MATTHEO 13
13
(73)
1Hidjoledjo Siku Yesu aHumi enDlwini, aThsamisa hafuhi niliKhulu. 2BaBhuthsana kuYene la’bakuTala, aKota aHingena eBjathswini, aThsama; abHanu Hikwabu baYima hiSaba. 3AbaBjela e’wsiNyingi hiwsiFananisu, aku,
“Labisani! amuXubi aHumi ayaXuba: 4kutani, ekuXubeni kwaKe, wsigNwani wsiWa enDleleni, kuTlhasa atiNyonywani tiwsiDa: 5wsiGnwani wsiWa emimBangwini yamaBje, lanu mingeke kone amiSaba le’yakuTala: wsiHatlisa kuMila, hikusa wsinge namiSaba le’yakuYeta: 6kuku, loku djiHumi Dambu, wsiHisiwa; kutani, h’ewsi wsingaku namiThsu, wsiBhuna. 7WsiGnwani wsiWa exikahsi kamaHlwehlwa: amaHlewehlwa maMila, mawsiKamanyeta: 8wsiGnwani wsiWa emiSabeni le’yaHombe, wsiTwsala amHandu, axiGnwani xiBheleka haDzani, axiGnwani xiBheleka hanTlhanu wamaKhume naKhumi djiGnwi, axiGnwani xiBheleka hamaKhume maHsahsu.
9Yene lw’aka nitinDlebe aaYingele.”
(74)
10Badondisiwa baTlhasa, baku kuYene,
“Xana uKhanelela Yini kuBone hiwsiFananisu na?”
11AYangula, aku kuBone,
“Nini niHananiwili akuTiba awsamBuso waTilu, kambi Bone abaHananiwanga. 12Hikusa lwe’mHunu nilweyo lw’aka naWsu, ataHananiwa, aKota aTatisiseliwa: kambi lw’aPfumalaku ataSuseliwa naWsone ewsi aka naWsu. 13Hakoneke ndiHlaya kuBone hiwsiFananisu: ewsakuba, nambi baBona, bangaBonisisi, nambi baYingela, banga Yingelisisi, bangaPimisisi.
14WsiTatisekili kuBone e’wsingaHsehsiwa hiIsaya, aku,
‘AkuYingela, nitaYingela ningaPimisisi; aku‐Bona, nitaBona, ningaBonisisi:
15hikusa amBilu yalaba bHanu yiNonisiwili, atinDlebe taBu taHlwela ekuYingeleni, amaHlu yaBu bamaPfalili;
Suka baTxhuka baBonisisa himaHlu yaBu, baYingelisisa hitinDlebe taBu,
baPimisisa himBilu yaBu,
batlhela baNduluka,
ndibaHanyisa’ (Is 6:9, 10).
16Kambi ma niThomo maHlu yEnu, hikusa maBona: nitinDlebe tEnu, hikusa taYingela. 17Hikusa ndiHlela mfuhsi, ndiHla’ kuNini, AbaProfeta la’baNyingi, ni la’baHombe, baDjuli kuBona ewsi niwsiBonaku, kambi abawsiBonanga; nikuYingela ewsi niwsiYingelaku, kambi abawsiYingelanga.
18Yingelani axiFananisu xamuXubi. 19Loko mHunu aYingela amaDjiti yamBuso, angadjiPimisisi, kaTlhasa lwe’mFani aWutla e’wsingaXubiwa emBilwini yaKe. HiWsone e’wsingaXubiwa enDleleni. 20Yene lw’angaXubeliwa ehenhla kamaBje, hiYene lw’aYingelaku amaDjiti, aHatlisa akumaTekelela hikuThsaba; 21kambi haWsake aka namuThsu, kambi aThsamisa anKamanyana: kutani, loko kuTumbuluka akuHlupeka, kumbi akuXaniseka hinKonta yalawo maDjiti, aHangwesa kuGhighisekisiwa. 22Yene lw’angaXubeliwa exiKahsi kamaHlwehlwa hiYene lw’aYingelaku amaDjiti: kutani akuKahsata kanKama lowu, nikuKanganyisa katinHlengwa, wsiKamanyeta amaDjiti, maNduluka mangaBi namHandu. 23Yene lw’angaXubeliwa emiSabeni le’yaHombe, hiYene lw’aYingelaku amaDjiti, amaPimisa; lw’aBhelekaku amHandu kunene, kuBa lweyo aBheleka haDzani, nilweyo aBheleka hanTlhanu wamaKhume naKhumi djiGnwi, nilweyo aBheleka hamaKhume maHsahsu.”
(75)
24Abahumexeli nixiGnwani xiFananisu aku,
“AmBuso waTilu wuFananisiwa nimHunu lw’angaXuba amBewu le’yaHombe enSignwini yaKe: 25kambi, loko abHanu baYetlelili, aNala waKe aTlhasa, aXuba aliHungu exiKahsi kamaBele, aMuka. 26Kambi, loko pfa maMilili amaBele, liBoneka kolaho niliHungu. 27Kutani, wsiKalawa wsagnwInyi wsiTlhasa, wsiku kuYene.
‘GnwInyi, xana auXubanga amBewu le’yaHombe enSignwini yaKu na? AliHungu loli yika naLu lipfa kwini na?’
28Aku kuBone, ‘Nala aYentxi lewsi.’
WsiKalawa wsiku kuyene, Xana waDjula ewsaku hiFamba hiliWolela, na?’
