PIENCILNA 4
4
Cain in Abel That
1Tu-in mipa in a zi Eve luppi a, ama gai-in Cain nei a, “Topa panpina tawh mi khat ka nga#4:1 Heb ah sepna lahna le Cain adinga a kizang kammal kibang hi. zo hi,” a ci hi. 2Tua ciengin ama in a naupa Abel neikia hi. Tu-in Abel pen tuucingpa ahi a, Cain pen lo hlopa ahi hi. 3A hun a cin ciengin Cain in Topa kungah lei pana a pieng singga biehna peipi a, 4Abel in zong a tuuhonte lahah tacilte le a thau tuituoh pente peipi hi. Topa in Abel le ama’ biehna thusimpieh a,#Heb 11:4 5ahi vangin Cain le ama’ biehna a thusimpieh sih hi. Tuaci’n Cain lungthah mama a, a mai a tuop hi. 6Topa in Cain kungah, “Bang dingin lungthahin bang dingin mai tuop na hei? 7A hoi bawl lacin ang kisanpieh lo ding amah? A hoi na bawl sih leh, mawna in kotbiengah ang buh khinkhian hi; ama lunggul pen nang na hi a, ahi vangin tua pen na zaw lo a poimaw ahi hi,” a ci hi.
8Cain in a sanggampa Abel kungah, “Lo va kuon ta vai,”#4:8 Vg tawh a kitekah Sam Gk Syr: MT ah “Lo va kuon ta vai” a ci om lo hi. ci hi. Lo a tun ciengun Cain a sanggampa Abel tawh kihau-in ama a that hi.#Mat 23:35; Luk 11:51; 1Jhn 3:12 9Tua ciengin Topa in Cain kungah, “Na sanggampa Abel hei-a om ahiei?” a ci hi. Ama in, “Ka thei sih hi; ka sanggampa kem pa ka hi laizang amah?” a ci hi. 10Tuale Topa in, “Bang teng pi khat bawl zo na hi tai? Ngai vawi; leisiet panin na sanggampa’ sisan kei kungah ang kiko hi!#Heb 12:24 11Tu-in na khut pana a luongkhie na sanggampa’ sisan hup dinga a kamkah leitang tungah nang samsiet thuoh na hi ta hi. 12Leitang na hlaw ciengin nang adingin lei panin an a pieng nawn sih ding hi; nang pen leitungah a galtai, a vahvai na hi ding hi,” a ci hi. 13Cain in Topa kungah, “Kei dan ei kipiehna pen kei thuoh zawh ding za sangin nasie zaw me izaw! 14Tuni-in leitang panin kei nei notmang ta a, na maitang panin kei ka kiphuol ding hi; kei a galtai le leitungah a vahvaih ding ka hi ta a, kei ei mu poma in ei that ding hi,” a ci hi. 15Tua ciengin Topa in ama kungah, “Tua bang hi lo ding hi!#4:15 Gk Syr Vg: Heb ah “Tua ahi ziehin” Mi khatpo in Cain a tha leh a za sagi-in phulahna thuoh ding hi,” a ci hi. Ama a tuohkha mi koima in ama a tha lo nadingin, Topa in Cain tungah melcina khat a koi hi. 16Tua ciengin Topa kung panin Cain pei dawhin Eden um nisuona lam Nod#4:16 “Vah kawikawi” a cina ahi hi. gamah a teng hi.
Leitung Khuosahzie Kipatna
17Cain in a zi luppi a, ama gai-in Enoch nei hi. Tuale ama in khuo sat a, tua khuopi pen a tapa Enoch’ min tapin Enoch a hisah hi. 18Enoch’ sung panin Irad suoh a, Irad pen Mehujael’ pa ahi hi. Mehujael pen Methushael’ pa ahi a, Methushael pen Lamech’ pa ahi hi. 19Lamech in zi ni nei a, a khat’ min Adah ahi a, adang khat’ min Zillah ahi hi. 20Adah in tapa Jabal nei a, ama pen puonbuh sunga teng, gankhawite pienna pupi ahi hi. 21A sanggampa’ min Jubal ahi a, lyre le theile tumte zosie’ pienna pupi ahi hi. 22Zillah in Tubal-cain nei a, sumngo le sia vanzah nam zosie a bawlpa ahi hi. Tubal-cain’ sanggamnu pen Naamah ahi hi.
23Lamech in a zite kungah,
“Adah le Zillah aw, ka aw ngai un.
Lamech’ zite aw, ka thugen ngai un:
Kei ei liemsah mi khat ahi,
kei ei sat tangval khat
keima in ka that ta hi.
24Cain tung bawn-a
a za sagi-a phu kila ahile,
a tahtahin Lamech a thatte
a za sawmsagi le sagi vei-in
phu kila ding hi,” a ci hi.#Mat 18:22
Seth’ Suonlehlahte
25Adam in a zi luppi leuleu a, tua nu in tapa khat nei-in a min Seth phuo hi. Azieh pen tua nu in, “Cain in Abel a tha ziehin Pasien in Abel tangin kei adingin tapa adang khat ei pie#4:25 Heb ah sepna lahna kammal pen Seth adinga kizang kammal tawh kibang hi. zo hi,” a ci hi. 26Seth in zong tapa khat nei a, a min Enosh a hisah hi. Khum hunin mite in Topa’ min a lo pan ta uhi.
Zo Bible © Bible Society of Myanmar, 2018.
