ម៉ាថាយ 6の有名な聖句

シェア

ហគ់ មប ឡាកោ អន់ ប‌៉្រ័ះ រ៉ាំងហៃ រ៉ាំងខ្យា លូ ខំ ប៉្រគ័ ពួយ សារ ដាគ់ ត្រង់ ម៉ះ ប‌៉្រ័ះ ហ៊្លត ឡឹង សារ អន់ទៀគៗ ណោះ អ៊ែ ចឹង អន់ ធែម គ្រឹប កាណាគ័ ញ៉ា ឡាក់ អន់ដីស តងកាន ណោះ។

ជែ វ៉ឹនវ៉ាយ ឡឹង សារ ញ៉ា ឡាក់ ចឹង កើត ទី ដារ់ តាយ៉ាង័ ទៀ សារ ដារ់ តាយ៉ាង័ ក្យាគ់ ឃឹត ដារ់ តាយ៉ាង័ ទៅ ញន ម៉ោញ ដារ់ ៗ ទី សារ ក្យិប កេះ សាំរ៉ាប់ ដារ់ ណោះ ហង។

«ខ អា ហង បះ អាញ់ រ៉ះ កា អន់ដីស ជែ វ៉ឹនវ៉ាយ ឡឹង សាណា សាណឹត អៃត សា សាំរ៉ាប់ សិម ឡាកោ ប៉ាំងឡៃ លូ ខោ អាវ សាំរ៉ាប់ កាស៊ប ពៀត។ ញ៉ា អន់ដីស អ្វៃ រ៉ីស សាំរ៉ាប់ ដឹង កា ណាំង សាណា សាណឹត លូ ខោ អាវ ប ?

កាប៉ាច់ អន់ដីស ផា អន់ដីស ម៉ន់ ត្រគ់ ម៉ុត ពឹង កាណុង កាត្រើគ អំប៉ារ កេះណោះ ម៉ន់ អើ ប‌៉្រ័ះ ឡាក់ ពឹ អន់ដីស អ្វៃ ពឹង ចារ សាគឹម។ អ៊ែ ហៃ ប៉ប័ អន់ដីស អ្វៃ ម៉ន់ ពឹង ចារ សាគឹម ណោះ អ៊ែ ចឹង អន់ កាណាគ័ គឹត ខា កា អន់ដីស។

អន់ដីស ត្រគ់ ម៉ន់ អើ ប‌៉្រ័ះ ប៊កកាតយ័ នីអៀ៖ អឺ ពឹ ញឹន ឡាក់ អ្វៃ ពឹង ប៉្លៃង អន់ ប៉ាណូស ពឹង អង់កក់ តេះ អា អ្យិល កូត័ កា អីស។ ប៉រ់ អីស រ៉ាំងហៃ រ៉ាំងខ្យា ប៉ាណូស ទិឌូ អន់ ប៉ាណូស ពឹង អង់កក់ តេះ ប៉្រគ័ ពួយ ពុត អីស ឡាក់ កា ប៊យ អីស ពឹង ប៉្លៃង ដេល។

ប៉រ់ អីស អន់ សាណា ឡាក់ ញឹន តងកាន កាណុង ដារ់ អា។

ប៉រ់ អីស ជែ អ្យក់ យ៉ូ សារ ញឹន យច ឡាក់ កា ញឹន អូ អ្យក់ យ៉ូ សារ យច ពូ ប៉្រគ័ លូ ញឹន ដេល។

ជែ អន់ ពូ ប៉ាឡោម ញឹន ប៉្រគ័ យច ហះកា ប៉រ់ អីស តង័ ញឹន អន់ រ៉ាវ៉ាច់ ឡឹង ម៉ៃគ ប‌៉្រ័ះ បឺគ ណើ។

ផា អន់ដីស អូ អ្យក់ យ៉ូ សារ ពូ ប៉្រគ័ យច លូ អន់ដីស ប‌៉្រ័ះ ឡាក់ ពឹ អន់ដីស អ្វៃ ពឹង ប៉្លៃង តោ អ៊ែ អូ អ្យក់ យ៉ូ សារ អន់ដីស ប៉្រគ័ យច ដេល។

ហគ់ អន់ដីស ចាជ្រែប ហៃ សៃម ប៉ារ់ ពឹង ប៉្លៃង តោ អន់ឌែ អូ ទី សាមូល តប់ អូ ទី កាច់ ច្រូត័ ប៉ាតុំ អ្យក់ ចៃគ កាណុង រម អុះ ហះកា ប‌៉្រ័ះ ឡាក់ ពឹ អន់ដីស អ្វៃ ពឹង ប៉្លៃង តោ អ៊ែ សិម អន់ឌែ។ ហះកា អន់ដីស អា គឹត ខា ក្វា ឡឹង សៃម ណោះ ណាវ្គ។

