Mataio 1
1
Iesu Keriso ve ueri mileri ve rare rare
(Luka 3:23–38)
1Iesu Keriso ve ueri mileri ve rare rare meha: are Davida ve atute, Abrahama ve atute.
2Abrahama Isako la epōpe; Isako Iakobo la epōpe; Iakobo Iuda areve maraiosu ita la epaiape; 3Iuda Perese auka Sera ita la epōpe Tamara ve ére voa; Perese Heserono la epōpe; Heserono Rama la epōpe; 4Rama Aminadaba la epōpe; Aminadaba Nasono la epōpe; Nasono Salamono la epōpe; 5Salamono Boasa la epōpe Rahaba ve ére voa; Boasa Obede la epōpe Ruta ve ére voa; Obede Iese la epōpe; 6Iese King Davida la epōpe.
Davida Solomono la epōpe, Uria ve ua ve ére voa; 7Solomono Rehoboama la epōpe; Rehoboama Abiia la epōpe; Abiia Asa la epōpe; 8Asa Iehosafata la epōpe; Iehosafata Iorama la epōpe; Iorama Usia la epōpe; 9Usia Iotama la epōpe; Iotama Ahasa la epōpe; Ahasa Hesekia la epōpe; 10Hesekia Manase la epōpe; Manase Amono la epōpe; Amono Iosia la epōpe; 11Iosia Iekonia areve maraiosu ita la epaiape, Iuda karu la fasi Babulono voa lariōvi kavōpe soa voa.#2 King 24:14–15; 2 Basil 36:10; Iere 27:20
12Babulono voa karu la fasi lariōvi kavōpe soa ve aite voa, Iekonia Sealtiele la epōpe; Sealtiele Serubabele la epōpe; 13Serubabele Abiudu la epōpe; Abiudu Eliakimi la epōpe; Eliakimi Asoro la epōpe; 14Asoro Sadoko la epōpe; Sadoko Akimi la epōpe; Akimi Eliudu la epōpe; 15Eliudu Eleasara la epōpe; Eleasara Matana la epōpe; Matana Iakobo la epōpe; 16Iakobo Iosefa, Maria ve vita, la epōpe; Maria sa Iesu, Keriso rare oita lea vita la epōpe.
17Soka ueri mileri taotao asease foromai soa Abrahama soa Davida voa fourteen reha; aea soa Davida soa karu la fasi Babulono voa lariōvi kavōpe soa taotao asease ta fourteen reha; aea soa karu la fasi Babulono voa lariōvi kavōpe, soa Keriso sa forerōpe soa taotao asease ta fourteen reha.
Iesu la epōpe
(Luka 2:1–7)
18Iesu Keriso la epōpe mai mōfeare leipe: areve lou Maria vei Iosefa sa maea etau miōri roroka lei, ereuka topiarai auke leipe soa voa, Maria ére Safu Arahoha Lareva voa ovōpe.#Luk 1:27 19Areve vita Iosefa ipi are haiiri haura karu, a—, are arero lei maeamariti leiti haikaeai auke lei, are arero kiripai vei haiiri murufa seseōvōpe. 20Haiiri lōri seseōvōpe soa, are auka paea, Papuvita ve aneru arero tai foreri mō ōpe, Iosefa, Davida ve atute e, ave ua Maria la laeai vei tore levi leitia, ipi areve ére iri ve etau Arahoha Lareva sa miarai. 21Are atute la epi, a sa areve rare Iesu la aravai roi, ipi are areve karu la ereve iri kaiae voa fareōvi lei makuri leiti roi.#Luk 1:31
22Mea etau foromai forerai ve ipi Papuvita ve o peroveta karu ve ape sa moipe mea o la lei okofa leiti vei:
23Ofae eavaia, morihōva ére ovi, atute la epai roi;
aea areve rare Emanuele la aravai roi.
Lea rare ve eite, Ualare ereita ita fareho pea.#Isa 7:14
24Soka Iosefa ivutu ea itei, Papuvita ve aneru sa moipe lea o feare are mai lōri leipe; are areve ua la laea, 25a—, areve maea la ore leiti auke ita tetete are atute la epōpe; aea Iosefa lea atute rare Iesu la aravōpe.#Luk 2:21
Published by the Bible Society of Papua New Guinea in 1983.
