If you have would like a copy of this version please contact info@davarpartners.org

Quechua Huamalíes Old Testament

<div class="version vid670 iso6393qvh" data-vid="670" data-iso6393="qvh">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s1">No&#233;ta Tayta Dios promitishqan</div><div class="p"> 1Nirkurmi No&#233;tawan surinkunata Tayta Dios bendicionninta qoshpan nirqan: &lt;&lt;Kay pasaman junt&#228;yashqaykiyaq mirayay.#G&#233;n. 1.28. 2Lapan casta uywakuna, pajaqkuna#9.2 Wakin runakunaqa vuelaqkuna niyanmi., pachalanpa, l&#228;taypa puriqkuna y lamarcho kawaqkuna mansakuy&#228;shunkimi. Sayn&#246;pis say uywakuna lapanmi qamkunapa munaynikicho kayanqa. 3Tukuyl&#228;ya kawaqkuna, mikuykuna y verd&#252;rakunapis mikuy&#228;naykipaqmi kaykan. 4Isanqa ama mikuyankisu yawaryuq aysata. Yawarninch&#246;mi kawaynin kaykan.#Lev. 7.26-27; 17.10-14; 19.26; Deut. 12.16, 23; 15.23.</div><div class="p"> 5&lt;&lt;Runa mayinta wanusiq kaqqa wanusishqami kanqa. Sayn&#246;lami runata wanusiq kaq uywapis wanusish kanqa. 6Kik&#239; niraqtami runata kamashk&#228;.#G&#233;n. 1.26. Saymi pipis runa mayinta wanusiptinqa kikintapis wanusinqa.#&#201;xo. 20.13.</div><div class="p"> 7&lt;&lt;Qamkuna askaman mirayay. Sayn&#246;la qampita miraqkunapis kay pasaman junt&#228;yashqanyaq miray&#228;sun&gt;&gt;.</div><div class="p"> 8Nirkurnami No&#233;ta surinkunatawan Tayta Dios nirqan: 9&lt;&lt;Diluviuwan yapay mana ushak&#228;sin&#228;paqmi qamkunawan y qamkunapita miraqkunawan pactuta rurayk&#228;. 10Sayn&#246;lami pact&#252;ta rurayk&#228; arcapita yarquq lapan casta pajaqkunawan, ashmana kaq y mana ashmana kaq uywakunawan y maysaych&#246;pis uywakunawan. 11Kay pactuta cumplirmi imaypis diluviuwan ushak&#228;sishaqnasu kay pasata, runakunata ni lapan kawaqkunatapis. Kanan kashqan diluviun&#246;qa manami imaypis kanqasu.</div><div class="p"> 12&lt;&lt;Tukuy casta uywakunawan y lapan runakunawan pactu rurashq&#228;ta imaypis yarpar&#228;n&#228;paqmi 13pukutaycho seqyawta#9.13 Wakinqa seqyaw ninanpa trukan turmanyuy niyanmi. rikak&#228;simushaq. Say seqyawmi imaypis se&#241;al kanqa kay pasawan pactuta rurashq&#228;ta yarp&#228;n&#228;paq. 14Saymi pasa jananpa pukutay shamuptin seqyawta rikak&#228;simushaq. 15Say seqyaw ichiptinmi yarp&#228;shaq qamkunawan y kay pasacho kaq lapan casta uywakunawan pactuta rurashq&#228;ta. Saymi kay pasata yakuwan imaypis ushak&#228;sishaqnasu. 16Pukutaycho seqyaw ichimuptinmi yarp&#228;shaq lapan runakunawan y uywakunawanpis pactuta rurashq&#228;ta. Say pactutaqa imaypis cumplishaqmi. 17Saymi seqyawta se&#241;alpaq churashk&#228; qamkunawan y uywakunawan pactuta rurashq&#228;ta yarp&#228;n&#228;paq&gt;&gt;.</div><div class="p">Sayn&#246;mi No&#233;wan Tayta Dios parlarqan.</div><div class="s1">Surinkuna imano kay&#228;nanpaq kashqantapis No&#233; nishqan</div><div class="p"> 18No&#233;pa surinkunami kayarqan Sem, Cam y Jafet. Say kimsan surinkunawanmi arcapita No&#233; yarqay&#228;murqan. Cam karqan Cana&#225;npa pap&#228;ninmi. 19No&#233;pa kimsan surinkunapitami kay pasacho lapan runakuna mirayash.</div><div class="p"> 20Purun chakrata kichaskirmi &#252;vata No&#233; plantarqan. 21Saypitanami &#252;va poquskiptin v&#239;nuta upur No&#233; shinkarqan. Shinkarkurnami qarap&#228;chula toldun rurincho jitaraykarqan. 22Pap&#228;nin qarap&#228;chula jitaraykaqta rikaykurmi Cana&#225;npa taytan Cam ishkay kaq wawqinkunata wilaq aywarqan. 23Saymi Semwan Jafet jinan h&#246;ra cap&#246;tita ayllukurkur pap&#228;nin kaqman qepapaylapa yaykuyashpan saparkuyarqan. Sayno saparkuyarqan pap&#228;nin qarap&#228;chula kaykaqta mana rikay&#228;nanpaqmi.</div><div class="p"> 24Malaq shonquyashna rikcharkamurmi No&#233; musyarqan shulka kaq surin wawqinkunata wilashqanta. 25Saymi nirqan:</div><div class="q1">&lt;&lt;&#161;Cana&#225;n maldicion&#228;du kasun!</div><div class="q1">&#161;Payqa wawqinkunapa ashmaylanmi kanqa!&gt;&gt;</div><div class="p"> 26Nirkurnami yapay nirqan:</div><div class="q1">&lt;&lt;Semtaqa lapanch&#246;pis Tayta Dios yanapaykul&#228;sun.</div><div class="q1">Cana&#225;npita miraqkuna isanqa Sempita miraqkunapa ashmayninkuna kay&#228;sun.</div><div class="q1"> 27Jafetta Tayta Dios yanapaykusun askaman mirananpaq.</div><div class="q1">Sempita miraqkunawan juntu t&#228;y&#228;nanpaqpis kamakaykasisun.</div><div class="q1">Sayn&#246;pis Jafetpita miraqkunapa ashmaynin Cana&#225;npita miraqkuna kay&#228;sun&gt;&gt;.</div><div class="p"> 28Diluviu kashqanpita No&#233; kawarqan kimsa pachak pisqa chunka (350) wata masraqmi. 29No&#233; wanurqan esqun pachak pisqa chunka (950) watayuq kaykarmi.</div>
 </div>
 </div>
</div>

