HLIMI 5
5
Tokpɔɔ yegee mà kpe Adan na fɔ mà bâ sun Nowe na
1Adan wi kluʔu pii pé bee: Wlɛʔɛ ga na Nyɛʔɛlɛ li dá hɛɛn hanri be, li da pé hanri li lɛgɛ na. 2Li da pé hanri naŋa nì, cɛlɛ nì, mà frɛmɛ pa pé na mà yele kan pé na na pe yeri hɛɛn mà kpe wlɛʔɛ ga na li dá pe hanri ge.
3Adan wi da gâ yɛʔɛ́ too noli ní kprɔʔɔ ta we kɔ, wɔ̀ɔ pyɔ wà he nabii. Ki pyɔ wɔ̀ɔ wi lɛ́ ceŋge. Wɔ̀ɔ yele kan wí na noo yeri Sɛti. 4Sɛti wi heme kruʔu ma, Adan wɔ̀ɔ lɛ mà yɛʔɛ́ saa ticɛrɛ ta mà ná pii pèè he nɛ nabii ní, cɛɛ ní. 5Adan pɔɔ da gâ yɛʔɛ́ saa ticɛrɛ ní too noli ní kprɔʔɔ kɔ, wɔ̀ɔ ku.
6Sɛti wi yɛʔɛ́ too kɔgunnu ní yɛʔɛ́ kɔgunnu wolo na, wɔ̀ɔ pyɔ wà he nabii noo yeri Enose. 7Enose wi heme kruʔu ma Sɛti wɔ̀ɔ lɛ mà yɛʔɛ́ saa ticɛrɛ ní yɛʔɛ́ nasyɛn ta mà pii pèè he nabii ní, cɛɛ ní. 8Wi da gâ lɛ mâ yɛʔɛ́ saa ticɛrɛ ní too kɔgunnu ní kprɔʔɔ ní yɛʔɛ́ syɛn ta kɔ, wɔ̀ɔ ku.
9Enose wi da gâ da yɛʔɛ́ too ticɛrɛ ní kprɔʔɔ, wɔ̀ɔ pyɔ wà he nabii noo yeri Kena. 10Kena wi heme kruʔu ma, Enose wɔ̀ɔ lɛ mà ta yɛʔɛ́ saa ticɛrɛ ní yɛʔɛ́ kɛ̂ mà kɛ̀ kɔgunnu mà ná pii pèè he nabii ní cɛɛ ní 11Wi da gâ da yɛʔɛ́ saa ticɛrɛ ní too kɔgunnu ní yɛʔɛ́ kɔgunnu, wɔ̀ɔ ku.
12Kena wi gá bâ da yɛʔɛ́ too tanri ní kprɔʔɔ, wɔ̀ɔ pyɔ wa he nabii noo yeri Malaleyɛli. 13Malaleyɛli wi heme kruʔu ma, Kena wɔ̀ɔ ta yɛʔɛ́ saa ticɛrɛ ní too syɛn mà ná pii pèè he nabii ní cɛɛ ní. 14Wi da gâ lɛ mâ ta yɛʔɛ́ saa ticɛrɛ ní too kɔgunnu ní kprɔʔɔ, wɔ̀ɔ ku.
15Malaleyɛli wi yɛʔɛ́ too tanri ní yɛʔɛ́ kɔgunnu wolo na, wɔ̀ɔ pyɔ wà he nabii noo yeri Yerɛde. 16Yerɛde wi heme kruʔu ma, Malaleyɛli wɔ̀ɔ lɛ mà ta yɛʔɛ́ saa ticɛrɛ ní fonɛrɛ mà kɛ̀ kɛ̂ mà pii pèè he nabii ní, cɛɛ ní. 17Wi da gâ lɛ mâ ta yɛʔɛ́ saa ticɛrɛ ní too ticɛrɛ ní kprɔʔɔ ní yɛʔɛ́ kɔgunnu, wɔ̀ɔ ku.
18Yerɛde wi yɛʔɛ́ too natanri ní yɛʔɛ́ syɛn wolo na, wɔ̀ɔ pyɔ wà he nabii noo yeri Enoke. 19Enoke wi heme kruʔu ma, Yerɛde wɔ̀ɔ ta yɛʔɛ́ saa ticɛrɛ mà ná pii pèè he nabii ní cɛɛ ní. 20Wi da gâ lɛ mâ ta yɛʔɛ́ saa ticɛrɛ ní too natanri ní yɛʔɛ́ syɛn, wɔ̀ɔ ku.
21Enoke wi dá da yɛʔɛ́ too tanri ní yɛʔɛ́ kɔgunnu mà pyɔ wà he nabii noo yeri Matusalɛmu. 22Matusalɛmu wi heme kruʔu ma, Enoke wɔ̀ɔ na tanri teme na Nyɛʔɛlɛ ní le ma ta yɛʔɛ́ saakere ní too kɔgunnu. Wɔ̀ɔ ní mà pii pèè he nɛ nabii ní cɛɛ ní. 23Wi nyuwyeʔe kì bɛfu ki dá bo yɛʔɛ́ saakere ní too natanri ní yɛʔɛ́ kɔgunnu. 24Wi dá wi nyuwyeʔe hanri teme na Nyɛʔɛlɛ ní le. Ki kruʔu ma, wɔ̀ɔ bâ bunŋu, mɛjɛn Nyɛʔɛlɛ li dɔɔ́ kpe. Wɔ̀ɔ yâ bo wa li tanla.#5:24 ma wèle wa Ebr 11:5; Jude 14 ni wè.
25Matusalɛmu wi da gâ yɛʔɛ́ too nacɛrɛ ní yɛʔɛ́ nasyɛn ta kɔ wɔ̀ɔ pyɔ wà he nabii mà noo yeri Lemɛki. 26Lemɛki wi heme kruʔu ma, Matusalɛmu wɔ̀ɔ ní mà yɛʔɛ́ saa tanri ní too nacɛrɛ ní yɛʔɛ́ syɛn ta nɛ.
Ki kruʔu ma wɔ̀ɔ ní mà pii pèè he nabii ní cɛɛ ní. 27Wi da gâ lɛ mâ ta yɛʔɛ́ saa ticɛrɛ ní too natanri ní yɛʔɛ́ nacɛrɛ, wɔ̀ɔ ku.
28Lemɛki wi yɛʔɛ́ too nacɛrɛ ní yɛʔɛ́ syɛnwolo na, wɔ̀ɔ pyɔ wà he nabii, 29wɔ̀ɔ noo yeri Nowe. Wi dáa ki nyu mà yo: «Ki woo ŋa wí bi ba wo fɛn bì wò teʔe laʔa wo na ga wó na taʔa wa wò tunŋu kì bɛfu ni naʔa tra da na Bajegɔ Nyɛʔɛlɛ lí ma danŋa ge.» 30Nowe wi heme kruʔu ma Lemɛki wɔ̀ɔ ní ma ta nɛ yɛʔɛ́ saa syɛn ní too nacɛrɛ ní kprɔʔɔ ní yɛʔɛ́ kɔgunnu mà pii pèè he nabii ní, cɛɛ ní. 31Lemɛki wi da gâ lɛ mâ ta yɛʔɛ́ saa tanri ní too natanri ní kprɔʔɔ ní yɛʔɛ́ nasyɛn, wɔ̀ɔ ku.
32Nowe wi dá da yɛʔɛ́ saa syɛn ní too kɔgunnu mà ná pii nabii tanri he. Pé bee: Sɛmu nì, Syamu nì, ní Jafɛte nì.
Bible Society of Côte d'Ivoire
