Takwiin 5
5
Al-zurriiye min Adam lahaddi Nooh
1Daahu kitaab zurriiyit Adam. Yoom al-Rabb khalag al-insaan, hu khalagah fi suurtah. 2Raajil wa mara, hu khalagaahum wa baarakaahum wa sammaahum insaan min yoom al-hu khalagaahum.
3Wakit Adam indah 130 sana, wilid wileed al-yichaabihah wa fi suurtah. Wa sammaah Chiit. 4Baʼad waaluudit Chiit, Adam aach battaan 800 sana wa wilid awlaad wa banaat aakhariin. 5Wa maat fi umur hana 930 sana.
6Wakit Chiit indah 105 sana, wilid Anuuch. 7Wa baʼad waaluudit Anuuch, Chiit aach battaan 807 sana wa wilid awlaad wa banaat aakhariin. 8Wa maat fi umur hana 912 sana.
9Wakit Anuuch indah 90 sana, wilid Khinaan. 10Wa baʼad waaluudit Khinaan, Anuuch aach battaan 815 sana wa wilid awlaad wa banaat aakhariin. 11Wa maat fi umur hana 905 sana.
12Wakit Khinaan indah 70 sana, wilid Mahlaliil. 13Wa baʼad waaluudit Mahlaliil, Khinaan aach battaan 840 sana wa wilid awlaad wa banaat aakhariin. 14Wa maat fi umur hana 910 sana.
15Wakit Mahlaliil indah 65 sana, wilid Yaarad. 16Wa baʼad waaluudit Yaarad, Mahlaliil aach battaan 830 sana wa wilid awlaad wa banaat aakhariin. 17Wa maat fi umur hana 895 sana.
18Wakit Yaarad indah 162 sana, wilid Akhnuukh. 19Wa baʼad waaluudit Akhnuukh, Yaarad aach battaan 800 sana wa wilid awlaad wa banaat aakhariin. 20Wa maat fi umur hana 962 sana.
21Wakit Akhnuukh indah 65 sana, wilid Matuuchalah. 22Wa baʼad waaluudit Matuuchalah kula, Akhnuukh gaaʼid yitaabiʼ derib al-Rabb lahaddi 300 sana wa wilid awlaad wa banaat aakhariin. 23Wa Akhnuukh aach 365 sana. 24Wa Akhnuukh taabaʼ derib al-Rabb wa baʼad da, bigi ma fiih achaan al-Rabb rafaʼah.
25Wakit Matuuchalah indah 187 sana, wilid Laamak. 26Baʼad waaluudit Laamak, Matuuchalah aach battaan 782 sana wa wilid awlaad wa banaat aakhariin. 27Wa maat fi umur hana 969 sana.
28Wakit Laamak indah 182 sana, wilid wileed. 29Wa sammaah Nooh wa gaal : «Da l-wileed al-yisabbirna min taʼab al-khidme al-lihigna min yoom Allah laʼan al-turaab.» 30Wa baʼad waaluudit Nooh, Laamak aach battaan 595 sana wa wilid awlaad wa banaat aakhariin. 31Wa maat fi umur hana 777 sana.
32Wakit Nooh indah 500 sana, hu wilid talaata awlaad wa humman Saam wa Haam wa Yaafas.
Arabe tchadien (alphabet latin) Bible © Alliance Biblique du Tchad, 2019.
