ཡོ་ཧ་ནན། 6の有名な聖句

シェア

དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་ནི་ཚེ་སྲོག་གི་བག་ལེབ་ཡིན༌ཏེ། ངའི་གམ་དུ་ཡོང་བ་རྣམས་ལ་བཀྲེས་ལྟོགས་མི་འབྱུང༌ཞིང༌། ཡང་ང་རང་ལ་དད་པ་བྱེད་མཁན་རྣམས་ནམ་ཡང་སྐོམ་མི་སྲིད།

མི་རྣམས་ལ་ཚེ་སྲོག་གནང་མཁན་ནི་དམ་པའི་ཐུགས་ཉིད་ཡིན་པ་ལས་ཤ་གཟུགས་ཀྱི་ཕུང་བོ་ཡིས་ཕན་ཅི་ཡང་མི་ཐོགས་ཏེ། བདག་གིས་ཁྱོད་ཅག་ལ་སྨྲས་པ་ནི་དམ་པའི་ཐུགས་ཉིད་དང་ཚེ་སྲོག་ཡིན་ནོ།།

ཁྱོད་རྣམས་ཀྱིས་མི་རྟག་པའི་ཁ་ཟས་ཀྱི་དོན་དུ་འབད་པ་མི་བྱེད༌པར། མཐའ་མེད་པའི་ཚེ་སྲོག་འཐོབ་པའི་བར་དུ་གནས་པའི་ཁ་ཟས་དེའི་དོན་དུ་བརྩོན་པར༌གྱིས། མིའི་བུ་ཡིས་ཁྱོད་རྣམས་ལ་ཁ་ཟས་དེ་གནང་ངེས་ཡིན། མིའི་བུ་ལ་ཡབ་དཀོན་མཆོག་གིས་ཕྱག་རྒྱ་བཏབ་ཡོད་པ་ཡིན་ཞེས་གསུངས་སོ།།

རྒྱུ་མཚན་ནི་སྲས་དེ་ཉིད་མཇལ་ནས་དད་པ་བྱེད་མཁན་ཐམས་ཅད་ལ་མཐའ་མེད་པའི་ཚེ་སྲོག་འཐོབ་པ༌དང༌། མཐའ་མའི་ཉིན་མོར་ཡང་བདག་གིས་དེ་རྣམས་སླར་གསོན་དུ་འཇུག་དགོས་པ་ནི་བདག་གི་ཡབ་ཀྱི་དགོངས་པའང་ཡིན་ཞེས་གསུངས༌སོ།།

ཡང་སྐྱབས་མགོན་ཡེ་ཤུས་འདི་སྐད༌དུ། དཀོན་མཆོག་གིས་མངགས་པ་དེ་ལ་དད་པ་བྱས༌ན། འདི་ནི་དཀོན་མཆོག་གི་དོན་སྒྲུབ་པ་ཡིན་ཞེས་གསུངས་སོ།།

དེ་ཡང་ཡབ་ཀྱིས་ང་རང་ལ་བསྩལ་བའི་མི་ཐམས་ཅད་བདག་གི་དྲུང་དུ་ཡོང་ངེས༌ཤིང༌། བདག་གི་གམ་དུ་ཡོང་བའི་མི་སུ་ཡིན་ཡང་བདག་གིས་ནམ་ཡང་འདོར་མི་སྲིད་དོ།།

སི་མོན་པེ་ཏྲོ་ན༌རེ། གཙོ་བོ༌ལགས། ངེད་རྣམས་སུ་ཡི་དྲུང་དུ་འགྲོའམ། ཁྱེད་ལ་མཐའ་མེད་པའི་ཚེ་སྲོག་གི་བཀའ་རྣམས་མངའ་བའོ༎

བདག་ནི་ནམ་མཁའི་ཞིང་ཁམས་ནས་འོངས་པའི་ཚེ་སྲོག་གི་བག་ལེབ་ཡིན༌ཏེ། སུ་ཞིག་གིས་བག་ལེབ་འདི་ཟོས་ན་གཏན་དུ་གསོན་པར་འགྱུར། བག་ལེབ་འདི་ནི་བདག་གི་ཤ་ཡིན༌ཏེ། ངས་འཇིག་རྟེན་མི་ཀུན་གྱི་ཚེ་སྲོག་གི་དོན་དུ་གནང་བར་འགྱུར་ཞེས་གསུངས༌སོ།།

གལ་ཏེ་ང་རང་མངགས་མཁན་ཡབ་ཀྱིས་སུ་ཞིག་བདག་གི་ཕྱོགས་སུ་དྲངས་པ་མིན༌ན། མི་སུ་ཡང་བདག་གི་གམ་དུ་ཡོང་མི་ནུས། བདག་གིས་མཐའ་མའི་ཉིན་མོར་མི་དེ་སླར་གསོན་དུ་འཇུག༌པ་ཡིན།

རྒྱུ་མཚན་ནི་དཀོན་མཆོག་གི་བག་ལེབ་ནི་ནམ་མཁའི་ཞིང་ཁམས་ནས་འོངས་ཤིང་། འཇིག་རྟེན་གྱི་མི་ཀུན་ལ་མཐའ་མེད་པའི་ཚེ་སྲོག་གནང་མཁན་ཡང་ཡིན་ཞེས་གསུངས་པ་ན།

བདག་ནི་ཚེ་སྲོག་གི་བག་ལེབ་ཡིན།

དེ་ནས་སྐྱབས་མགོན་ཡེ་ཤུས་ཕྱག་ཏུ་བག་ལེབ་བསྣམས་ཏེ་བཀའ་དྲིན་ཞུས་པ༌དང༌། ས་རུ་བསྡད་ཡོད་པའི་མི་རྣམས་ལ་བགོ་རུ་བཅུག་ཅིང་། ཉ་གཉིས་ཡོད་པ་ཡང་དེ་བཞིན་མཛད་དེ་མི་རྣམས་ཀྱི་འདོད་མོས་བཞིན་བགོ་རུ་བཅུག་གོ། དེ་ནས་མི་རྣམས་ཀྱི་ལྟོ་བ་འགྲངས༌རྗེས། ཁོང་གིས་ཐུགས་སྲས་རྣམས་ལ་འདི་སྐད༌དུ། ཟས་ལྷག་ཆུད་ཟོས་སུ་མི་གཏོང་བའི་ཕྱིར་ཐམས་ཅད་སྡུས་ཤིག་ཅེས་གསུངས་པས།

ཡང་ཐུགས་སྲས་རྣམས་ཀྱིས་མཚོ་གྲུ་བཏང་ནས་རྒྱང་གྲགས་ལྔའམ་དྲུག་ཙམ་དུ་ཕྱིན་པ༌ན། སྐྱབས་མགོན་ཡེ་ཤུས་མཚོ་སྟེང་དུ་ཞབས་ཀྱིས་བཅགས་ཤིང་མཚོ་གྲུ་དང་ཉེ་བར་ཕེབས་པ་ཁོ་རྣམས་ཀྱིས་མཐོང་ནས་ཤིན་ཏུ་འཇིགས་སོ།། དེ་ནས་སྐྱབས་མགོན་ཡེ་ཤུས་འདི་སྐད༌དུ། འཇིགས་མི་དགོས༌ཏེ། ང་རང་ཡིན་ཞེས་གསུངས་པ༌ན།