Lukasa 8:47-48

De ma ngofeka gea mamake abe o Yesusu womihiorikoka ho momahitigino Unangino masara ami badanga ifa-fafara ma titi ami hawana. De momahitigino de momamotumuku ai himangoka, de genangoka o nyawa mata-mata manga hima-himangoka de momahitararono abe ma titi ami kangela hokokia hiadono miso o Yesusu ai bajuika gea, de abe hokokia duru ma oraha misoika de motogumoka. De o Yesusu womitemo munangika wato, “Ngohi ora, ma titi ani ngongakuino hiadono naa ngona notogumoka. Ho ngaro ka nolio de ani hininga ma miriidi.”