ทิน เต่ย โต้ว 4
4
คาอิน เหธา อาแบน
1อาดัม#4:1 ไฟ วั้ว เต้า มจั่ง ตอน. เหธา นิ่น เญย เอ๊า, ฮาวา, นิด ลิ์ว ต่อย, นิ่น เญย เอ๊า ฯฒฯ ม่าย เจี๊ยน ซิน อ๊ะ. ยู์ง ตุ๊ เต้า ตอน ต้าย. นิ่น ฯฒฯ ก๊อง, “เฒี้ยว เถง เยีย ตุ๊ เต้า ตอน ต้าย อ๊ะ.” นิ่น ฯฒฯ ธ้วด บั๋ว เห่ว คาอิน.#4:1 คาอิน วั้ว นอม บั๋ว ไฮ์ ฮนั้ง ฮิบลู หว่า ก๊อง ตุ๊ ลิ์ว. 2ฆะฮ้า นิ่น แอ๋ง ยู์ง คาอิน เญย โย์ว, อาแบน.
อาแบน โฮล ต้าย นิ่น ยู์ง ปะกี ยู่ง. คาอิน แอ๊ะ, โหฒว เหลียง-เด่ย. 3เจี๋ย ต้าย, ม่าย ฮนอย คาอิน ต้อ เต๋ย นิ่น เญย เด่ย หฒั่ง ธ้วด เญย กะน้าย-หฒวัง ต้าย ฝ่ง ห่อ ปุน เฒี้ยว. 4อาแบน ต้อ เต๋ย เยียม นิ่น เญย ปะกี ยู่ง กวั้น กะญั์ว เญย ต้าว ทอย ตอน เหธา ปะกี ยู่ง เญย เฮมย ต้าย ฝ่ง ห่อ. เฒี้ยว ปวั๊ง เฮญี้ยว อาแบน เหธา นิ่น ฝ่ง ห่อ เญย กะน้าย.#ฮิบลู 11:4 5มป่า คาอิน เหธา นิ่น ฝ่ง ห่อ เญย กะน้าย ทิน-ฮู่ง ไม้ ปวั๊ง เฮญี้ยว อ๊ะ. คาอิน ฯฒฯ เฉีย เจี์ย ไห่. เฮมียน มับ แม่ง มับ หฮมวัง เญย.
6 เฒี้ยว ฯฒฯ ก๊อง บั๋ว คาอิน, “เม่ย โหฒว หาย หญู่ง เฉีย เจี์ย, เฮมียน ด่ง หน่าย หฮมวัง? 7เม่ย โหฒว ตุ๊ หอบ นอ, เยีย ปวั๊ง เฮญี้ยว เม่ย. หลาย เม่ย โหฒว ไม้ หอบ, ฒุ์ย บ๊าบ เจี๊ยน วั้ว แก้ง ด่าง อ๋อย กุ๊น เจี๊ยน เม่ย, มป่า เม่ย อ๋อย หฒุ ป์อง เถา ฮี่ง.”
8คาอิน ก๊อง บั๋ว นิ่น เญย โย์ว, อาแบน, “บัว มี่ง วั้ว เจี๋ย เด่ย เอาะ?”#4:8 ม่าย เต๋ย โล์-ฮนอย โซว ทิบ น้าย เต๋ย หว่า มป่า ฮิบลู หว่า ไม้ ม่าย. มี่ง เถา เด่ย, คาอิน ฯฒฯ ธา เจี๊ยน นิ่น เญย โย์ว ไต๋ กวั่ง หมี่ อ๊ะ.#มัดทาย 23:35; ลูกา 11:51; 1 โยฮัน 3:12
9 เฒี้ยว หน่าย ก๋า คาอิน, “เม่ย เญย โย์ว, อาแบน, เจี๋ย หาย หมี่ อ๊ะ?”
คาอิน เตา, “เยีย ไม้ ฮิ้ว นีอา. เยีย หธ่อ อ๋อย หฒุ โก๋ว เยีย เญย โย์ว ไฟ?”
10 เฒี้ยว แอ๋ง ก๊อง, “เม่ย โหฒว ธ้วด หาย หญู่ง สี่? เม่ย เญย โย์ว เญย ฑย้าม เยียม เดา-เดี๊ย เห่ว เจี๊ยน ธ้วด ต้าย โก๋ เยีย.#ฮิบลู 12:24 11อี้ หฒั่น เยีย โฮ้ว เจี๊ยน เม่ย. ยั่ง น้าย เจี๋ย เม่ย ไม้ ตุ๊ โหฒว เด่ย, เหว่ย หฒุ เม่ย หล่ง เม่ย เญย ปั์ว ปุน เม่ย เญย โย์ว เญย ฑย้าม เหลี่ยว เหฌี่ย สาม เปียะ เดา, ฮนั้ง เดา หมอง ฑุ่ย นะ ฑย้าม นอ. 12เยียม น้าย มี่ง, เม่ย โหฒว เด่ย, เญย เฒี่ยง โห่, เดา ไม้ ธ้วด แกง-หฒวัง. เม่ย อ๋อย หฒุ โหฒว โฌ่ว หฮวา เมี่ยน โย่ว ลู่ง เดี๊ย.”
