ԾՆՈՒՆԴՔ Գլուխ ԺԵ

Գլուխ ԺԵ

1 Յետ բանիցս այսոցիկ եղեւ բան Տեառն առ Աբրամ ի տեսլեան, եւ ասէ. Մի՛ երկնչիր, Աբրամ, ես #15։1 Եբր. վահանվերակացու եղէց քեզ, եւ վարձք քո բազում եղիցին յոյժ։ 2Եւ ասէ Աբրամ. Տէր, Տէր, զի՞նչ արասցես ինձ, զի ես կորնչիմ անորդի, եւ #15։2 Եբր. ժառանգ տան իմոյորդի Մասեկայ ընդոծնի իմոյ, այն՝՝ է Եղիազար Դամասկացի։ 3Եւ ասէ Աբրամ. Որովհետեւ ինձ ոչ ետուր զաւակ, ընդոծինն իմ ժառանգեսցէ զիս։ 4Եւ վաղվաղակի ձայն #15։4 Եբր. ՏեառնԱստուծոյ եղեւ առ նա եւ ասէ. Ոչ ժառանգեսցէ զքեզ դա, այլ որ ելանէն ի քէն՝ նա ժառանգեսցէ զքեզ։ 5Եւ եհան զնա արտաքս եւ ասէ ցնա. Հայեաց ընդ երկինս, եւ թուեա զաստեղս, եթէ կարասցես թուել զնոսա. եւ ասէ ցնա. Այնպէս եղիցի զաւակ քո։ 6Եւ հաւատաց #15։6 Եբր. ի ՏէրԱբրամ Աստուծոյ՝՝, եւ համարեցաւ նմա յարդարութիւն։

7Եւ ասէ ցնա. Ես եմ Տէր #15։7 ՅԵբր. պակասէԱստուած քո՝՝, որ հանի զքեզ #15։7 Եբր. յՈւրէյաշխարհէն Քաղդեացւոց, տալ քեզ զերկիրդ զայդ ի ժառանգութիւն։ 8Եւ ասէ Աբրամ. Տէր, Տէր, ի՞ւ գիտացից թէ ժառանգիցեմ զսա։ 9Եւ ասէ ցնա. Առ դու ինձ երինջ երեմեան եւ քօշ երեմեան եւ խոյ երեմեան, եւ տատրակ եւ աղաւնի։ 10Եւ առ զամենայն զայն, եւ յօշեաց զնոսա ընդ մէջ, եւ եդ զնոսա դէմ ընդ դէմ միմեանց. եւ զթռչունսն ոչ յօշեաց։ 11Եւ իջանէին թռչունք ի վերայ յօշելոյ անդամաթուին նոցա. եւ #15։11 Եբր. վանէր զնոսանստէր առ նոքօք՝՝ Աբրամ։ 12Եւ մօտ ընդ մուտս արեւուն թմբրութիւն անկանէր ի վերայ Աբրամու. եւ ահա ահ խաւարին#15։12 Եբրայեցին յաւելու՝ մեծ հասանէր ի վերայ նորա։ 13Եւ #15։13 Եբր. ասացասացաւ առ Աբրամ. Գիտելով գիտասջիր, զի պանդուխտ եղիցի զաւակ քո յերկիր որ ոչ իւր իցէ. եւ ծառայեցուսցեն զնոսա եւ չարչարեսցեն, #15։13 ՅԵբր. պակասէեւ տառապեցուսցեն՝՝ զնոսա ամս չորեքհարեւր։ 14Բայց զազգն որում ծառայեսցեն՝ դատեցայց ես. եւ յետ այնորիկ ելցեն այսր բազում ստացուածովք։ 15Եւ դու երթիցես առ հարս քո խաղաղութեամբ՝ #15։15 Եբր. թաղեալսնեալ ի բարւոք ծերութեան։ 16Եւ ի չորրորդում ազգի դարձցին այսրէն. քանզի չեւ եւս լցեալ է մեղք Ամովրհացւոցն մինչեւ ցայժմ։ 17Եւ իբրեւ արեւն ի մուտս լինէր, բոցք հատանէին, եւ ահա հնոց ծխեալ. եւ ճառագայթք հրոյ անցանէին ընդ մէջ անդամոցն յօշելոյ։ 18Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ, 19զԿինեցիս եւ զԿենեզացիս եւ զԿեդմոնացիս 20եւ զՔետացիս եւ զՓերեզացիս եւ զՌափիմացիս 21եւ զԱմովրհացիս եւ զՔանանացիս եւ զԳերգեսացիս եւ զՅեբուսացիս։

選択箇所:

ԾՆՈՒՆԴՔ Գլուխ ԺԵ: ԳՐԲ1895

ハイライト

コピー