LUKA 24

1MO ku dituku dia buxi dia lumingu, ku butwatuku pexe, kwakalwabo ku lukita, badi mu kucwala manonu akalungikabo. 2Yi bakasañana dibwe diamabunguluxibwa ku lukita. 3Yi bakabwela munda yi kabasañana mumbidi ă Fumu Yisu. 4Yi pakantunka ntunkabo ku bwalo bobu, mona, babalumi babidi bakakwemana padibo, badi yi bilamba bia obo kaikai. 5Yi pakacinabo bowa yi bamakwenama mpala ku loboko bakabambila ene, Kukai nwapalala you udi yi môyo pakacikăci pa bafu ? 6Kiena kunu, kate amabixibwa ; nweli nkanyi mwakanutôyelayi pakadi utani mu Ngălili 7ene, Mwana a Muntu uxelongolebwa ku makaci a bantu babi, uxekopekyebwa ku nkulusu, yi uxekwombuluka kabidi ku dituku diamusatu. 8Yi bakakwela meyi anci nkanyi ; 9yi bakapinana ku lukita, yi bakakwambila bintu bebi bioso kudi batumibwi disangi yi umoumwe, yi kudi banga beyi boso. 10Bakadi lolo Mali a Mangadala, yi Yoana, yi Mali Yakobo mamanci ; yi banga babakaxi yinabo, bakakwambila batumibwi bintu bebi. 11Yi meyi aa akadi ku meso abo bea luna tufumu twa kanana, yi bakadi kabasobetabuxila. 12Mo Pita akakwemana yi akaya lubilu ku lukita ; yi akakwenama yi akamona mbuxa ya susu mitupu ; yi akaya kunci, udi mu kukamina malo akapona.

13Yi mona, babidi babo bakadi mu kwenda dituku dedi ku bula bwabikidibwa ene, Emausu, budi Iwedi lwa “ stadia ” masangi asatu ku Yelusaleme. 14Yi bakakwambilañana dia malo aa moso akapona. 15Yi pakadibo mu kutôyañana yi mu kwapangusañana, pakakokyela Yisu mikyenci pepe yi akakwenda yinabo. 16Mo meso abo akaximbibwa bitaxemulubukwabo. 17Yi akabatôyela ene, Malo aa adi beci anwatôyelañana binwendenda ? Yi bakakwemana yi buxitu ku mpala. 18Yi umoumwe, dina dienci ene, Kyeleopasa, akamupingasa ene, Owe wamasala mu Yelusaleme mikyebe mutupu kutena kulubukwa bintu biamapona koku matuku aa ? 19Yei akabapangusa ene, Malo kai ? Yi bakamwambila ene, Malo a Yisu a Nasalete, akadi mudimuxi yi ngulu ku makisa yi ku meyi ku mpala a Ncembi yi ku mpala a bungi bwa bantu ; 20yi mwakamulongola makanda manene yi bantu becu banene ndo kubelebwa lopelo lwa kufwa ; yi mwakamuxipabo. 21Kaninga coco twakadingila ene, Yei ndo you uxepikula bena Isalele. Kate lolo lelo ndo dituku diamusatu kunyuma kwamapona malo aa. 22Yi kabidi banga babakaxi ba kibumbu kiecu baputukamisa, bapuya ku lukita ku butwatuku pexe ; 23yi pakadi kabasosañana mumbidi ănci bapulwa ene, bamamona kabidi kimonenu kia bangele baputôya ene, Udi yi môyo. 24Yi banga bena kwecu bakadi yinecu bapuya ku lukita, yi bapulusafiana mo nako bea biaputôya babakaxi ; mo bakadi kabasomumona yei. 25Yi akabatôyela ene, Bena bwilwa, badi yi bompoci pa kwetabuxila bintu bioso biamatôya badimuxi. 26Ka Kalistu uxetata bintu bebi yi uxebwela mu dikai dienci ? 27Yi akabangola pa Mosese yi pa badimuxi boso yi akabasakolela malo moso mu mukanda ă Ncembi ku bwalo bwanci mikyenci. 28Yi bakakokyela pepe yi bula buxeyabo ; yi yei akakwenca bea ndo kuya lunga lutambu ku buxi. 29Yi bakamubamba ene, Sala yinecu bwalo budi pepe yi bwelu, yi diba ditanalanda kubwela. Yi akabwela ndo kusala yinabo. 30Yi pakadi udi mu kuxikama ku bidya yinabo akangata dimpa, akadilwangwasana, yi pakadi amadinyowa, akabapadio. 31Yi meso abo akadipudibwa yi bakamulembetela ; yi akancimina ku meso abo. 32Yi bakatôyelañana ene, Ki mucima ěcu ăkadi mu kunyungula munda mwecu, biaputôyayi yinecu mu ncila, yi biaputudipudilayi mukanda ă Ncembi ? 33Yi bakakwemana ku ola you, yi bakapinana ku Yelusaleme. Yi bakasafiana batumibwi disangi yi umoumwe bamakokama yi bobo bakadi yinabo, badi mu kutôya 34ene, Fumu amabika sôsôlwo kudi bafu, yi amamoneka kudi Ximono. 35Yi bobo bakabambila mwakabaponena mu ncila, yi mwakalubukibwayi kudibo ku kunyowa kwa dimpa.