13คาอิน แอ๋ง ก๊อง บั๋ว เฒี้ยว, “เม่ย ฮนั้ง น้าย นอ ตี่ง เยีย เญย ฒุ์ย เซ ปะหละ เฮนี้ย ไห่, เยีย เตี๊ย ไม้ ตุ๊. 14หมั่ง ก๋า! อี้ ฮนอย เม่ย หฒุ่น เยีย เปย๋า, กวั่ง เจี๊ยน น้าย เต๋ย เดา มี่ง, หย่า ไม้ ปุน เยีย เยียม เม่ย เญย หฑะเฮมียน. เยีย อ๋อย หฒุ โหฒว โฌ่ว หฮวา เมี่ยน เจี๋ย น้าย เจี๋ย วั้ว โย่ว ลู่ง เดี๊ย. เถา หาย เมี่ยน ปวัด เยีย, นิ่น บัว อ๋อย ไต๋ เยีย.”
15มป่า เฒี้ยว เตา, “ไม้ ตุ๊ เหลาะ. หาย เต้า ไต๋ เม่ย อ๋อย หฒุ เฒาะ เสี่ย เต้า ไต๋ ตี๊ เม่ย เหยียด เต้า.” เฒี้ยว ฯฒฯ โหฒว นอม จั๋ง-โห่ เยียม คาอิน เญย ซิน. หาย เต้า ปวัด นิ่น ฯฒฯ ฮิ้ว ตุ๊ ไต๋ ไม้ ตุ๊ นิ่น อ๊ะ. 16คาอิน ฯฒฯ เล่ย ฆอย เฒี้ยว หมี่ อ๊ะ, มี่ง เอเดน ตง ปูง แหมง, เยียม นอม เต่ย-ปูง เห่ว โน้ด.#4:16 โน้ด เญย เอ๋ย เล์ย เซ โย่ว มี่ง โย่ว ต้าย.
คาอิน เญย เฒ้ย-ฟุน
17คาอิน เหธา นิ่น เญย เอ๊า นิด ลิ์ว ต่อย, นิ่น เญย เอ๊า ฯฒฯ ม่าย ซิน อ๊ะ, ยู์ง ตุ๊ เต้า ตอน หย่า ธ้วด บั๋ว เห่ว เอโน้ก. คาอิน เหธย นอม ฒี่ง ต้าย ธ้วด บั๋ว กัน นิ่น เญย ตอน เญย บั๋ว เห่ว เอโน้ก. 18เอโน้ก ตุ๊ เต้า ตอน เห่ว อิล้าด. อิล้าด โหฒว เมหูยาเอน เญย เตีย. เมหูยาเอน โหฒว เมทูซาเอน เญย เตีย. เมทูซาเอน โหฒว ลาเม้ก เญย เตีย.
19ลาเม้ก หล่ง อี เต้า เอ๊า. ม่าย เต้า เห่ว อาดา, ม่าย เต้า เห่ว สินลา. 20อาดา ยู์ง ตุ๊ ยาบาน. ยาบาน โหฒว เยียม ด๊บ-ลิ่ว ยู์ง แซง-คู้ วั้ว เต๋ย เมี่ยน เญย อง-ถาย-แงะ. 21นิ่น เญย โย์ว เห่ว ยูบาน. ยูบาน โหฒว พัด ต้าน ป้า, ปย๊ม เฮล้า-ด้ง หนู วั้ว เต๋ย เมี่ยน เญย อง-ถาย-แงะ. 22สินลา ยู์ง ตุ๊ ทูบันคาอิน. ทูบันคาอิน โหฒว หฒั่ง เมี่ยน, หล่ง ต้ง ซิ เหธา เฮลียะ โหฒว หญู่งๆ จา-สี่. นิ่น เญย หมั่ว เห่ว นาอามา.
23ลาเม้ก บั๋ว นิ่น เญย เอ๊า,
“อาดา เหธา สินลา หมวัง เยีย ก๊อง ม่าะ!
ลาเม้ก เญย มเซียะ ตอน อ้า! หมวัง หลง เยีย เญย หว่า.
เยีย ไต๋ เต้า เมี่ยน เหว่ย หฒุ นิ่น ห่อย เยีย เซียง ไห่.
ไต๋ เต้า เมี่ยน หลุน เมี่ยน เหว่ย นิ่น เบ๊าะ เยีย มุน.
24สี ก๊อง หาย เต้า ไต๋ คาอิน, อ๋อย หฒุ ไต๋ เสี่ย เต้า ตี๊ นอ.
หาย เต้า ไต๋ เยีย, อ๋อย หฒุ ม่าย เธี้ยด เหฒียบ เธี้ยด เต้า ตี๊.”
เสด เหธา เอโน้ด
25อาดัม เหธา นิ่น เญย เอ๊า นิด ลิ์ว ต่อย, นิ่น เญย เอ๊า แอ๋ง ยู์ง ตุ๊ เต้า ตอน ต้าย. นิ่น เญย เอ๊า ก๊อง, “ทิน-ฮู่ง แอ๋ง ปุน เต้า ตอน เยีย ตี๊ อาแบน, ต้ง คาอิน ไต๋ วั้ว เต้า.” นิ่น ฯฒฯ ธ้วด บั๋ว เห่ว เสด.#4:25 เสด วั้ว นอม บั๋ว ไฮ์ ฮนั้ง ฮิบลู หว่า ก๊อง ปุน ลิ์ว อ๊ะ. 26เสด หย่า ตุ๊ เต้า ตอน, ธ้วด บั๋ว เห่ว เอโน้ด. วั้ว หฒั่น เมี่ยน เจี์ย กอน ก๊อง ธ้วด เฒี้ยว เญย บั๋ว หฒั่ง นิ่น.
Mien Bible (Thai Script) © Thailand Bible Society, 2007
