A’NPHUTNA 1

Syem Manphutna Thuhming

1A’nphutbia Pathen in marvânhei leh ralei asyem pha a khan, 2raleichung hi ahme-alim leiom mak, tui-ôngpui in-nông inhnak khan heirakip akavursi tlit a, inthim in aleimakhu pak, khana Pathen Rathla kha tui chunga khan leikalôn lelea kae. 3Khava pha Pathen in ṭong apek a, “Vâr om rasoh,” atia, vâr hong kasōk jo.#2 Cor 4.6 4Pathen in kha aleihmua amalung leikatlâi. Ama’n vâr kha khō inthima inphut aṭhensōt jo. 5Khana ama’n vâr kha, “Sûn” atia; khana inthim kha “Jân” tia aphō jo. Khōhlei kathlenga jîngkâr kahong jo; khavakha hma inkeipen kani kachang jo.

6-7Khava sōa Pathen in ṭong aleipek a, “Tui leh tui insemṭhen sona, ankâra bōirōk inkârjap inkhat in hmun hnia ṭhen hei rasoh,” ati. Khanga kachang jo. Khang’khan Pathen in bōirōk inkârjap inkhat asyema chunga tui leh thōia tui aṭhen jo.#2 Pe 3.5 8Ama’n bōirōk kha “Chungvân” tia aphō jo. Khōhlei kathleng joa jîngkâr kahong jo, khavakha ni 2 tluk ning kachang jo.

9Khava sōa Pathen in ṭong apek a, “Ralei ram kachâr a’nlâr theina sik chungvân thōia tui kha hmun khat a inpunkhôm rasoh,” atia khanga leikachang jo. 10Ama’n ralei ram kachâr kha “Ralei,” tui intlingna kha, “Tuipui” tia aphō jo hei. Pathen in khahei kha ahmu pha amalung leikatlâi. 11Khava sōa ama’n ṭong apek a, “Ralei in hmuchi-bechi leh kara kanei thing leh rō ajât kakip a majōr rasoh,” atia khanga hongkachang jo. 12Khang’khan ralei in thing leh rō jât rakip amajōr jo, khana Pathen in aleihmu hei chunga khan amalung leikatlâi. 13Khōhlei kathlenga jîngkâr kahong jo. Khavakha ni 3 tluk ning kachang jo.

14Khava sōa Pathen in ṭong apek a, “Sûn leh jân kaṭhen sik leh raleichunga kani, kum, beklanga revei phutna pha leh châng malârna sik a chungvâna vâr sōk hei rasoh; 15khahei khan raleia vâr pekna sik a chungvâna vâr hei rasoh,” atia khanga leikachang jo. 16Khava jâra Pathen in vâr kalen chet 2, sûna vai karôn sik a kani leh jân a vai karôn sik a thla aleisyem hei, khana ârsi he’m aleisyem hei. 17Ama’n ralei kasat invâr sik vâr kha chungvâna ada hei, 18khahei kha sûn leh jân a vai karôn sik, vâr leh inthim kaṭhen sik hei kae. Khana Pathen in khahei kha ahmu pha amalung leikatlâi. 19Khōhlei kathleng joa jîngkâr kahong jo. Khavakha ni 4 tluk ning kachang jo.

20Khana Pathen in ṭong apek a, “Ranhring jât katamtak in tui shunga siptak hei rasoh, khana va katamtak in chunga siptak hei rasoh” ati. 21Khang’khan Pathen in, tuipuia ranhring kalen, tui shunga ranhring leh va jât rakip asyem jo hei. Khana Pathen in khahei kha ahmu pha amalung katlâi jo. 22Ama’n ankhenga vâng apek hei, tui shunga ka-om ranhring rakip anpungna sik leh tuipui ansipna sik khana vahei khan anja anhong tamna sik ṭong aleipek hei. 23Khōhlei kathlenga jîngkâr kahong jo; khavakha ni 5 tluk ning kachang jo.

24Khana Pathen in ṭong apek a, “Ralei in ranhring jât rakip ramsha, innsha akalen, akasin akhenga majōr rasoh,” atia khanga kachang jo. 25Khang’khan Pathen in ankhenga asyem jo hei, ama’n khahei kha ahmu pha amalung katlâi jo.

26Khava sōa Pathen in ahri, “Tûn eini’n mihring nisyem sik hei kae; anmani’n eini anpō sik me, einizek aka-ang sik hei kae. Anmani’n, ngahei leh vahei, ranhring rakip, inna leh ram a shahei, akasin leh akalenhei chunga ratha antanei sik kae.”#1 Cor 11.7 27Khava sōa Pathen in mihring asyem jo hei, ama kapōhrep a aleisyem hei. Ama’n nuhmei leh pase aleisyem hei,#Aph 5.1,2 #Mt 19.4; Mk 10.6 28khana ama’n vâng apek hei, “Sa katamtak nei-una, nansōn nanpâr he’n raleichung rakip hlōsō hei sona, anvai rônna thōia da hei rasoh. Ke’n, nangni nga leh va, ramsha, ranhring rakip hei chunga ratha kanei sik a kanganse jo chei kae. 29Ke’n nantasâk sik hmuchi-sachi leh theikara rakip kapek jo chei; 30tâk ramsha rakip leh va rakip sik a thingbō, phōi kahar kamantluk pek jo hei,” atia khanga kachang jo. 31Pathen in asyem rakip a-ena amalung katlâi hêr jo. Khōhlei kathlenga jîngkâr kahong jo, khava kani kha ni 6 tluk ning kachang jo.

選択箇所:

A’NPHUTNA 1: KOMRBSI

ハイライト

コピー