Матфейица бицараб Рохалил хабар 2の有名な聖句

シェア

Рокъоре жанире лъугьиндал, лъимерги батана, лъимадул эбел Марямги ятана. Нодо гӏодоб цун сужда гьабуна гьесие цӏвабзазул гӏелму лъалел гӏадамаз. Цере рахъун, гьесие цӏакъго хириял сайигъаталги кьуна: меседги, мирраги, кьеккен гьабулеб гьуинаб махӏалъул пицӏги.

Ягьудиялъул Бетлегьем шагьаралда Гӏиса гьавуна Гьерод ханлъун вугеб заманалда. Гьебмехалъ бакъбаккул рахъалдасан Иерусалималде рачӏана цӏвабзазул гӏелму лъалел гӏадамал. Гьез абуна: – Жугьутӏазул Парччахӏлъун вукӏине гьавурав дов вас кив вугев? Зобалазул бакъбаккул рахъалда баккун бихьана нижеда гьев гьавунилан бицунеб цӏва. Гьесие сужда гьабизе рачӏун руго ниж.

Ханасулгун хабар-накъит лъугӏидал, рахъун ана цӏвабзазул гӏелму лъалел гӏадамал. Бакъбаккуда доб мехалъ бихьараб цӏваги унеб букӏана зодисан гьезда цебе-цебе. Кутакаб рохел лъугьана гьезул рекӏелъе гьебмехалъ. Ахирги доб лъимер бугеб бакӏалда тӏад чӏана гьеб цӏва.

Гьезда макьилъ лъазабуна Гьеродихъе унгейилан. Гьелги батӏияб нухалъ тӏадруссун ана жидерго улкаялде. Гьел нахъе индал, гьале Бичасул малаик вачӏун вуго Юсупихъе макьилъ. – Гьеб лъимерги бачун, гьесул эбелги ячун, мун вахъун Мисриялде лъуте, – ян абуна малаикас. – Тӏадвуссайилан дица абизегӏан гьенив чӏа. Гьеродида ракӏалда буго гьеб Лъимер балагьизе ва чӏвазе.