ÂTHAONA 3
3
Chyhsapa Paona
1 #
Biep 12.9; 20.2 Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta. 2Chanô ta parih hnohta, “Sadô liata tho theipazy he eima nie thei khai. 3Châhrasala Khazohpa ta, ‘Sadô liah liata tho a ypa thei deikua cha, nama nie awpa châ vei, hria chhao nama hria awpa châ vei. Chataleipatala nama thi aw,’ miah a tah,” tah ta. 4Parih ta chanô hnohta, “Thi tiarâh aw veih ei chi. 5Nama nie noh ta nama mo vaw pavâ aw ta, chhie nata pha pahnopa ta Khazohpa hawhta nama vaw châ ha aw tahpa Khazohpa ta a pahnopa vâta a châ chuh,” tah ta. 6Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta. 7Ama pano ta ama mo vaw pavâ ta, thluahruapa ama châpa a vaw pahno ei ta, theiku hnazy bieh ei ta, chysia ta a tao ei ta.
8Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta. 9Zehôvâh Khazohpa ta Âdâh cha aw ta, “Khataih liata na y?” tah ta. 10Ano ta, “Sadô liata na pyu thei na ta, thluahruapa ta ei ypa vâta chi na ta, ei nyu haw,” tah ta. 11Khazohpa ta, “Thluahruapa ta na ypa cha ahy ma châ chho? Tho thei nie lei awpa ta bie ei cha piepa kha nie ha khiah chi?” tah ta. 12Âdâh ta, “Na ylâh awpa ta chanô eina piepa chi khata, tho thei cha na pie ta, ei nie haw,” tah ta. 13#2 Kaw 11.3; 1 Tim 2.14Zehôvâh Khazohpa ta chanô hnohta, “Khazia he hmo he na tao?” tah ta. Chanô ta, “Parih ta na dôvei ta, ei nie haw,” tah ta.
Khazohpa hriena
14Zehôvâh Khazohpa ta parih hnohta,
“He hmo na taopa vâta,
Osa nata râhsa zydua hlâta,
Chhiesa pachaipa na châ aw;
Na py ta a lyh aw chi ta,
Na hro chhôh zydua ta dohlei na nie aw.
15 #
Biep 12.17
Nâ nata chanô likah liata,
Akhakhaina paysa aw na ta,
Na pathla nata a pathla chhao amâ khakhai aw.
Ano ta na luh cha pakei aw ta,
Nâ ta a phei ngavâhmaothy thi na padôsa aw,”
tah ta.
16Chanô hnohta,
“Sawphaona liata na rietheina thata papôh aw na ta,
Riethei pasa ngaitapa ta saw na sa aw.
Na khona cha na vahpa châta châ aw ta,
Ano ta na chô liata bie a hnei aw,”
tah ta.
17 #
Heb 6.8
Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta,
“Nâma vâta chhaohlei he chhiesapa ta y ha ta,
Na hro chhôh zydua ta riethei taopa ta,
Chhaohlei thei na nie aw.
18Chhaohlei ta ahloh nata diahsaizy cha papuapa aw ta,
Lyu liata chicheipazy na nie aw.
19Chhaohlei ta taopa châ chi ta,
Chhaohlei lâ na kua heih hlâlei cha,
Na hmia mathlai lohpa ta nie nâ hmô aw.
Dohlei châ chi ta,
Dohlei lâ na kua heih aw,”
tah ta.
20Âdâh#3.20 “Âdâh” tahpa cha “chyhsapa” tahna châ ta, Hebrai reih yzie liata cha, “alei” tahna tlyma, “alei saihpa” tahna tlyma a châ. ta a lapinô cha, hmohrohneipa zydua nô a châpa vâta, a moh ta Evâ#3.20 “Evâ” tahpa cha “ahrohpa, hrona pietuhpa” tahna châ ta, he he Hebrai nata Krikâh reihzy liata a parozie a châ. a bi. 21Zehôvâh Khazohpa ta Âdâh nata a lapinô châta savo chysia taopa ta, a pakysa ei.
Âdâh nata Evâ sadô tawhta papuapa ama châ
22 #
Biep 22.14
Zehôvâh Khazohpa ta, “Moh teh u, chyhsapa cha chhie nata pha pahnona hneipa ta keimo hry liata pakha hawh tlai ta a vaw châ ha hih! A ku ta hrona tho chhao pazapa ta nie aw ta, tlyzaw ta a hroh pathlei aw na,” tah ta. 23Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw. 24Chyhsapa a papua khai tawhta, hrona tho lâpi vaih awpa ta, cherubizy nata meipaleih zaozi a pahieh ngâpa cha, Idâh sadô nochhi lâta soh ha ta.
The Bible Society of India
© 2023, Used by permission. All rights reserved.
