Матфейица бицараб Рохалил хабар 3の有名な聖句

シェア

Нужерго мунагьаздаса руссун, кантӏиялъул гъотӏода пихъ барщизабе.

Гьале гьаракьги рагӏана зобалаздасан: – Гьав вуго дие вокьулев дир Вас. Гьесдаса вохун вуго дун!

Лъадалъ ччун вахъун гьебсагӏат къватӏиве лъугьун вачӏана Гӏиса. Гьебмехалъ зобги кӏибикьизабун, миккидул сураталда боржун бачӏун, Аллагьасул Рухӏ Гӏисахъе рещтӏунеб бихьана.

Дица нуж кантӏизелъун, мунагьал чуризе лъадалъ ччун рахъун, рацӏцӏад гьарулел руго. Амма дида хадув вачӏунев вуго гӏемерго дидаса къудрат цӏикӏкӏарав чи. Гьес тӏаса рахъарал хьитал кодоре росизецин мустахӏикъав гьечӏо дун. Лъадаца гуреб, Илагьияб Рухӏалдалъун ва цӏаялдалъун чурун рацӏцӏад гьарила гьес нуж.

Гъутӏбузда гъоркь гӏащтӏи лъун тун бугеблъи лъай нужеда. Лъикӏаб пихъ тӏад бижичӏеб гъветӏ къотӏун цӏадаб лъезе бугебха!

«Цо ахӏи буго авлахъалда рагӏулеб: Бетӏергьанасе нух къачӏай, битӏизабе гьесда цебе шагьра!» – Гьединал рагӏаби Аллагьас Ишая аварагасда жиндир хӏакъалъулъ абурав чи вукӏана Яхӏя.