यूहन्ना 15の有名な聖句

シェア

आऊँ अंगुरें दी बेल आं, तोस डालियाँ ओ। जेड़ा मेरे च बना रौंदा ऐ, ते आऊँ ओदे च, ओ बड़ा फल फलदा ऐ, किके मेरे कोलां लग्ग ओईयै तोस केछ बी नेई करी सकदे।

तोस मेरे च बने रवो, ते आऊँ थुआड़े च। जियां डाली जेकर अंगुरें दी बेल च बनी नेई रवै, तां अपने आप च फली नेई सकदी, इयां गै तोस बी जेकर मेरे च नेई बने रौगे तां फली नेई सकदे।

जेकर तोस मेरे च बने रवो ते मेरे वचन थुआड़े च बने रौन, तां जेड़ा चाओ मंगो तां ओ थुआड़े लेईं ओई जाग।

तुसें मिगी नेई चुनयां, लेकन मैं तुसेंगी चुने दा ऐ ते तुसेंगी रखया के तोस जाईयै फल लेई आओ; ते थुआड़ा फल बना रवै, के तोस मेरे नां च जे केछ पिता कोलां मंगो, ओ तुसेंगी दे।

एदे छा बड़ा प्यार कुसे दा नेई, के कोई अपने दोस्तें लेई प्राण दे।

जेड़ी डाली मेरे च ऐ ते नेई फलदी, उसी ओ कटी ओड़दा ऐ; ते जेड़ी डाली फलदी ऐ, उसी ओ छांटदा ऐ के ओर फलै।

“मेरा उक्म ए ऐ के जियां मैं थुआड़े कन्ने प्यार कित्ता, इयां गै तोस बी एक दुए कन्ने प्यार करो।

मेरे पिता दी मैमा एदे छा गै ओंदी ऐ, कि तोस मता सारा फल लेई आओ, तैलूं गै तोस मेरे चेलें अख्खे जागे।

“सच्ची अंगुरें दी बेल आऊँ आं, ते मेरा पिता करसान ऐ।

जे कोई मेरे च बना नेई रवै, तां ओ डाली आला लेखा सुटया जंदा ऐ, ते सुकी जंदा ऐ; ते लोग उनेंगी किट्ठा करियै अग्गी च सुट्टी दिन्दे न, ते ओ फ्कोई जदीं ऐ।

मैं ए गल्लां थुआड़े कन्ने एसकरी कित्तियां न, के मेरी खुशी थुआड़े च बनी रवै, ते थुआड़ी खुशी पूरी ओई जा।”

जेकर तोस मेरे उक्में दा पालन करगे, तां मेरे प्यार च बने रौगे, जियां के मैं अपने पिता दे उक्में पालन कित्ता ऐ, ते ओदे प्यार च बना रौना ऐं।

इनें गल्लें दा उक्म आऊँ तुसेंगी एसकरी दिना ऐं, के तोस एक दुए कन्ने प्यार करो।”

जेकर तोस दुनिया दे ओदे, तां दुनिया अपने कन्ने प्यार करदी; लेकन एस कारन तोस दुनिया दे नेई, आलां के मैं तुसेंगी दुनिया बिचा चुनी लेता ऐ, एसकरी दुनिया थुआड़े कन्ने बैर करदी ऐ।