BOTHUBO Kilethitsa
Kilethitsa
Bothubo kiqi ye ‘abothu.’ Kaku hipau lo tsütsü yeghi, inahuu timi jeli, axine hukuthu, ayeghiqha lo aghime eno Alhou no kishi timi jeli sasü küptsa nike alaghi jeli khaqhitsü keno tipa ghiliqo yetsü keu kaku ke. Bothubo kaku hipau ye koküpha kini likhi shiluvi:
1. Akiyedo 1-11: Ayeghiqha lhokeu eno inahuu timi shiye jeli xüghili. Hipau koküpha lono Alhou no Adam ngo Eve, Cain ngo Abel, Noah lono wo azü no yimive keu eno Babel tupikiye kuto.
2. Akiyedo 12-50: Inahuu Israelmi puasü xüghili. Atüghüu, Abraham khuu Alhou lau aghokulu shino pa küpülü ghenguno ajekipi shilu keno pa ghili. Tipa shelo pa nu Isaac eno Jacob (Israel ghi kucheni) tianuli, eno Jacob nuli chighikini, alagha chighikini hukuthu shiluve keqo. Anuliqo gholo Joseph ghili eno Jacob no pa nuli ngo pano kibolomi sasü Egypt lo xüwuve keu ghili.
Kaku hipau lono timi ghili atüghüu eno akhotoshi pitsü akeu ye Alhou no kiu mla keno tipau ghiliu no akhoto shi pitsü keu ani. Alhou no tsütsü yeghi lhokeu ghili no huthu no ashekha loye Alhou no Paw timi ghenguno alokümsü akeu no kishekha ani. Kaku kupuju lo aghili akhotou ye Alhou no akipimi shivekeqo lau kishi xathabe eno ghime cheni, kishi saphe eno Paw timi kuphu tsüno panongu xüghili tuchophe tsü keno tipau ghili ani. Mulho kaku hipau ye timi amqo lakhiw pülütho küpasü keu eno pülütho tipau kishi püxülu amasa keno tipaqo ghili yetsü keu ke.
Kaku kimji: Alhou no pulhosü tsükeu yeghiqha ghili yekithi keu eno Alhou kupulo ye timi kütashi qhino Pa mlla peniye ke.
Khuu no ye kea: Moses.
Khuno lau ye kea: Israelmi.
Kughono ye kea: B.C. 1450-1410.
The Bible Society of India
© 2023, Used by permission. All rights reserved. More