36Yi pakadi badi mu kutôya bintu bebi, mikyenci akakwemana paka cikaci pabo, akabatôyela ene, Polo akali yinenu, 37Mo bobo bakamona bixesa yi bowa, yi bakakwenca ene, bamamona muncengi. 38Yi akabatôyela ene, Kukai nwamatepexebwa noku ? Yi kukai nkanyi idi mu kubikanana mu micima yenu ? 39Numoni bianca biamene yi makasa amene, bitani meme mikyemi. Nungubabati yi numoni, bwalo butena muncengi yi munyu yi mifwa bea binwamona bidi yinami. 40Yi pakadi amatôya noku akabebesa bianca bienci yi makasa anci. 41Yi pakadi bakidi kabasokwetabusa bwalo bwa kiango, yi badi mu kukama kama, akabambifa ene, Kintu kioso kidiko yinenu kia kudya ? 42Yi bakamulongola kicini kia yixi mukanga ; 43yi akakiangata yi akadya ku mpala yabo. 44Yi akabatôyela ene, Aa ndo meyi anakanutôyela pakadi nkidi yinenu, bixefikixibwa malo moso amafundibwa mu bwadi bwa Mosese yi mu badimuxi, yi mu Misambu, ku bwalo bwamene. 45Ku kikondo kieki kwakadipulayi nkanyi yabo bixelubukwabo mukanda ă Ncembi ; 46yi akabatôyela ene, Kwamafundibwa nako, ene, Kalistu uxetata, yi uxekwombuluka kudi bafu ku dituku diamusatu ; 47kudibela lolo yi kulekyelebwa kwa mabi kuxekwambidibwa mu dina dienci kudi mabila moso ; yi baxebangola ku Yelusaleme. 48Yi nonu nudi batôbôdi ba bintu bebi. 49Yi mona, meme ngwatuma kilaka kia Tetemi kulu kwenu ; mo nonu nusali mu bula binunalatixibwa ngulu pôi kulu.

50Yi akabaxiya kunci pôi ku Betani, yi akasangola makaci anci kulu, yi akabalwangwasana. 51Yi pakadi udi mu kubalwangwasana, akanamunibwa kudibo yi akacwadibwa kulu mu diulu. 52Yi bakamuxingila, yi bakapinana ku Yelusaleme yi kiango kingi ; 53yi bakadi mu tempelo matuku moso badi mu kutumbisa Ncembi.

Attualmente Selezionati:

LUKA 24: Luna_NT

Evidenziazioni

Copia