Lukasa 2の有名な聖句

シェア

Abe o futu naa doka o Dautu ai kota ma goronaka de naga o ngofaka womatengo womaboaka abe ma titi winiduhunu ngini. De Una gea ahao winihihohe nia howo-howonino. De ma ngofaka gea nanga Baluhu abe Una gea ti ngini nia koano abe Ma Jou winihibehehongoka.

Masara ma malaekata gea wahingahu onangika wato, “Ngaro ufa nihawana! Ngohi naa tinidotaka o Abari ma Rorahai abe ahao o nyawa mata-mataika duru yahidogaragoka o Abari ma Rorahaiika gea.

“Hipuji Ma Jouiye, Una wokokurutiye, O nyawaika wahidoakoka o dame de ma owa, Angamoi Ma Jou o Horogaka, Womalega o nyawauku de duru wadora.” Hokogea o malaekata ko manga ngoe gea iwihigiriiri ibooto de yokokilio o Horogaiye.

De ipahaino o Yesusu ai gurutiye ka idogohi de ai sosawaro enangoo ka idogo-dogo. De Ma Jou duru widosanangi Unangika, de o nyawa mata-mata abe iwihioriki onangoo iwisanangi Unangika.

De hokonaa ai dodunguu la ka idadi de nia lako niwimake de niwihioriki, ahao doka o kotaka ngini niwimake o aewani ma kurunga ma goronaka duru o aewani ma ngi ma ngo-ngolomoka iwikelengauku. Genangoka ahao niwimake de iwihihawoino de o ngofaka manga paka-paka.”

De o futu gea womaboa de doka o Beteleheeme ma kota ma hoanoka yamuruono naga o domba ma gogoana angamoi manga domba ma duduono yogoana genangoka. De ka itodokanino naga nanga Baluhu Wokokurutiye ai malaekata womatengo womahimatoko o domba ma gogoanika gea. De ona duru yahidatararonuku de Ma Jou ai medebini ma dararono ho hiadono duru yohawana.