«ជែ ប៉ាតុំ គម រ៉ាស អំប៉ាស សាំរ៉ាប់ កា ឡាកោ ពឹង អង់កក់ តេះ ឡាក់ ចារ កាញ់ចិរ រ៉េះ តេះ ប៉្វាល័ លូ កាចះ សា ឡាក់ ចារ ទី ប៉ាណូស អូ ដាគ់ ច្រះ ប៉ាណីរ ម៉ុត អន់តុង រ៉ាស ណោះ ដេល។ ប៉ាតុំ រ៉ាស អំប៉ាស គម ពឹង ប៉្លៃង តោ ឡាក់ ចារ ដាគ់ អូ ទី កាញ់ចិរ រ៉េះ តេះ ប៉្វាល័ លូ អូ ទី កាចះ សា អូ ទី ពូ ច្រះ ប៉ាណីរ ម៉ុត អន់តុង រ៉ាស ណោះ ដេល ខង ផា រ៉ាស អំប៉ាស ម៉ះ អន់ដីស អ្វៃ ប៉ាគ់ ចារ ចំ ពុត ពៀក អន់ដីស កា អ្វៃ ប៉ាគ់ ចារ ណោះ ដេល។

«អូ ទី ពឿ អ្លុ ប៉្រគ័ ង៉ារ អន់ កា ពឹ តាំងឡា ពៀរ ដូវ អុះ ខង អ៊ែ ចឹង ប៉ិច កា ម៉ោញ អូ ណីស កា ម៉ោញ ត្រង់ កា ម៉ោញ អូ ត្រង់ កា ម៉ោញ។ អន់ដីស កា និះទៅ ដេល អូ ត្រគ់ អ្លុ ប៉្រគ័ ង៉ារ ប‌៉្រ័ះ ប៊កកាតយ័ អន់ដា ប៉ិច កា រ៉ាស អំប៉ាស អន់ដា ទី អុះ។

អឺ ប៉ាណូស សឿ ឡាឡិគ័ ឡាឡាគ័ អន់ដីស ហៃៗ ប៉ាកាវ អា ដារ់ អា អ៊ែ ហ៊ន ពឹង ស៊្រែ ប៉ាគ់ ដារ់ តាយ៉ាង័ ពូ ទក ចៃគ ពឹង អុញ ហះកា ប‌៉្រ័ះ ប៊កកាតយ័ ប៉្រគ័ អន់ អ៊ែ ឡាក ដាគ់ ឡាយ៉ាម័ ប៉ុប អា កេះ។ អន់ដីស ឡាក់ ប៉ាណូស ទី ខា ក្វា ឡឹង ប៉ាកាវ អា ណាវ្គ ចាបះ កា អ៊ែ ចឹង អន់ អន់ដីស ទី ខោ អាវ កាស៊ប ពៀត ដេល។

ហះកា កាប៉ាច់ អន់ដីស ផា តី គែង សាម៉ា អន់ កាណាគ័ កា មួត ថុក ញ៉ាក ជែ អន់ តី សាំងអ្យោ អ្លុ អន់តគ់ ម៉ាគ់ សារ អន់ដីស ប៉្រគ័ ណោះ ចឹង ដាគ់ សាគឹម ទី ដឹង ប‌៉្រ័ះ ឡាក់ ពឹ អន់ដីស ចឹង ប៉ប័ សារ អន់ដីស ប៉្រគ័ ណោះ ណោះ អ៊ែ ចឹង អន់ កាណាគ័ គឹត ខា កា អន់ដីស តាទឹច។

«ជែ ប៉្រគ័ ង៉ារ ដាគ់ ហះ ម៉ាត់ កាំឡាំង អៀង ក្រាន័ កា ប៉ិច កា ពូ ប៉ប័។ ផា ប៉្រគ័ នីណោ័ះ អន់ដីស អូ ទី កាណាគ័ ញ៉ា ឡឹង ប‌៉្រ័ះ ឡាក់ ពឹ អន់ដីស អ្វៃ ពឹង ប៉្លៃង តោ អុះ។

«ផា ដារ់ ចំ អន់ដីស កំ អូ សា សាណា ញ៉ា អន់ដីស ជែ ប៉្រគ័ កា ម៉ូះ ម៉ាត់ សាំងអយ ឡាក់ កា មួត តាគ់ អំប៉្រគ័ ដាគ់។ អន់ឌែ ប៉្រគ័ កា ម៉ូះ ម៉ាត់ នីណោ័ះ ប៉ិច កា ពូ អន់ទៀគ ប៉ប័ លូ អ្លុ អន់តគ់ កា អន់ឌែ កំ អូ សា សាណា។ អាញ់ រ៉ះ កា អន់ដីស តាទឹច ផា កាយ ឡឹង ណោះ អន់ឌែ ចឹង អូ ទី ខា អុះ។ កាប៉ាច់ អន់ដីស ផា ដារ់ ចំ អន់ដីស កំ អូ សា សាណា ត្រគ់ ប៉ាច ម៉ាត់ លូ កីគ សក់។ ជែ អន់ ពូ អន់ទៀគ អ្លុ អន់តគ់ កា អន់ដីស កំ អូ សា សាណា អន់ ដឹង ប‌៉្រ័ះ ឡាក់ ពឹ អន់ដីស ឡាក់ ពូ ហៃ អូ ប៉ប័ ណោះ ហង ប៉ប័ សារ អន់ដីស ប៉្រគ័ ដាគ់ សាគឹម ណោះ ណោះ អ៊ែ ចឹង អន់ កាណាគ័ គឹត ខា កា អន់ដីស។