29Kambi aku, ‘Ihi: Suka loko niWolela aliHungu, niThsimula naWone amaBele. 30WsiThsikani, wsiMila mBangumugnwe kuKo’kuTxhobiwa; kutani, enKameni wakuTxhoba, nditaHlaya kubaTxhobi, ndikn, Sungulani niWolela aliHuhungu, niliThsimba tiNyanda, niliHisa: kambi Wolelani amaBele exiThsangeni xaNga.’ ”
(76)
31Wabahumexela axiGnwani xiFananisu, aku,
“AmBuso waTilu wuFananisiwa ninHleke yamBewu yaSinapi, leyi mHunu angayiTeka, ayiBjala enSignwini yaKe: 32le’yiTlulaku atimBewu Hikwatu hibuThsongo; kambi loko yiMilili, yiTlula aBjanyi, yiNduluka yiBa muHsi, akuba atinNyonywani e’tiHahaku tiTa tiThsamisa etinKambjini taWone.”
(77)
33Wababjela nixignwani xiFananisu, aku,
“AmBuso waTilu wuFananisiwa niHandelo, leyi awanSati ayiTekiki, ayiPeta nimaPa yamimPimu miHsahsu, maKo’ maKukumuka Hikwau.”
(78)
34Le’mintxhumu Hikwayu Yesu abaBjela abHanu hiwsiFananisu; angaHlayanga nTxhumu kuBone ehandli kaxiFananisu: 35ewsakuba wsiTatiseka e’wsiHlayiwiki himProfeta, ewsaku,
“NditaPfula aNomu waNga ewsiFananiswini, nditaKhanela e’wsiFihliwiki kehe lanu mingaTumbulukeli amiSaba” (Dav 78:2).
(79)
36Kutani aSiyi abHanu, aHingena enDlwini: abaDondisiwa baTlhasa kuYene, baku,
“HiTlamuxele axiFananisu xaliHungu lo’lik’enSignwini.”
37AYangula, aku,
“Yene lw’aXubaku amBewu le’yaHombe u gnwAna‐wamHunu; 38anSimu dji Tiku; amBewu le’yaHombe ba bAna bamBuso; aliHungu ba bAna balwe’mFani: 39aNala lw’aliXubaku i Satana; anKama wakuTxhoba i maGamu yaminKama; abaTxhobi ti tinGelosi. 40Wsanga h’ewsi liHungu liWoleliwa, liHisiwa hinDilu, wsitaBa tanu emagagnwini yaminKama. 41GnwAna‐wamHunu ataHsumetela atinGelosi take, titaWolela tiSusa emBusweni waKe Hikwawsu e’wsiGhighisekisaku, nila’baYentxaku e’wsakuBhiha. 42tiwsiLahla emaBhingwini yanDilu: kutaBa kone akuDjila nikuKethsela kamEno.
43Hilowo nKama la’baLungiki bataBoneka wsanga hiDambu emBusweni wakaHsohswabu.
Yene lw’aka nitinDlebe, aaYingele.
(80)
44Kutani, amBuso waTilu wuFanana ninHlengwe, lo’wuFihliwiki enSignwini; lo’mHunu awuKumili, awuFihla; kutani hikuThsaba kwaKe, aFamba ayaXabisa Hikwawsu ewsi aka naWsu, aXaba leyo nSimu.
(81)
45Kutani, amBuso waTilu wuFana nimHunu lw’aka, muXabisi, lw’aDjulaku amaParela yatinKatla la’yaHombe: 46lw’angaku, naKumili aParela djiGnwi le’djaLisima lo’liKulu, aFamba ayaXabisa Hikwawsu ewsi aka naWsu, adjiXaba.
(82)
47Kutani amBuso waTilu wuFana ni nKukutu, lo’wuTxhukumeteliwiki eliKhulwini, wuPhasela atinHlobo Hikwatu, 48lowu, loku wuTalili, bawuKoketiki ehandli eSabeni; kutani baThsamisa, baWolela le’taHombe eminTxhaveni, kambi baTxhukumeta le’tiFani.
49WsitaBa tanu emaGagnwini yanKama lowu; atinGelosi titaHuma, tiThsabukanyisa la’baFani kula’baHombe, 50tibaTxhukumetela emaBhingwini yanDilu: kutaBa kone lanu akuDjila nikuKethsela kamEno.”
(83)
51“Xana Nini niPimisisili lewsi Hikwawsu na?”
Baku kuYene, “HiWsone.”
52Kutani aku kuBone,
“Hakoneke lwe’nThsali nilweyo, lw’aYentxisiwiki aBa muDondisiwa wamBuso waTilu, uFana nimHunu lw’aka gnwInyi‐yinDlu, lw’aHumexaku enHlengwini yaKe ewsiNtwsa xikagnwe n’ewsaKhali.”
(84)
53Kati, loko Yesu aHeti lewsi wsiFananisu Hikwawsu, aSuki lanu. 54Kutani, loko aTlhasi eTikwini djaKwabu, abaDondisa enDlwini yaBu yakuHsehsa, baKota baNkensa, baku.
“Xana lwe’mHunu, abuTlhali lobu, niminTamu leyi, wsiPfa kwini kuYene na? 55Xana, ahi gnwAna wamuBatli na? Xana agnwAke, akaTxhuliwi ewsaku hiMaria na? nibaMakwabu, ahi Yakobo, naYosefo, naSimone, naYuda, na? 56nibaMakwabu bababaSati, aba kone eKwehsu na? wsiPfa kwini kuYene leyi minTxhumu Hikwayu na?”
57Kutani baGhighisekisiwa haYene. Kambi Yesu aku kuBone.
“AmProfeta akaPfumali liDumu, loku kungaBi eTikwini djaKwabu, n’enDlwini yaKwabu.”
58Kutani angaYentxanga amiTihsu le’miNyingi yanTamu lanu hinKonta yakuBa bangaBanga nakuKholwa.
First published by the Society for Promoting Christian Knowledge (SPCK) 1911.
