Genesis 6
6
Iñuich Piḷuusiqiruat
1 #
Job 1.6; 2.1. Iñuich siamitanigataġmata nunamun iluqaanun, aasii paniqarraqsivḷutiŋ, 2iḷaŋisa qiḷaŋmiŋŋaqtauruat God-im iġñiŋisa tautukkamisigik aġnaġikpaktuat aġnat tuvaaqatiniktuŋarut kisupayaanik pigisuktamignik. 3Ataniq aasii uqallaktuq, “Iñuich iñuupkaġniaŋitkitka taimuŋa; qanuq iñugruiññaurut. Tavraŋŋaaglaan iñuuniaŋitchut qaaŋiġḷugi 120 ukiut.” 4#Nu 13.33.Taipkunani uvluni, suli aquvatigun, iñukpasuqaŋaniqsuq nunami kiŋuvaaguruanik aġnanun iñugruiññauruanun qiḷaŋmiŋŋaqtauruanullu God-im iġñiŋiññun. Kamanaqłutiŋ aŋuyaktiqpausuuŋarut suli nuimaruaġisuuŋaniġaich aippaani.
5 #
Mt 24.37; Lk 17.26; 1 P 3.20. Atanġum qiñiqługu qanutun piḷuktualiqiriġuqtilaaŋiññik iñuich nunami qanutullu pigiitchuałhiñanik isumasiññaliġmata ataramik, 6isumaaliŋaruq savaaġiŋatilaaŋiññik inillakługi nunamun. Nunuuralipiallaŋaruq. 7Uqallakłuni aasii, “Suksraunġiġñiaġitka ukua iñuich savaaġiŋaratka, niġrutit, nunamiḷu paamġuqtuat, tiŋmiallu, qanukkii nunuuraliqsuŋa savaagiŋagapkich tamatkua.” 8Aglaan Atanġum iviġaumagiŋaniġaa Noah.
Noah-kun
9-10 #
2 P 2.5. Uvva quliaqtuaq Noah-kun. Iġñiqaŋaruq piŋasunik, Shem-miglu, Ham-miglu, Japheth-miglu. Noah sumik pasiñaġumiñaiññiqsuq iñulluatatualuuvluniḷu taimani. Iñuuŋaruq maliġuaqługu God. 11Tavrani iñuich iluqaġmiŋ piḷuktualiqirauŋarut God-im sivuġaani, qinnautikun piaqłuktaun sumipayauraq iḷiŋaruq. 12God-im qiñiŋagaa nuna aasii iḷitchuġiŋaruq pigiiḷiŋatilaaŋanik, qanukkii iñupayaat iñuusiŋat piḷuksipiaġataŋaruq.
13God-im uqallautigaa Noah, “Sivunniqsuŋa tuqutchukługich iñuupayauraqtuat nunami. Suksraunġiġñiaġitka tamatkiġḷugich, qanukkii uvva nuna siḷivittuq piaqłuktaunmik. 14Umiaqpaliuġiñ iliŋnun qirulluatamik; inauraliqsuġlugu suli qaaliġḷugu anŋunmik iḷualu siḷataalu. 15Takitilaaliġḷugu 450-tun isigagniqtun, piŋasukipiaq akimiatun (75) isigagniqtun iraqtutigiliġḷugu, suli malġukipiaq tallimatun (45) puqtutilaaliġḷugu. 16Qiḷaliġḷugu umiaqpak aasii aŋmarualiġḷugu akimiaq piŋasunik (18) titiġniñik agmaniqtutigilugu akunġakkun qiḷaŋatalu saniġaŋiksigullu. Qiḷagualiġḷugu malġugnik suli upkualiġḷugu saniġaagun. 17Uliqpaktinniaġiga nuna suksraunġiqsaġlugi aniġniqapayaaqtuat ataani qiḷaum. Sunapayauraq nunamiittuaq tuquniaqtuq, 18aglaan inillaiñiaqtuŋa sivunniuġunmik iliŋnun. Ikuniaqtutin umiaqpagmun piqatigilugu tuvaaqatin, iġñitin, suli tuvaaqatiŋich. 19Umiaqpagmun ikuqatiginiaġitin malġullaat niġrutit, aŋusallut aġnasallullu, iñuullayumaut. 20Malġullaat qanusipayaurat tiŋmiat, qanusipayaurallu niġrutit, paamġuqtuallu nunami; qaiñiaqtut inmiktun iñuusuglutik. 21Qanusiḷimaanik taqualigaaġutin ilivsiḷu niġrutillu niqiksraŋiññik.” 22#He 11.7.Noah-m savaŋagaa iluqaan God-im piraksriutipayaaŋa.
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