Nirkurmi Noétawan surinkunata Tayta Dios bendicionninta qoshpan nirqan: <<Kay pasaman juntäyashqaykiyaq mirayay. Lapan casta uywakuna, pajaqkuna, pachalanpa, lätaypa puriqkuna y lamarcho kawaqkuna mansakuyäshunkimi. Saynöpis say uywakuna lapanmi qamkunapa munaynikicho kayanqa. Tukuyläya kawaqkuna, mikuykuna y verdürakunapis mikuyänaykipaqmi kaykan. Isanqa ama mikuyankisu yawaryuq aysata. Yawarninchömi kawaynin kaykan.
<<Runa mayinta wanusiq kaqqa wanusishqami kanqa. Saynölami runata wanusiq kaq uywapis wanusish kanqa. Kikï niraqtami runata kamashkä. Saymi pipis runa mayinta wanusiptinqa kikintapis wanusinqa.
<<Qamkuna askaman mirayay. Saynöla qampita miraqkunapis kay pasaman juntäyashqanyaq mirayäsun>>.
Nirkurnami Noéta surinkunatawan Tayta Dios nirqan: <<Diluviuwan yapay mana ushakäsinäpaqmi qamkunawan y qamkunapita miraqkunawan pactuta ruraykä. Saynölami pactüta ruraykä arcapita yarquq lapan casta pajaqkunawan, ashmana kaq y mana ashmana kaq uywakunawan y maysaychöpis uywakunawan. Kay pactuta cumplirmi imaypis diluviuwan ushakäsishaqnasu kay pasata, runakunata ni lapan kawaqkunatapis. Kanan kashqan diluviunöqa manami imaypis kanqasu.
<<Tukuy casta uywakunawan y lapan runakunawan pactu rurashqäta imaypis yarparänäpaqmi pukutaycho seqyawta rikakäsimushaq. Say seqyawmi imaypis señal kanqa kay pasawan pactuta rurashqäta yarpänäpaq. Saymi pasa jananpa pukutay shamuptin seqyawta rikakäsimushaq. Say seqyaw ichiptinmi yarpäshaq qamkunawan y kay pasacho kaq lapan casta uywakunawan pactuta rurashqäta. Saymi kay pasata yakuwan imaypis ushakäsishaqnasu. Pukutaycho seqyaw ichimuptinmi yarpäshaq lapan runakunawan y uywakunawanpis pactuta rurashqäta. Say pactutaqa imaypis cumplishaqmi. Saymi seqyawta señalpaq churashkä qamkunawan y uywakunawan pactuta rurashqäta yarpänäpaq>>.
Saynömi Noéwan Tayta Dios parlarqan.

Noépa surinkunami kayarqan Sem, Cam y Jafet. Say kimsan surinkunawanmi arcapita Noé yarqayämurqan. Cam karqan Canaánpa papäninmi. Noépa kimsan surinkunapitami kay pasacho lapan runakuna mirayash.
Purun chakrata kichaskirmi üvata Noé plantarqan. Saypitanami üva poquskiptin vïnuta upur Noé shinkarqan. Shinkarkurnami qarapächula toldun rurincho jitaraykarqan. Papänin qarapächula jitaraykaqta rikaykurmi Canaánpa taytan Cam ishkay kaq wawqinkunata wilaq aywarqan. Saymi Semwan Jafet jinan höra capötita ayllukurkur papänin kaqman qepapaylapa yaykuyashpan saparkuyarqan. Sayno saparkuyarqan papänin qarapächula kaykaqta mana rikayänanpaqmi.
Malaq shonquyashna rikcharkamurmi Noé musyarqan shulka kaq surin wawqinkunata wilashqanta. Saymi nirqan:
<<¡Canaán maldicionädu kasun!
¡Payqa wawqinkunapa ashmaylanmi kanqa!>>
Nirkurnami yapay nirqan:
<<Semtaqa lapanchöpis TAYTA DIOS yanapaykuläsun.
Canaánpita miraqkuna isanqa Sempita miraqkunapa ashmayninkuna kayäsun.
Jafetta Tayta Dios yanapaykusun askaman mirananpaq.
Sempita miraqkunawan juntu täyänanpaqpis kamakaykasisun.
Saynöpis Jafetpita miraqkunapa ashmaynin Canaánpita miraqkuna kayäsun>>.
Diluviu kashqanpita Noé kawarqan kimsa pachak pisqa chunka (350) wata masraqmi. Noé wanurqan esqun pachak pisqa chunka (950) watayuq kaykarmi.

聞く Génesis 9