip adet kepadodamjisi kevan alam heihei si tok-lo.
Laso aloh rat atum atomoheihei kethan un ahut, lake kechengsi ke isi Arnam kopisi klemtangloma laso alakha lo. La kecheng ke Arnam si pirthe-sining pinchonglo pu puthip-lo, lapen Arnam arat-aso aphan chelangver po pu kechak alam pen la pajut-lo. Loh apharsoding kethenei abangphu ke Arnam, Alangli ingsai lapen kechokche keklem abangphan aduk-pilo, jalo, lapen alangli rat aphan rap-lo, lapen halatum phurkimo padolo. Laso hako aloh ketok ke isi kekroithip arat atomosi tok-pen bilo, lapen halaso akekroithip kebi pen keparengji aphansi rap-dunlo. Kecheng Aloh ketok lake Khristo Aphrang 1446-1406 aningkan malom, lapen laso aloh Moses-si tok-lo.
Athepi Alamthe Hei Hei
Sining-pirthe lapen monit keplang 1.1—2.25
Pap kecheng lapen kesung 3.1-24
Adam lapen Noah an 4.1—5.32
Noah lapen langthepi 6.1—10.32
Bebilon ahemchardon 11.1-9
Phusar atum: Abraham, Isaak, Jakob 12.1—35.29
Iso aso-asu 36.1-43
Joseph lapen akorte atum 37.1—45.28
Israel atum Ijip adet along 46.1—50.26
Karbi Holy Bible © Bible Society of India, 2010.
Used by permission. All rights reserved worldwide.