ԾՆՈՒՆԴՔ Գլուխ ԺԳ

Գլուխ ԺԳ

1 Եւ ել Աբրամ յԵգիպտոսէ՝ ինքն եւ կին իւր եւ ամենայն որ ինչ էր նորա, եւ Ղովտ ընդ նմա #13։1 Եբր. ի հարաւակողմն Քանանույանապատն։ 2Եւ Աբրամ էր մեծատուն յոյժ անասնով եւ արծաթով եւ ոսկւով։ 3Եւ գնաց անդրէն #13։3 Եբր. ըստ իջավանաց իւրոց ի հարաւակողմն Քանանուուստի եկն յանապատն՝՝ մինչեւ ցԲեթէլ, մինչեւ ցտեղին ուր էր խորան նորա զառաջինն, 4Ընդ Բեթէլ եւ ընդ #13։4 Եբր. ԳայիԱնգէէ ի տեղի սեղանոյն, զոր արար անդ զառաջինն. եւ կարդաց անդ Աբրամ զանուն Տեառն #13։4 ՅԵբր. պակասէԱստուծոյ։

5Եւ Ղովտայ որ երթեալն էր ընդ Աբրամու՝ էր արջառ եւ ոչխար եւ անասուն։ 6Եւ ոչ բաւէր նոցա երկիրն բնակելոյ ի միասին. զի էին նոցա ստացուածք բազումք, եւ ոչ կարէին բնակել ի միասին։ 7Եւ եղեւ մարտ ի մէջ հովուաց խաշանցն Աբրամու, եւ ի մէջ հովուաց խաշանցն Ղովտայ. եւ Քանանացիքն եւ Փերեզացիքն յայնժամ բնակեալ էին յերկրին։ 8Ասէ Աբրամ ցՂովտ. Մի՛ լիցի կռիւ ընդ իս եւ ընդ քեզ, եւ ընդ հովիւս իմ եւ ընդ հովիւս քո. զի արք եղբարք եմք մեք։ 9Ո՞չ աւադիկ երկիրդ ամենայն առաջի քո է, մեկնեաց յինէն. եթէ դու յահեակ՝ ես յաջ, եթէ դու յաջ՝ ես յահեակ։ 10Ամբարձ Ղովտ զաչս իւր եւ ետես զամենայն #13։10 Եբր. դաշտնկողմանս Յորդանանու, զի ամենայն յուռթի էր, մինչչեւ կործանեալ էր Աստուծոյ զՍոդոմ եւ զԳոմոր, իբրեւ զդրախտն Աստուծոյ էր եւ իբրեւ զերկիրն Եգիպտացւոց՝ մինչեւ ի գալ ի Սեգովր։ 11Եւ ընտրեաց իւր Ղովտ զամենայն #13։11 Եբր. դաշտնկողմանսն Յորդանանու. եւ չուեաց Ղովտ յարեւելից, եւ մեկնեցան իւրաքանչիւր յեղբօրէ իւրմէ։ 12Եւ Աբրամ պանդխտեցաւ յերկրին Քանանացւոց. եւ Ղովտ նստաւ #13։12 Եբր. ի քաղաքս դաշտին, եւ հար զվրան իւր մինչեւի քաղաքի միում կողմանցն, եւ բնակեցաւ՝՝ ի Սոդոմ։ 13Եւ մարդիկն Սոդոմացւոց չարք եւ մեղաւորք էին առաջի #13։13 Եբր. ՏեառնԱստուծոյ յոյժ։

14Եւ ասէ #13։14 Եբր. ՏէրԱստուած ցԱբրամ յետ մեկնելոյն Ղովտայ ի նմանէ. Հայեաց աչօք քովք եւ տես ի տեղւոջէ յայդմանէ յորում դու ես, ի կողմանէ հիւսիսոյ եւ հարաւոյ, յարեւելից եւ ի ծովու։ 15Զի զամենայն երկիրդ զոր դու տեսանես՝ քեզ տաց զդա եւ զաւակի քում մինչեւ յաւիտեան։ 16Եւ արարից զզաւակ քո իբրեւ զաւազ երկրի. եթէ կարիցէ ոք թուել զաւազ երկրի, ապա եւ քո զաւակ ընդ թիւ մտցէ։ 17Եւ արդ արի շրջեաց ընդ երկիրդ յերկայնութիւն դորա եւ ի լայնութիւն դորա, զի քեզ տաց զդա։ 18Եւ չու արարեալ Աբրամու՝ եկն բնակեցաւ առ կաղնւոջն Մամբրէի, որ է ի Քեբրոն. եւ շինեաց անդ սեղան Տեառն #13։18 ՅԵբր. պակասէԱստուծոյ։

選択箇所:

ԾՆՈՒՆԴՔ Գլուխ ԺԳ: ԳՐԲ1895

ハイライト

コピー