ມັດທາຍ 12の有名な聖句

シェア

ແຕ່​ເຮົາ​ບອກ​ພວກເຈົ້າ​ວ່າ, ໃນ​ວັນ​ພິພາກສາ ມະນຸດ​ຈະ​ຕ້ອງ​ຮັບຜິດຊອບ​ຕໍ່​ຖ້ອຍຄຳ​ເປົ່າ​ໆ​ທຸກ​ຄຳ​ທີ່​ພວກເຂົາ​ເວົ້າ​ອອກມາ, ເພາະ​ເຈົ້າ​ຈະ​ພົ້ນໂທດ​ໄດ້​ກໍ​ດ້ວຍ​ຄຳເວົ້າ​ຂອງ​ເຈົ້າ ແລະ ເຈົ້າ​ຈະ​ຖືກ​ໂທດ​ກໍ​ດ້ວຍ​ຄຳເວົ້າ​ຂອງ​ເຈົ້າ”.

ພວກ​ຊາດ​ງູ​ຮ້າຍ​ເອີຍ, ພວກເຈົ້າ​ຈະ​ເວົ້າ​ສິ່ງ​ດີ​ໄດ້​ຢ່າງໃດ​ເມື່ອ​ພວກເຈົ້າ​ເປັນ​ຄົນຊົ່ວ? ເພາະ​ໃຈ​ເຕັມ​ລົ້ນ​ດ້ວຍ​ສິ່ງ​ໃດ​ປາກ​ກໍ​ເວົ້າ​ສິ່ງ​ນັ້ນ​ອອກ​ມາ.

ຄົນດີ​ຍ່ອມ​ນໍາ​ສິ່ງ​ດີ​ອອກ​ມາ​ຈາກ​ຄັງ​ແຫ່ງ​ຄວາມດີ​ຂອງ​ຕົນ, ແລະ ຄົນຊົ່ວ​ຍ່ອມ​ນໍາ​ສິ່ງ​ຊົ່ວ​ອອກ​ມາ​ຈາກ​ຄັງ​ແຫ່ງ​ຄວາມຊົ່ວ​ຂອງ​ຕົນ.

ແລະ ດັ່ງນັ້ນ ເຮົາ​ບອກ​ພວກເຈົ້າ​ວ່າ, ການ​ບາບ​ທຸກ​ປະການ ແລະ ຄຳໝິ່ນປະໝາດ​ທຸກ​ຢ່າງ​ສາມາດ​ໃຫ້​ອະໄພ​ໄດ້, ແຕ່​ຄຳເວົ້າ​ທີ່​ໝິ່ນປະໝາດ​ຕໍ່ສູ້​ພຣະວິນຍານບໍລິສຸດເຈົ້າ​ຈະ​ໃຫ້​ອະໄພ​ບໍ່​ໄດ້.

“ປູກ​ຕົ້ນໄມ້​ດີ ຜົນ​ຂອງ​ມັນ​ກໍ​ຈະ​ດີ, ຫລື ປູກ​ຕົ້ນໄມ້​ບໍ່​ດີ ຜົນ​ຂອງ​ມັນ​ກໍ​ຈະ​ບໍ່​ດີ, ເພາະວ່າ​ຈະ​ຮູ້ຈັກ​ຕົ້ນໄມ້​ໄດ້​ກໍ​ດ້ວຍ​ຜົນ​ຂອງ​ມັນ.